ព័ត៌មានអន្ដរជាតិ

ញៀននឹងវះកាត់កែសម្ផស្ស ចុងក្រោយតារាម៉ូដែលកាណាដា-ម៉ិកស៊ិក បានត្រឹមសោកស្តាយ

បានផុស

៤ ខែ មុន

នៅ

ថ្ងៃព្រហស្បតិ៍ ២៨ វិច្ឆិកា ២០២៤

ដោយ

តារាម៉ូដែលកាណាដា-ម៉ិកស៊ិក ឈ្មោះ Mary Magdalene ដែលមានអាយុ ៣០ ឆ្នាំ ញៀននឹងការវះកាត់កែសម្ផស្សយ៉ាងខ្លាំងក្លា ប៉ុន្តែចុងក្រោយបានត្រឹមសោកស្តាយចំពោះការសម្រេចចិត្តរបស់នាង ហើយកំពុងព្យាយាមជួយសង្គ្រោះ បន្ទាប់ពីមានឧប្បត្តិហេតុវះកាត់កែសម្ផស្ស។

តារាម៉ូដែលរូបនេះបានចែករំលែកជាមួយអ្នកគាំទ្រថា ការញៀនដ៏គ្រោះថ្នាក់នេះស្ទើរតែសម្លាប់នាង និងធ្វើឲ្យរូបនាងអស់កម្លាំងផ្នែកហិរញ្ញវត្ថុ។ Mary បាននិយាយថា ការផ្សាំសុដន់មានទំហំ 38J បានផ្ទុះ ដោយបន្សល់ទុកសុដន់ម្ខាងតែប៉ុណ្ណោះ។

នៅក្នុងការបង្ហោះទៅកាន់អ្នកតាមដាន Instagram របស់នាងចំនួន ២០០,០០០ នាក់ តារាម៉ូដែលនៅក្នុងពិភព OnlyFans បានសារភាពថា នាងបានជាប់គាំងនៅក្នុងវដ្តនៃការវះកាត់កែសម្ផស្សដែលមិនធ្លាប់មាន ហើយបានធ្វើការវះកាត់ឡើងវិញជាបន្តបន្ទាប់។

**រូបភាពកាលនៅកុមារ មិនទាន់វះកាត់កែសម្ផស្ស**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាម៉ូដែលស្រី Mary បាននិយាយថា «វាមិនមែនជាការផ្សងព្រេងដ៏គួរឲ្យរំភើបនោះទេ វាគ្រាន់តែជាការហត់នឿយក្នុងគ្រប់មធ្យោបាយដែលអាចធ្វើទៅបាន»។

តារាម៉ូដែល Mary បានចែករំលែកជាមួយ TMZ ថានាងបានយល់ច្បាស់ហើយសម្រេចចិត្តបោះបង់វិធីសាស្រ្តវះកាត់កែសម្ផស្សដ៏គ្រោះថ្នាក់នៅលើរាងកាយរបស់នាង។ ប៉ុន្មានឆ្នាំមកនេះ ការវះកាត់របស់ Mary រួមមានការលើករោមចិញ្ចើម, ការវះកាត់យកខ្លាញ់, ការវះកាត់ច្រមុះ និងសុដន់ជាច្រើន ការវះកាត់ដាក់ធ្មេញប័រសឺឡែន, ការបូមបបូរមាត់ឲ្យធំ, ចាក់ឲ្យគូថធំ និងជាច្រើនទៀតដែលនាងភ្លេចខ្លះៗ។

មិនឈប់ពីការវះកាត់ខាងក្រៅ សម្រស់កាណាដាក៏បាននិយាយដែរថា នាងស្ទើរតែស្លាប់ពេលនាងសម្រេចចិត្តកែច្នៃរាងកាយទាបរបស់ខ្លួនឡើងវិញ។ តារាម៉ូដែលស្រីត្រូវបានគ្រូពេទ្យប្រាប់ថា ក្នុងពេលវះកាត់នាងចេញឈាមច្រើន និងស្លេក។

បើតាមតារាម៉ូដែល Mary នាងកើតមកក្នុងគ្រួសារដ៏តឹងរ៉ឹងតាំងពីតូចមក នាងត្រូវបានគេហាមមិនឲ្យមើលកម្មវិធីរបស់ Disney។ នៅអាយុ ១២ ឆ្នាំក៏ជារយៈពេលដ៏អាក្រក់បំផុតនៃជីវិតរបស់ម៉ារីផងដែរ។ តារាម៉ូដែលរូបនេះចាប់ផ្ដើមប្រើសារធាតុហាមឃាត់ ហើយទៅរៀនទាំងស្រវឹងនៅថ្នាក់ទី ៧ និងទី ៨។ នៅអាយុ ១៧ ឆ្នាំ Mary បានចាប់ផ្តើមធ្វើការជាអ្នកបោកខោអាវ។ បន្ទាប់ពីនោះមក នាងក៏ល្បីនៅលើ Instagram និង TikTok ដោយសារតែការវះកាត់កែសម្ផស្សប្រើប្រាស់សេវាកម្មកែសម្ផដែលរូបនាងផ្ទាល់បានសាភាពថា ប្រើប្រាស់សេវាកម្មកែសម្ផស្សខុសច្បាប់ជាច្រើននៅជុំវិញពិភពលោក៕