តុលាការថៃកាត់ទោសប្រហារជីវិតស្ត្រីដែលសម្លាប់មិត្តភក្ដិ១៤នាក់ដោយប្រើសារធាតុcyanide

តុលាការក្រុងបាងកកប្រទេសថៃ បាន​សម្រេចកាត់ទោសជនសង្ស័យ Sararat Rangsiwuthaporn ដែលត្រូវបាន​ចោទ​ប្រកាន់ថា បានសម្លាប់ជនរងគ្រោះយ៉ាងហោចណាស់១២​នាក់ដោយប្រើសារធាតុ cyanide។ នេះបើយោងតាមការចេញផ្សាយរបស់សារព័ត៌មាន​BBCនៅថ្ងៃទី២១ខែវិច្ឆិកានេះ។

គួររម្លឹកថា ប៉ូលិសថៃ​បានចាប់ខ្លួន Sararat Rangsiwuthaporn នៅទីក្រុងបាងកក កាលពីខែមេសាឆ្នាំ​២០២៣
បន្ទាប់ពីតុលាការទីក្រុងបាងកកបានរកឃើថា ស្រ្តីវ័យ​៣៦​ឆ្នាំរូបនេះ​មានពិរុទ្ធពីបទដាក់ថ្នាំពុលក្នុងអាហារ និងភេសជ្ជៈរបស់មិត្តភក្តិអ្នកមានម្នាក់ ខណៈដែលពួកគេកំពុងធ្វើដំណើរកម្សាន្តកាលពីឆ្នាំមុន។

សាច់ញាតិ​មិត្តភ័ក្តិ​ដែលបានស្លាប់បានបដិសេធ​មិន​ទទួល​យក​ករណី​​ស្លាប់​ដោយ​មូលហេតុ​ធម្មជាតិ ហើយ​ការ​ធ្វើ​កោសល្យ​វិច័យ​បាន​រក​ឃើញ​​សារធាតុ Cyanide ក្នុង​ខ្លួន។ ប៉ូលិសបានចាប់ខ្លួន Sararat និងបានរកឃើញការស្លាប់ស្រដៀងគ្នាផ្សេងទៀតដែលត្រលប់ទៅឆ្នាំ​២០១៥ និងបានរកឃើញថា អ្នកខ្លះដែលស្រ្កីរូបនេះបានកំណត់គោលដៅបានរួចជីវិត។

ប៉ូលិស បាននិយាយថា Sararat ដែលត្រូវបានគេដាក់ឈ្មោះថា Am Cyanide ដោយប្រព័ន្ធផ្សព្វផ្សាយថៃ ដោយសារនាងញៀនល្បែង ហើយបានកំណត់គោលដៅលើមិត្តភ័ក្តិដែលនាងជំពាក់លុយ បន្ទាប់មកបានលួចគ្រឿងអលង្ការ និងវត្ថុមានតម្លៃរបស់ពួកគេ។

យោងតាមប៉ូលិសមុនពេលចាប់ខ្លួន Sararat បានធ្វើដំណើរជាមួយមិត្តរបស់នាងឈ្មោះ Siriporn Khanwong អាយុ ៣២ ឆ្នាំទៅកាន់ខេត្ត Ratchaburi ភាគខាងលិចទីក្រុងបាងកកក្នុងខែមេសា ឆ្នាំ ២០២៣ ចូលរួមក្នុងពិធីបុណ្យព្រះពុទ្ធសាសនានៅឯទន្លេមួយ។

អ្នកស៊ើបអង្កេតបាននិយាយថា Siriporn បានដួលហើយបានស្លាប់បន្ទាប់ពីអាហារជាមួយ Sararat។ បន្ទាប់ពីការត្រួតពិនិត្យប៉ូលិសបានរកឃើញ សារធាតុ Cyanideនៅក្នុងខ្លួនរបស់ Siriporn ហើយទូរស័ព្ទ លុយ និងកាបូបរបស់នាងបានបាត់នៅពេលនាងត្រូវបានរកឃើញ៕

អត្ថបទ៖ ប៊ុន សុភាព