Connect with us

ព័ត៌មានអន្ដរជាតិ

ជប៉ុន​ផ្អាក​​បាញ់​បង្ហោះ​រ៉ុក្កែត​​ភ្លាមៗ​ បន្ទាប់​ពី​​បរាជ័យ ​​​ដោយសារ​ការ​ផ្ទុះ​ឆេះ​

បានផុស

នៅ

បណ្តាញ​​​សារព័ត៌មាន​​ជប៉ុន​ NHK បាន​ផ្សាយ​ថា ​ទីភ្នាក់ងាររុករក​អវកាសរបស់ប្រទេសជប៉ុន (JA​XA) បាន​សម្រេច​​ផ្អាកការបាញ់​សាកល្បង​រ៉ុក្កែត Epsilon S ​នៅ​មជ្ឈមណ្ឌល​​​អវកាស​ Tanegashima នៅ​​ភាគនិរតី​​នៃ​ខេត្ត​ Kagoshima​ បន្ទាប់​ពី​មាន​ការ​ផ្ទុះ​ឆេះ​ស្ថានីយអវកាស​នោះ។   

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែវីដេអូពីប្រព័ន្ធផ្សព្វផ្សាយ ដោយ​ទូរទស្សន៍​​ NHK បានបង្ហាញ​នូវអណ្តាតភ្លើងឆាបឆេះយ៉ាង​ខ្លាំង​ បន្ទាប់ពីការធ្វើតេស្ត​ដោយ​ចាប់​ផ្តើម​ពី​ក្នុងដី​នៅ​វេលា​ម៉ោង​៨និង​៣០​នាទី​​ ម៉ោង​នៅ​ក្នុង​តំបន់​ ស្រាប់​តែ​ភ្លាមៗ​នោះ​ក៏​មាន​សំឡេងផ្ទុះ​​បាន​កើត​ឡើង​​ក្រោយ​ការ​ដុត​ប្រហែល​៤៩​វិនាទី។ មិនមានសេចក្តី រាយការណ៍ ពីការរងរបួសណាមួយក្នុងឧបទ្ទវហេតុ នៅតំបន់ ដាច់ស្រយាល Kagoshima ភាគខាងត្បូងប្រទេសជប៉ុនឡើយ។

ការសាកល្បង​ត្រូវ​បាន​គេ​រំពឹង​ថា នឹ​ង​មាន​រយៈពេល​១២​០វិនាទី​។​

JAXA បានចាប់ដៃគូជាមួយអង្គភាពអវកាសនៃ IHI Corp ដើម្បីបង្កើត Epsilon S ដែលជាម៉ូដែលជំនាន់បន្ទាប់នៃស៊េរីរ៉ុក្កែតធុនតូច Epsilon របស់ប្រទេសជប៉ុន។ ករណី​ផ្ទុះ​បែបនេះ​ក៏​ធ្លាប់​កើត​មាន​​កាល​ខែ​កក្កដា​ឆ្នាំ​មុន អំឡុង​ពេលការធ្វើតេស្តសាកល្បង​​​​បាញ់បង្ហោះ​រុក្កែត​ នៅទីតាំង​ភាគឦសាន្ត​នៃ​ខេត្ត Akita។ កាល​នោះ​ការ​ផ្ទុះ​បាន​កើត​ឡើង​​ក្រោយ​ការដុត​ប្រហែល​​៥៧​វិនាទី៕​

ដោយ រ៉ាន់ រើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម