ព័ត៌មានអន្ដរជាតិ
អាមេរិក ប្រាប់ឲ្យអ៊ុយក្រែនបន្ថយអាយុរើសទាហានមកត្រឹម ១៨ឆ្នាំ
រដ្ឋបាលរបស់ប្រធានាធិបតីអាមេរិក លោក ចូ បៃដិន កាលពីថ្ងៃពុធបានជំរុញឲ្យអ៊ុយក្រែន កាត់បន្ថយអាយុអប្បបរមារបស់ទាហានមកត្រឹម ១៨ឆ្នាំ ខណៈបច្ចុប្បន្នអាយុអប្បបរមាគឺ ២៥ឆ្នាំ។ ការធ្វើដូច្នេះ គឺដើម្បីឲ្យស្របតាមស្ដង់ដារអាយុនៅអាមេរិក និងដោះស្រាយកង្វះកម្លាំងពលកម្ម សម្រាប់ទប់ទល់នឹងការឈ្លានពានពីរុស្ស៊ី។
រដ្ឋបាលលោក បៃដិន បាននិយាយថា អ៊ុយក្រែនកំពុងប្រឈមមុខនឹងវិបត្តិជ្រើសរើសបុគ្គលិក នៅពេលដែលខ្លួនប្រឈមមុខនឹងសត្រូវធំជាង និងមានអាវុធទំនើបជាង ហើយចំនួនអ្នកស្ម័គ្រចិត្តក៏ធ្លាក់ចុះ។
មន្ត្រីជាន់ខ្ពស់នៃរដ្ឋបាលលោក បៃដិន បាននិយាយក្នុងលក្ខខណ្ឌមិនបញ្ចេញឈ្មោះថា៖ «ការពិតដ៏សាមញ្ញគឺថា អ៊ុយក្រែនបច្ចុប្បន្នមិនបានប្រមូលផ្តុំ ឬបណ្តុះបណ្តាលទាហានឲ្យបានគ្រប់គ្រាន់ ដើម្បីជំនួសការខាតបង់ក្នុងសមរភូមិរបស់ពួកគេឡើយ ខណៈកំពុងតទល់ជាមួយយោធារបស់រុស្ស៊ីដែលកំពុងកើនឡើង»។
បើតាមពិតទៅ កន្លងមក អ៊ុយក្រែនធ្លាប់បានបន្ថយអាយុអប្បបរមារើសទ័ពម្ដងរួចមកហើយ ដោយបន្ថយពីអាយុ២៧ឆ្នាំមកត្រឹម២៥ឆ្នាំ បន្ទាប់ពីការលុកលុយរបស់រុស្ស៊ីកាលពីខែកុម្ភៈឆ្នាំ២០២២។
ពាក់ព័ន្ធនឹងបញ្ហាសង្គ្រាមនៅអ៊ុយក្រែន ប្រធានាធិបតីទើបជាប់ឆ្នោត លោក ដូណាល់ ត្រាំ បានបង្ហាញពីការផ្លាស់ប្តូរយុទ្ធសាស្រ្ត ដែលខុសពីរដ្ឋបាលលោក ចូ បៃដិន ដោយកាលពីថ្ងៃពុធ លោក ត្រាំ បានតែងតាំងអតីតទីប្រឹក្សាសន្តិសុខដែលចូលនិវត្តន៍ម្នាក់គឺលោក Keith Kellogg ឲ្យក្លាយជាបេសកជនអ៊ុយក្រែន។
លោក Kellogg ធ្លាប់បានស្នើថា ទីក្រុងវ៉ាស៊ីនតោន អាចប្រើប្រាស់លំហូរជំនួយយោធាដ៏ច្រើនដែលផ្ដល់ឲ្យទីក្រុងកៀវ ជាមធ្យោបាយជំរុញឲ្យប្រទេសនេះ ចូលទៅក្នុងកិច្ចចរចាសន្តិភាពជាមួយទីក្រុងមូស្គូ។
លោកក៏បានសន្យាផងដែរថា អង្គការណាតូនឹងមិនផ្តល់សមាជិកភាពឲ្យអ៊ុយក្រែន ក្នុងរយៈពេលច្រើនឆ្នាំទៅមុខ ដើម្បីជាថ្នូរនឹងការធានាសន្តិសុខពីរុស្ស៊ី៕
ដោយ៖ ឈាង
កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
តើការបំពាក់ប្រព័ន្ធប្រកាសអាសន្នគ្រោះរញ្ជួយដី មានតម្លៃប៉ុន្មានសម្រាប់ប្រទេសនីមួយៗ?
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៩ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ