រដ្ឋមន្រ្តីសុខាភិបាលហ្ស៊កដានី ត្រូវបណ្តេញចេញពីតំណែង ក្រោយអ្នកជំងឺកូវីដ៧នាក់ ស្លាប់ដោយសារដាច់អុកស៊ីហ្សែន

រដ្ឋមន្រ្តីក្រសួងសុខាភិបាលហ្ស៊កដានី ត្រូវបានបណ្តេញចេញពីតំណែងកាលពីថ្ងៃសៅរ៍បន្ទាប់ពីមនុស្ស៧នាក់បានស្លាប់ បន្ទាប់ពីការដាច់អុកស៊ីហ្សែននៅក្នុងមន្ទីរពេទ្យព្យាបាលអ្នកជំងឺកូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាច់អុកស៊ីហ្សែនកាលពីថ្ងៃសៅរ៍ បានកើតឡើងនៅផ្នែកសង្គ្រោះបន្ទាន់នៃមន្ទីរពេទ្យ Salt ​របស់រដ្ឋាភិបាលភាគខាងលិចរាជធានី អាម៉ាន់។

លោកនាយករដ្ឋមន្រ្តី Bisher al Khaswaneh បាននិយាយថា លោកបានបណ្តេញរដ្ឋមន្រ្តីក្រសួងសុខាភិបាលលោក Nathir Obeidat ចេញពីតំណែង។ ជាការសុំទោសជាសាធារណៈ លោកបាននិយាយថា រដ្ឋាភិបាលរបស់លោក ទទួលខុសត្រូវទាំងស្រុងចំពោះឧប្បត្តិហេតុនេះ។

នេះជាកំហុសដ៏ធ្ងន់ធ្ងរមួយដែលមិនអាចលើកលែងឬទទួលយកបាន។ លោកបានបន្ថែមថា លោកកំពុងរង់ចាំលទ្ធផលនៃការស៊ើបអង្កេតរបស់តុលាការ។

ស្របពេលជាមួយគ្នានោះ លោក Obeidat បាននិយាយថា លោកទំនួលខុសត្រូវចំពោះការស្លាប់របស់អ្នកជំងឺ ដែលកំពុងទទួលការព្យាបាលរោគកូវីដ១៩ នៅពេលអុកស៊ីហ្សែនដាច់រយៈពេលជិតមួយម៉ោង។

អ្នកនយោបាយខ្លះបាននិយាយថា ឧប្បត្តិហេតុនេះចង្អុលបង្ហាញពីការគ្រប់គ្រងមិនបានល្អនៅក្នុងមន្ទីរពេទ្យរបស់រដ្ឋាភិបាល។

គួរបញ្ជាក់ថា ប្រទេសហ្ស៊កដានីដែលមានប្រជាជនប្រមាណ១០លាននាក់ បានកត់ត្រាករណីឆ្លងជំងឺកូវីដ១៩ចំនួន៣៨៥,៥៣៣ករណីនិងអ្នកស្លាប់៥,២២៤នាក់៕

ប្រែសម្រួលដោយ៖ Vann Vann

ប្រភព៖ Asian One

ចុចអាន៖ ខេត្តព្រៃវែង ចាត់តាំង​ក្រុម​ការងារ​​ បូជាសព អ្នក​ស្លាប់​ដោយសារ​​ជំងឺកូវីដ១៩

ចុចអាន៖ លោកហេង ឡុង បញ្ជាក់ថាសិល្បករឆ្លងកូវីដ-១៩មានចំនួន១១នាក់ហើយ