ព័ត៌មានអន្ដរជាតិ
និស្សិតជនជាតិន័រវេសត្រូវបានចាប់ខ្លួនពីបទចារកម្មលើសហរដ្ឋអាមេរិកឲ្យរុស្ស៊ីនិងអ៊ីរ៉ង់
អាជ្ញាធរប្រទេសន័រវេស បាននិយាយថា និស្សិតជនជាតិន័រវេសម្នាក់ដែលមានអាយុ២០ឆ្នាំត្រូវបានចាប់ខ្លួនពីបទសង្ស័យថាបានធ្វើចារកម្មឲ្យប្រទេសរុស្ស៊ី និងអ៊ីរ៉ង់ ខណៈដែលខ្លួនកំពុងធ្វើការជាឆ្មាំនៅស្ថានទូតសហរដ្ឋអាមេរិកនៅទីក្រុង Oslo ប្រទេសន័រវេស។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី២៣ខែវិច្ឆិកានេះ។
![](https://www.kampucheathmey.com/wp-content/uploads/2024/11/photo_2024-11-23_12-58-57.jpg)
បុរសនោះមិនត្រូវបានបញ្ចេញអត្តសញ្ញាណនោះត្រូវបានបញ្ជាឱ្យឃុំខ្លួនរយៈពេល៤សប្តាហ៍។ ប៉ូលិសបានឲ្យដឹងថា បុរសនោះកំពុងសិក្សាថ្នាក់បរិញ្ញាបត្រផ្នែកសន្តិសុខ និងការត្រៀមខ្លួននៅសាកលវិទ្យាល័យ Norway’s Arctic University, UiT។
ទីភ្នាក់ងារស៊ើបការណ៍សម្ងាត់ក្នុងស្រុក PST របស់ប្រទេសន័រវេសបាននិយាយកាលពីយប់ថ្ងៃព្រហស្បតិ៍ថា បុរសនោះត្រូវបានចាប់ខ្លួននៅក្នុងយានដ្ឋានរបស់គាត់នៅផ្ទះកាលពីថ្ងៃពុធដោយសង្ស័យថា បានធ្វើឱ្យប៉ះពាល់ដល់សន្តិសុខជាតិជាមួយនឹងសកម្មភាពដែលទាក់ទងនឹងការស៊ើបការណ៍របស់គាត់។
យោងតាម NRK បានឱ្យដឹងថា ដីកាចាប់ខ្លួនពីតុលាការស្រុកនិយាយថា ក្នុងចំណោមរបស់ផ្សេងទៀត ប៉ូលិសបានរកឃើញកំណត់ត្រានៃកិច្ចសន្ទនាការចាត់តាំងរបស់បុរសនោះជាមួយនឹងមនុស្សម្នាក់ដែលច្បាស់ជាដឹកនាំសកម្មភាពចារកម្មរបស់គាត់ ខណៈបុរសនេះបានសារភាពថាបានប្រមូល និងចែករំលែកព័ត៌មានជាមួយអាជ្ញាធររុស្ស៊ី និងអ៊ីរ៉ង់។
អ្នកនាំពាក្យ PST លោក Thomas Blom បានប្រាប់សន្និសីទសារព័ត៌មានកាលពីយប់ថ្ងៃព្រហស្បតិ៍ថា វាលឿនពេកក្នុងការនិយាយអំពីព័ត៌មានលម្អិតនៃសកម្មភាពរបស់បុរសនោះ។ PST បានបញ្ជាក់ថា បុរសនោះមានការងារជាសន្តិសុខនៅស្ថានទូតអាមេរិកក្នុងទីក្រុង Oslo មិនមានជនសង្ស័យផ្សេងទៀតក្នុងករណីនេះទេ។
![](https://www.kampucheathmey.com/wp-content/uploads/2024/11/photo_2024-11-23_12-58-23.jpg)
យោងតាមមេធាវីរបស់ជនសង្ស័យគឺលោក John Christian Elden បានប្រាប់ NRK ថា បុរសនោះសារភាពថា ខ្លួនបានធ្វើការឱ្យប្រទេសក្រៅ ប៉ុន្តែមិនបានសារភាពពីកំហុសពីបទចារកម្មនោះទេ ហើយគាត់ត្រូវបានចោទប្រកាន់ពីបទទទួលបានព័ត៌មានដែលអាចប៉ះពាល់ដល់ស្ថានភាពសន្តិសុខនៃប្រទេសទីបី។
គួរបញ្ជាក់ថាប្រទេសន័រវេសមានព្រំដែនប្រវែង ១៩៨ គីឡូម៉ែត្រជាមួយរុស្ស៊ីនៅតំបន់អាក់ទិក។ ចាប់តាំងពីការលុកលុយយ៉ាងពេញទំហឹងរបស់រុស្ស៊ីមកកាន់អ៊ុយក្រែនក្នុងខែកុម្ភៈ ឆ្នាំ ២០២២ប្រទេសន័រវែសបានរឹតបន្តឹងយ៉ាងខ្លាំងចំពោះការចូលរបស់ជនជាតិរុស្ស៊ី។ កាលពីខែកញ្ញា រដ្ឋាភិបាលន័រវេសបាននិយាយថា ខ្លួនកំពុងពិចារណាលើផែនការសាងសង់ របងតាមបណ្តោយព្រំដែនទាំងអស់ ឬផ្នែកខ្លះរបស់ខ្លួនជាមួយប្រទេសរុស្ស៊ី៕
អត្ថបទ៖ ប៊ុន សុភាព
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៦ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៥ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច