ខេត្តភាគខាងត្បូងថៃ ប្រកាសអាសន្នគ្រោះទឹកជំនន់

តាមការចុះផ្សាយរបស់ Bangkok Post នៅថ្ងៃសុក្រទី២៩ខែវិច្ឆិកាឆ្នាំ២០២៤ ខេត្ត Songkhla ស្ថិតនៅភាគខាងត្បូងប្រទេសថៃ បានប្រកាសអាសន្នជាតំបន់គ្រោះមហន្តរាយដោយសារតែទឹកជំនន់យ៉ាងធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីប្រកាសរបស់អភិបាលខេត្តលោក Chotnarin Kerdsom, ស្រុកទាំង១៦របស់ខេត្តនេះ សុទ្ធតែត្រូវបានដាក់ជាតំបន់គ្រោះមហន្តរាយដោយសារតែ ភ្លៀងធ្លាក់ជញ្ជ្រំយ៉ាងធ្ងន់ធ្ងរចាប់តាំងពីថ្ងៃទី២២ដល់ថ្ងៃទី២៨ខែវិច្ឆិកា បង្កការជន់លិចភូមិចំនួន៦៧១ និងប៉ះពាល់ដល់មនុស្សសរុប ៩៥ ២២១នាក់​មកពី ៤៨ ៩៤៧គ្រួសារ។

ក្នុងចំណោមស្រុកទាំងអស់, Na Thawee គឺជាស្រុកដែលរងគ្រោះខ្លាំងជាងគេ ពោលគឺ មនុស្សចំនួន១៣ ៨៧៣គ្រួសារ ត្រូវប៉ះពាល់។

ទោះបីជាយ៉ាងណាក៏ដោយ បើយោងតាមមន្ត្រីមូលដ្ឋាន, ស្ថានភាពទឹកជំនន់ អាចនឹងធូរស្រាលវិញ នៅចុងសប្តាហ៍នេះ៕

អត្ថបទ៖ សុខ សុវណ្ណ

ចុចអាន៖ ​ប្រជាជន​ថៃ​ជិត​​១៤ម៉ឺនគ្រួសារ​​​រងគ្រោះទឹកជំនន់ក្នុងខេត្ត​៧​នៅភាគខាង​ត្បូង​ថៃ​​