ព័ត៌មានអន្ដរជាតិ

កាតាចង់ពង្រីកយន្តការសម្របសម្រួលជម្លោះអ៊ុយក្រែន-រុស្ស៊ី ចេញពីកិច្ចព្រមព្រៀងដោះដូរកុមារ

បានផុស

៤ ខែ មុន

នៅ

ថ្ងៃសុក្រ ២៩ វិច្ឆិកា ២០២៤

ដោយ

ប្រទេសកាតាដែលមានភាពជោគជ័យក្នុងការធ្វើជាអ្នកសម្របសម្រួលផ្តល់ប្តូរអ្នកទោស និងការដោះដូរកុមារក្នុងសង្គ្រាមរុស្ស៊ី-ក្រែន ចង់ពង្រីកលក្ខខណ្ឌសម្របសម្រួលនោះទៅកាន់ការចរចាបញ្ចប់សង្គ្រាមរវាងភាគីជម្លោះបង្ហូរឈាមទាំងពីរ។

អ្នកនាំពាក្យក្រសួងការបរទេសកាតា លោក Majed bin Mohammed al-Ansari បាននិយាយថា ប្រទេសកាតា ដែលដើរតួជាអ្នកសម្រុះសម្រួលរវាងរុស្ស៊ី និងអ៊ុយក្រែន លើបញ្ហានៃការផ្សះផ្សាកុមារនាំយកកុមារដែលត្រូវបានជម្លៀសចេញពីតំបន់ប្រយុទ្ធនោះ កំពុងធ្វើការចរចាក្នុងគោលបំណងពង្រីកវិសាលភាពនៃការសម្រុះសម្រួលរបស់ខ្លួន។

អ្នកនាំពាក្យក្រសួងការបរទេសប្រទេសកាតា លោក Mohammed al-Ansari។ Dohanews

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកប្រទេសជាច្រើន បានបង្ហាញឆន្ទៈក្នុងការសម្របសម្រួលបញ្ចប់សង្គ្រាមអ៊ុយក្រែន-រុស្ស៊ី មានដូចជាប្រទេសចិន តួកគី សហភាពអឺរ៉ុប សហភាពអាហ្វ្រិក ឥណ្ឌា និងប្រទេសខ្លះក្នុងតំបន់អឺរ៉ុប ប៉ុន្តែគ្មានលក្ខខណ្ឌណាមួយត្រូវបានភាគីជម្លោះទទួលយកឡើង ដោយសាររុស្ស៊ីចង់ចរចាជាមួយសហរដ្ឋអាមេរិកដែលជាអ្នកឧបត្ថម្ភអ៊ុយក្រែនដោយផ្ទាល់ ខណៈអ៊ុយក្រែនទាមទារឲ្យរុស្ស៊ីដកទ័ពចេញមុនការចរចាចាប់ផ្តើម។

ក្នុងអំឡុងពេលកម្មវិធី One Decision podcast លោកបាននិយាយថា៖«យើងបាននិងកំពុងធ្វើការលើការស្វែងរកមធ្យោបាយសម្រាប់ [ការបង្កើតការសន្ទនា] រវាងរុស្ស៊ី និងអ៊ុយក្រែន»។ អ្នកការទូតបានបន្ថែមថា៖«យើងរៀបចំការចរចាលើប្រភេទផ្សេងទៀតនៃការសម្រុះសម្រួល។ ថ្មីៗនេះ យើងបានចាប់ផ្តើមធ្វើការលើបញ្ហានៃអ្នកទោសសង្គ្រាម ( prisoners of war-POWs)»។

អ្នកនាំពាក្យរូបនេះ បានលើកឡើងពីរបៀបដែលក្នុងអំឡុងពេលម៉ោងដំបូងនៃជម្លោះ នាយករដ្ឋមន្ត្រី និងជារដ្ឋមន្ត្រីក្រសួងការបរទេស Mohammed bin Abdulrahman Al Thani បានស្នើឱ្យគាត់រៀបចំ«សេចក្តីថ្លែងការណ៍ដែលមានតុល្យភាព»។ នាយករដ្ឋមន្ត្រីកាតានឹងទៅទស្សនកិច្ចនៅរុស្ស៊ីដើម្បីពិនិត្យជម្រើសសម្រាប់ការសម្រុះសម្រួលរបស់ក្រុងដូហាដើម្បីបញ្ចប់ជម្លោះ។

ក្រោយមក ភាគីទាំងពីរបានបដិសេធការសម្រុះសម្រួលរបស់កាតា ប៉ុន្តែទីក្រុងដូហា (Doha០) «បានត្រឡប់មកវិញ ហើយបានក្លាយជាផ្នែកមួយនៃកិច្ចព្រមព្រៀងគ្រាប់ធញ្ញជាតិ»។ បន្ទាប់ពីនោះ ប្រទេសកាតាបានទទួលសំណើពីអ៊ុយក្រែនសម្រាប់ជំនួយក្នុងការផ្សះផ្សាកុមារដែលត្រូវជម្លៀសចេញពីតំបន់ប្រយុទ្ធជាមួយសាច់ញាតិរបស់ពួកគេ។

«យើងបានរួមចំណែកដល់ការផ្សះផ្សារបស់កុមារ និងបុគ្គលចំនួន៣៤នាក់ជាមួយនឹងគ្រួសាររបស់ពួកគេ [… ] រួមទាំងកុមាររុស្ស៊ី៤នាក់ ដែលបានផ្សះផ្សាជាមួយគ្រួសាររបស់ពួកគេនៅក្នុងប្រទេសរុស្ស៊ី។ យើងមានអំណរគុណចំពោះភាគីទាំងពីរដែលបានសហការជាមួយពួកយើងលើបញ្ហានេះ»។

កិច្ចខិតខំប្រឹងប្រែងការទូត ដែលត្រូវបានជួយដោយស្នងការសិទ្ធិកុមាររុស្ស៊ី Maria Lvova-Belova កុមារ១៥នាក់មកពី១០គ្រួសារបានផ្សះផ្សាជាមួយសាច់ញាតិរបស់ពួកគេនៅក្នុងប្រទេសរុស្ស៊ី និងកុមារ៨៧នាក់មកពី៦៩កន្លែងបានផ្សះផ្សាជាមួយសាច់ញាតិនៅអ៊ុយក្រែន និងប្រទេសទីបី៕

ដោយ រ៉ាន់ រើយ