ព័ត៌មានអន្ដរជាតិ
មិនទាន់ឡើងកាន់តំណែងផង លោក ត្រាំ ឈ្លោះជាមួយប្រទេសមួយចំនួនបាត់ទៅហើយ
មិនទាន់ឡើងកាន់តំណែងជាផ្លូវការផង លោក ដូណាល់ ត្រាំ បានបង្កជម្លោះជាមួយប្រទេសមួយចំនួនបាត់ទៅហើយ ជាពិសេសលើវិស័យពាណិជ្ជកម្ម ដោយកាលពីពេលថ្មីៗនេះ លោកបានប្រកាសដំឡើងពន្ធថ្មីលើប្រទេសចំនួន៣ ដូចជាចិន ម៉ិកស៊ិក និងកាណាដា។
ប្រធានាធិបតីជាប់ឆ្នោតអាមេរិកវ័យ៧៨ឆ្នាំរូបនេះ បាននិយាយថា ភ្លាមៗបន្ទាប់ពីឡើងកាន់តំណែងនៅថ្ងៃទី២០ខែមករា លោកនឹងចុះហត្ថលេខាលើបទបញ្ជាប្រតិបត្តិដែលដំឡើងពន្ធ ២៥% លើទំនិញទាំងអស់មកពីម៉ិកស៊ិក និងកាណាដា ហើយពន្ធបន្ថែម ១០% នឹងត្រូវដាក់លើប្រទេសចិន រហូតទាល់តែរដ្ឋាភិបាលក្រុងប៉េកាំង រារាំងការរត់ពន្ធសារធាតុញៀនហ្វេតានីល ដែលសម្លាប់ពលរដ្ឋអាមេរិកជិត ៧៥ ០០០នាក់កាលពីឆ្នាំ២០២៣។
បញ្ហានេះធ្វើឲ្យទីក្រុងប៉េកាំងមិនសប្បាយចិត្តទេ ដោយស្ថានទូតចិនប្រចាំសហរដ្ឋអាមេរិក បានលើកឡើងកាលពីថ្ងៃទី២៥ខែវិច្ឆិកាថា រវាងក្រុងប៉េកាំងឬក្រុងវ៉ាស៊ីនតោន នឹងគ្មាននរណាម្នាក់ឈ្នះសង្គ្រាមពាណិជ្ជកម្មឡើយ។
លោក Liu Pengyu អ្នកនាំពាក្យស្ថានទូតចិន បាននិយាយថា «ទាក់ទិននឹងបញ្ហាពន្ធអាមេរិកលើចិន ចិនជឿថា កិច្ចសហប្រតិបត្តិការពាណិជ្ជកម្ម និងសេដ្ឋកិច្ចរវាងចិន-អាមេរិក នៅតែផ្ដល់ផលប្រយោជន៍ឲ្យគ្នាទៅវិញទៅមកដដែល។ គ្មាននរណាម្នាក់នឹងឈ្នះសង្គ្រាមពាណិជ្ជកម្ម ឬក៏សង្គ្រាមពន្ធនោះទេ»។
ចំណែកឯប្រទេសម៉ិកស៊ិកឯណោះវិញ លោកស្រីប្រធានាធិបតី Claudia Sheinbaum បានស្តីបន្ទោសលោក ត្រាំ ខ្លាំងៗ ហើយគំរាមសងសឹក ដោយដំឡើងពន្ធលើសហរដ្ឋអាមេរិកដូចគ្នា។ លោកស្រីព្រមានថា ពន្ធគយនឹងបណ្តាលឲ្យមានអតិផរណានិងបាត់បង់ការងារធ្វើ នៅក្នុងប្រទេសទាំងពីរ។
គេដឹងថា ការដែលលោក ត្រាំ ដំឡើងពន្ធលើប្រទេសម៉ិកស៊ិក គឺដោយសារតែ មិនពេញចិត្តដែលរដ្ឋាភិបាលម៉ិកស៊ិក មិនអាចធ្វើអ្វីបានដើម្បីទប់ស្កាត់លំហូរជនអន្តោប្រវេសន៍និងគ្រឿងញៀន ចូលក្នុងទឹកដីអាមេរិក។
រីឯកាណាដា ការិយាល័យរបស់លោក Justin Trudeau បានបញ្ជាក់ថា នាយករដ្ឋមន្ត្រីបានជជែកជាមួយលោក ត្រាំ រួចហើយពាក់ព័ន្ធបញ្ហានេះ ហើយបច្ចុប្បន្នកំពុងចរចាគ្នាបន្ថែមទៀត។
សូមបញ្ជាក់ថា ក្នុងអំឡុងពេលយុទ្ធនាការបោះឆ្នោត លោក ត្រាំ ធ្លាប់សន្យាដាក់ពន្ធ ៦០% ឬច្រើនជាងនេះលើការនាំចូលទំនិញរបស់ចិន ហើយអះអាងទៀតថា លោកអាចដាក់ពន្ធ ២០០% ឬខ្ពស់ជាងនេះឯណោះលើយានយន្តដែលនាំចូលពីម៉ិកស៊ិក។
យ៉ាងណា អ្នកសេដ្ឋកិច្ចជាច្រើន ព្រមានថា សំណើរបស់លោក ត្រាំ សម្រាប់ពន្ធលើមូលដ្ឋានទូទៅនេះនឹងបង្កើនថ្លៃដើមនៃទំនិញប្រចាំថ្ងៃនៅក្នុងសហរដ្ឋអាមេរិក ហើយធ្វើឲ្យកំណើនសេដ្ឋកិច្ចពិភពលោកធ្លាក់ចុះ៕
អត្ថបទ៖ សុខ សុវណ្ណ
ចុចអាន៖ ចិន បញ្ចេញប្រតិកម្ម ក្រោយលោក ត្រាំ គំរាមដំឡើងពន្ធ
បង្កើនប្រសិទ្ធភាពការងារ សហព័ន្ធគុនខ្មែរលែងដាក់អគ្គលេខាធិការពីគណៈកម្មការប្រតិបត្តិ
អ្នកនាំពាក្យថា ការដកខ្លួនរបស់អាមេរិកពីកិច្ចព្រមព្រៀងប៉ារីសស្ដីពីអាកាសធាតុមិនប៉ះពាល់ដល់គម្រោងលក់កាបូនរបស់កម្ពុជាទេ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
ការនាំចេញរបស់កម្ពុជាទៅកាន់ទីផ្សារអឺរ៉ុបសម្រេចបានជាង៤,៤ពាន់លានដុល្លារក្នុងឆ្នាំ២០២៤
អ្នកនាំពាក្យ៖ ពីរថ្ងៃនៃការអនុវត្តច្បាប់ចរាចរណ៍នៅផ្លូវ៦០ម៉ែត្រមានពលរដ្ឋចូលរួមសហការច្រើន និងបានពិន័យអ្នកបើកបរល្មើសល្បឿនមួយចំនួន
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់