ព័ត៌មានអន្ដរជាតិ

កូនៗសុទ្ធតែពូកែ លោក ដូណាល់ ត្រាំ ប្រើវិធីចិញ្ចឹមកូនបែបណាខ្លះ?

បានផុស

៣ ខែ មុន

នៅ

ថ្ងៃព្រហស្បតិ៍ ២១ វិច្ឆិកា ២០២៤

ដោយ

ក្នុងនាមជាអ្នកជំនួញជោគជ័យ និងនយោបាយដ៏ល្បីមួយរូប លោក ដូណាល់ ត្រាំ មានភាពមមាញឹកខ្លាំង ប៉ុន្តែនៅតែគ្របដណ្តប់ដំណើរការលូតលាស់ទាំងមូលរបស់កូនៗ។ គាត់តែងតែមានការយកចិត្តទុកដាក់ជាចាំបាច់ ដើម្បីបង្កើតឥទ្ធិពលវិជ្ជមានលើពួកគេចាប់តាំងពីកុមារភាព។

ក្នុងអំឡុងពេលយុទ្ធនាការប្រធានាធិបតីរបស់លោកត្រាំ ប្រជាជនមើលឃើញពីភាពជាដៃគូរបស់កុមារ។ អ្វីដែលគួរឲ្យសរសើរនោះគឺកូនរបស់គាត់ទាំងអស់សុទ្ធតែពូកែៗ។ គ្រួសារគឺជាមូលដ្ឋានគ្រឹះដ៏សំខាន់សម្រាប់កូនគ្រប់រូប ហើយលោកតែងតែបញ្ជាក់ពីភាពចាំបាច់នៃគ្រួសារក្នុងការអភិវឌ្ឍន៍របស់បុគ្គលម្នាក់ៗ។ លោកធ្លាប់បានចែករំលែកថា តែងតែចង់បង្កើតបរិយាកាសគ្រួសារ ដែលតម្លៃសីលធម៌ គុណសម្បត្តិផ្ទាល់ខ្លួន និងការគោរពខ្លួនឯងត្រូវបានគេវាយតម្លៃខ្ពស់។

ជារឿយៗ ប្រធានាធិបតីជាប់ឆ្នោតរូបនេះតែងតែចំណាយពេលស្តាប់កូន ហើយគាត់ជឿថាវាមានសារៈសំខាន់ខ្លាំងណាស់ក្នុងការយល់ពីអ្វីដែលកុមារកំពុងគិត និងអារម្មណ៍ក្មេងៗ។ វាគឺជាសេចក្តីស្រឡាញ់របស់លោកចំពោះការងារដែលធ្វើឲ្យកូនៗឆាប់ក្លាយជាមនុស្សដែលមានស្មារតីខិតខំនិងព្យាយាម។ ការមានទំនាក់ទំនងល្អជាមួយកូនទាំង៥ គឺដោយសារគាត់តែងតែគោរពយោបល់និងទស្សនៈរបស់គាត់។ គាត់ជឿជាក់ថា កុមារគ្រប់រូបត្រូវតែអាចឈរដោយខ្លួនឯង ស្វែងយល់ និងស្វែងរកផ្លូវផ្ទាល់ខ្លួនរបស់ពួកគេ។ គាត់គាំទ្ររាល់ការសម្រេចចិត្តរបស់កូន ទទួលយកសូម្បីតែការបរាជ័យ និងបង្រៀនពួកគេឲ្យក្រោកឈរបន្ទាប់ពីដួល។

នៅពេលសួរអំពីអាថ៌កំបាំងនៃការចិញ្ចឹមកូន លោកបានសម្តែងដោយត្រង់ៗនូវភាពតឹងរ៉ឹងរបស់ខ្លួន ប៉ុន្តែថែមទាំងអាចបត់បែនបានក្នុងការធ្វើជាគ្រូបង្រៀន និងជាមិត្តដើម្បីចែករំលែកដល់កូនៗរបស់គាត់។ លោកបានរំលឹកកូនៗថា ជោគជ័យមិនមែនមកដោយងាយទេ ហើយត្រូវតែតស៊ូ និងធ្វើការដោយមនសិការ។ លោកត្រាំក៏បានសង្កត់ធ្ងន់ថា គ្មានការងារណាតូចពេក ឬមិនមានតម្លៃនោះទេ។

លោកបានអនុវត្តគោលការណ៍៣ ដើម្បីបណ្តុះកូនៗតាំងពីតូចមកម្ល៉េះ ពោលគឺកុំជក់បារី, មិនពិសាគ្រឿងស្រវឹង, និងមិនប្រើគ្រឿងញៀន។ ដើម្បីធ្វើជាគំរូដល់កូនៗ លោកត្រាំខ្លួនឯង មិនមានទម្លាប់ផឹកស្រា ឬជក់បារីទេ។ គាត់តែងតែសង្កត់ធ្ងន់លើសារៈសំខាន់នៃស្មារតី និងសីលធម៌របស់មនុស្ស។ គាត់ផ្តោតលើការចិញ្ចឹមកូនដើម្បីឲ្យពួកគេតែងតែមានគំនិតភ្លឺស្វាង នៅឆ្ងាយពីទម្លាប់អាក្រក់ ផ្តោតលើការសិក្សាអភិវឌ្ឍខ្លួនឯង និងកសាងអនាគតដ៏រឹងមាំសម្រាប់ខ្លួនឯង។ ទោះបីជាពួកគេធំឡើងក្នុងគំនរទ្រព្យសម្បត្តិក៏ដោយ កូនៗទាំងប្រាំនាក់បានរស់នៅក្នុងជីវិតឯកជន មិនបានចូលរួមក្នុងរឿងអាស្រូវក្នុងជីវិតផ្ទាល់ខ្លួនរបស់ពួកគេ អភិវឌ្ឍអាជីព និងរួមចំណែកក្នុងអាជីវកម្មរបស់គ្រួសារ។

សម្រាប់កូនៗ លោកមិនត្រឹមតែជាឪពុកប៉ុណ្ណោះទេ ក៏ជាទីប្រឹក្សាការងារ និងជាអ្នកគ្រប់គ្រងការងាររបស់កូនៗ នៅក្នុងសាជីវកម្មផងដែរ។ លោកតែងតែលើកទឹកចិត្តឲ្យឈានជើងចូលក្នុងការិយាល័យ ដើម្បីមានអារម្មណ៍ថា គាត់កំពុងធ្វើរាល់ថ្ងៃ ហើយយល់ពីមូលហេតុដែលគាត់មានទឹកចិត្តខ្លាំង។ នោះក៏ជាមូលហេតុដែលកូនបានចូលរួមជាមួយ គំរោង Trump Group។ ទោះជាគាត់រវល់ខ្លាំងក៏ដោយ គាត់តែងតែឆ្លៀតពេលស្តាប់ និងគាំទ្រកូន ក្នុងការសម្រេចចិត្តធំៗ។ គាត់បានអនុញ្ញាតឲ្យពួកគេធ្វើការពិសោធន៍ និងរៀនពីកំហុសរបស់ពួកគេ ហើយមិនខ្លាចក្នុងការផ្តល់ដំបូន្មាន ពេលខ្លះធ្ងន់ធ្ងរ ប៉ុន្តែជាក់ស្តែងណាស់។

ក្នុងនាមជាអ្នកជំនួញជោគជ័យ និងជាអ្នកដឹកនាំ លោកត្រាំតែងតែផ្តោតលើការបណ្តុះបណ្តាលជំនាញភាពជាអ្នកដឹកនាំរបស់កូនៗតាំងពីតូច។ គាត់ជឿថា ជំនាញនេះមិនត្រឹមតែជាមូលដ្ឋានគ្រឹះសម្រាប់អាជីពប៉ុណ្ណោះទេ ប៉ុន្តែថែមទាំងជួយបង្កើតបុគ្គលិកលក្ខណៈរឹងមាំ និងសម្រេចចិត្តផងដែរ។

ថ្វីដ្បិតតែគាត់ជាមហាសេដ្ឋីក៏ដោយ ប៉ុន្តែលោកមានទស្សនៈតឹងរ៉ឹងខ្លាំងលើលុយកាក់ជាមួយកូនតាំងពីតូច។ ជំនួសឲ្យការពឹងផ្អែកលើលុយនិងអំណាចគ្រួសារ គាត់ទុកឲ្យកូនៗពឹងផ្អែកលើខ្លួនឯង ទទួលបានបទពិសោធន៍ និងកសាងភាពជោគជ័យដោយខ្លួនឯង។ នេះបានបង្កើតអនាគតដ៏រឹងមាំ និងឯករាជ្យសម្រាប់គ្រួសារលោកត្រាំ ។ នៅពេលគាត់នៅក្មេង កូនប្រុសច្បង Donald Trump Jr. បានធ្វើការជាអ្នករត់តុនៅក្រុមហ៊ុន Trump Group ក្នុងទីក្រុង Atlantic ដើម្បីរកប្រាក់ចូលហោប៉ៅ។ ចំណែកកូនស្រីនាង Ivanka កាលនៅរៀន ក្រៅពីថ្លៃសិក្សា និងថ្លៃរស់នៅ នាងត្រូវធ្វើការក្រៅម៉ោង ដើម្បីទិញរបស់ដែលខ្លួនស្រលាញ់ ទិញទូរស័ព្ទផ្ទាល់ខ្លួន និងបង់ថ្លៃប្រើប្រាស់ទូរស័ព្ទជារៀងរាល់ខែ។

Ivanka ធំឡើងមិនត្រឹមតែគ្រប់គ្រងក្រុមហ៊ុនគ្រួសារប៉ុណ្ណោះទេ ថែមទាំងធ្វើអចលនទ្រព្យ ម៉ូដដ៏ល្បី។ ពេញមួយអាណត្តិដំបូងរបស់ឪពុក នាងបានបម្រើការជាទីប្រឹក្សាជាន់ខ្ពស់ ចូលរួមក្នុងគម្រោងជាច្រើនទាក់ទងនឹងការអភិវឌ្ឍន៍សេដ្ឋកិច្ច ជាពិសេសកម្មវិធីជួយស្ត្រីជុំវិញពិភពលោកក្នុងការអភិវឌ្ឍន៍សេដ្ឋកិច្ច។ គេអាចមើលឃើញថា លោកត្រាំអាច រក្សាអាជីពផង និងជាគំរូសម្រាប់កូនៗកឲ្យធ្វើតាម។ ស្របពេលដែល កូនច្បងបីនាក់របស់លោកត្រាំ សុទ្ធតែចូលរួមក្នុងអាជីវកម្មរបស់ចក្រភពត្រាំ និងគាំទ្រអាជីពនយោបាយរបស់ឪពុកពួកគេយ៉ាងផុសផុលបំផុត៕