ព័ត៌មានអន្ដរជាតិ

សិង្ហបុរី នឹងលក់ឧបករណ៍ជួសរកមេរោគអេដស៍ឲ្យប្រជាជនយកទៅតេស្តដោយខ្លួនឯង

បានផុស

៤ សប្តាហ៍ មុន

នៅ

ថ្ងៃអង្គារ ៣ ធ្នូ ២០២៤

ដោយ

Chheang

ឧបករណ៍ធ្វើតេស្តរកមេរោគអេដស៍ដោយខ្លួនឯង នឹងត្រូវដាក់លក់នៅតាមឱសថស្ថានលក់រាយនៅក្នុងប្រទេសសិង្ហបុរី ចាប់ពីចុងខែមករាឆ្នាំ២០២៥ខាងមុខ។ នេះបើយោងតាមការប្រកាសរបស់ក្រសួងសុខាភិបាលសិង្ហបុរី។

ឧបករណ៍តេស្តរកមេរោគអេដស៍ (រូបភាព៖ ក្រសួងសុខាភិបាលសិង្ហបុរី)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលសិង្ហបុរី បានប្រាប់ថា ការធ្វើដូច្នេះគឺជាផ្នែកមួយនៃកិច្ចខិតខំប្រឹងប្រែង ដើម្បីបង្កើនលទ្ធភាពទទួលបានការធ្វើតេស្តមេរោគអេដស៍នៅក្នុងសហគមន៍ និងលើកទឹកចិត្តឲ្យមានការធ្វើតេស្តជាប្រចាំ។

ការណែនាំ គឺសម្រាប់មនុស្សពេញវ័យគ្រប់រូប ដែលត្រូវធ្វើតេស្តយ៉ាងហោចណាស់ម្តងក្នុងមួយជីវិតរបស់ពួកគេ ដោយមិនគិតពីកត្តាហានិភ័យ។ ចំណែកឯអ្នកដែលមានដៃគូរួមភេទច្រើន គួរតែទៅធ្វើតេស្តមេរោគអេដស៍ជាទៀងទាត់រៀងរាល់៣ទៅ៦ខែម្ដង ខណៈពេលដែលអ្នកដែលមានហានិភ័យខ្ពស់នៃការឆ្លងមេរោគអេដស៍ គួរតែធ្វើតេស្តឲ្យបានញឹកញាប់ និងទៅជួបអ្នកផ្តល់សេវាថែទាំសុខភាព ដើម្បីពិភាក្សាពីជម្រើសសម្រាប់វិធានការបង្ការ។

នៅឆ្នាំ២០២៣ សិង្ហបុរីបានរកឃើញអ្នកជំងឺអេដស៍ថ្មីចំនួន ២០៩ករណី កើនឡើងបន្តិចបន្តួចជាងឆ្នាំ២០២២ ដែលមាន ២០២ករណី៕

ដោយ៖ ឈាង