ព័ត៌មានអន្ដរជាតិ
ទីក្រុងមូស្គូ៖ បើអាមេរិក ដាក់មីស៊ីលនៅអាស៊ី រុស្ស៊ី ក៏ដាក់មីស៊ីលនៅទីនោះដែរ
ឆ្លើយតបសំណួរអ្នកកាសែតដែលសួរថាតើ រុស្ស៊ី គិតចង់ដាក់ពង្រាយមីស៊ីលរយៈចម្ងាយជិតនិងមធ្យមនៅតំបន់អាស៊ីដែរឬក៏អត់នោះ, អនុរដ្ឋមន្ត្រីការបរទេសរុស្ស៊ី លោក Sergei Ryabkov បានអះអាងថា ជាការពិត បើសហរដ្ឋអាមេរិកដាក់មីស៊ីលនៅអាស៊ី រុស្ស៊ីក៏នឹងដាក់មីស៊ីលនៅទីនោះដូចគ្នា។

លោកនិយាយនៅថ្ងៃអង្គារទី២៦ខែវិច្ឆិកាឆ្នាំ២០២៤ថា នៅកន្លែងណាក៏ដោយលើពិភពលោកនេះ ឲ្យតែអាមេរិកដាក់មីស៊ីល នោះរុស្ស៊ីក៏នឹងពិចារណាលើវិធានការចាំបាច់ជាបន្តបន្ទាប់ដូចគ្នា ដូចជាការរៀបចំហេដ្ឋារចនាសម្ព័ន្ធយោធា និងការឆ្លើយតបផ្នែកបច្ចេកទេសយោធាជាដើម។
ការឆ្លើយតបរបស់លោក Ryabkov កើតឡើង បន្ទាប់ពីមានសេចក្តីរាយការណ៍ថា សហរដ្ឋអាមេរិកគ្រោងដាក់ពង្រាយមីស៊ីលទៅកាន់កោះភាគនិរតីប្រទេសជប៉ុននិងហ្វីលីពីន ប្រសិនបើជម្លោះរវាងចិននិងកោះតៃវ៉ាន់ រីកធំ។

ប្រធានបញ្ជាការដ្ឋានឥណ្ឌូប៉ាស៊ីហ្វិករបស់សហរដ្ឋអាមេរិក ឧត្តមនាវីឯក Samuel Paparo ក៏បាននិយាយកាលពីសប្តាហ៍មុនដែរថា ប្រទេសចិន បានធ្វើសមយោធាធំបំផុត ជាការត្រៀមលុកលុយតៃវ៉ាន់។
តាមពិតទៅ សហរដ្ឋអាមេរិកបានដំឡើងប្រព័ន្ធមីស៊ីលរយៈចម្ងាយមធ្យម Typhon នៅក្នុងប្រទេសហ្វីលីពីនចាប់តាំងពីខែមេសាមកម្ល៉េះ ដោយដំបូងដាក់ពង្រាយសម្រាប់ការធ្វើសមយុទ្ធយោធារួមគ្នាជាមួយទីក្រុងម៉ានីលប៉ុណ្ណោះ។
មកដល់ចុងខែកញ្ញា ស្រាប់តែសារព័ត៌មាន Associated Press រាយការណ៍ថា សហរដ្ឋអាមេរិកនិងហ្វីលីពីន បានយល់ព្រមរក្សាទុក Typhon នៅទីនោះជារៀងរហូតទៅវិញ ដែលទង្វើនេះ ធ្វើឲ្យចិនខឹងសម្បាយ៉ាងខ្លាំង ហើយទាមទារឲ្យដកចេញវិញ៕
អត្ថបទ៖ សុខ សុវណ្ណ
ចុចអាន៖ រុស្ស៊ី ត្រៀមផលិតមីស៊ីល ដែលហាមឃាត់ក្រោមសន្ធិសញ្ញាជាមួយ អាមេរិក

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ