ព័ត៌មានអន្ដរជាតិ
តួលេខអ្នកស្លាប់ព្រោះព្យុះ មែនយី នៅហ្វីលីពីន កើនដល់១២នាក់
ទីភ្នាក់ងារគ្រោះមហន្តរាយជាតិហ្វីលីពីន បានប្រកាសនៅថ្ងៃទី២១ខែវិច្ឆិកានេះថា អ្នកស្លាប់ដោយសារព្យុះ មែនយី (Man-yi) មានចំនួនកើនឡើងដល់ ១២នាក់ហើយ ខណៈទឹកជំនន់នៅក្នុងប្រទេស កំពុងស្រកចុះជាបណ្ដើរៗ។

ព្យុះ មែនយី ធ្វើឲ្យភូមិ និងអគារជាច្រើនកន្លែងនៅហ្វីលីពីនបានជន់លិច កាលពីចុងសប្ដាហ៍មុន ហើយល្បឿនខ្យល់អតិបរមាគឺ ១៨៥គីឡូម៉ែត្រក្នុង១ម៉ោង។ អ្នកស្លាប់ព្រោះព្យុះនេះ ភាគច្រើនស្ថិតនៅតំបន់ភ្នំ ក្បែររដ្ឋធានីម៉ានីល ដោយក្នុងនោះមាន៧នាក់បាត់បង់ជីវិតដោយសារបំណាក់ដីចំផ្ទះរបស់ពួកគេនៅក្នុងខេត្ត Nueva Vizcaya។
បច្ចុប្បន្ន មនុស្សចំនួន ៤នាក់កំពុងបាត់ខ្លួននៅឡើយ។
មន្ត្រីទីភ្នាក់ងារគ្រោះមហន្តរាយ បានប្រាប់ថា កម្ពស់ទឹកដែលបានជន់លិច បានស្រកចុះមកត្រឹមកម្ពស់ ០,៣ម៉ែត្រ ហើយប្រជាជនដែលបានជម្លៀសខ្លួនក៏បានត្រឡប់ទៅផ្ទះសម្បែងរៀងៗខ្លួនវិញដែរ ខណៈសាលារៀន និងការិយាល័យរដ្ឋាភិបាល ក៏បានបើកដំណើរការដូចគ្នា។
មែនយី ជាព្យុះទី៦ហើយដែលវាយប្រហារប្រទេសហ្វីលីពីន នៅក្នុងរយៈពេលត្រឹម១ខែប៉ុណ្ណោះ។
បើសរុបតួលេខអ្នកស្លាប់ទាំងអស់នៅក្នុងពេល១ខែកន្លងមក មនុស្សយ៉ាងហោចណាស់ ១៧៥នាក់បានបាត់បង់ជីវិត ហើយមនុស្សរាប់ម៉ឺននាក់ត្រូវបានជម្លៀសខ្លួន ព្រមទាំងមានបំផ្លិចបំផ្លាញផលដំណាំរាប់ហិកតា និងសម្លាប់សត្វចិញ្ចឹមអស់ជាច្រើនក្បាល។
សូមបញ្ជាក់ថា ព្យុះធំៗប្រហែល ២០ បានបោកបក់លើប្រទេសហ្វីលីពីន ឬតំបន់ទឹកជុំវិញជារៀងរាល់ឆ្នាំ ដោយបានសម្លាប់មនុស្សរាប់រយនាក់ និងធ្វើឲ្យមនុស្សរាប់លាននាក់ស្ថិតក្នុងភាពក្រីក្រ។
ការសិក្សានាពេលថ្មីៗនេះ បានបង្ហាញថា ព្រោះតែបម្រែបម្រួលអាកាសធាតុ បណ្ដុំព្យុះនៅតំបន់អាស៊ីប៉ាស៊ីហ្វិក កំពុងតែខិតទៅជិតឆ្នេរសមុទ្រ ដែលជាហេតុធ្វើឲ្យពួកវាមានឥទ្ធិពលកាន់តែខ្លាំង កាន់តែលឿន និងមានរយៈពេលយូរជាងមុន៕
ដោយ៖ ឈាង
ចុចអាន៖ ទុក្ខផ្ទួនៗ! ហ្វីលីពីន ត្រៀមជួបព្យុះទី៥ ក្នុងពេលមិនដល់១ខែផង

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ