ព័ត៌មានអន្ដរជាតិ
តើប្រធានាធិបតីអាមេរិក រូបណាខ្លះ ធ្លាប់លើកលែងទោសឲ្យសាច់ញាតិ?
ការសម្រេចចិត្តរបស់លោក Joe Biden កាលពីថ្ងៃចន្ទទី២ខែធ្នូឆ្នាំ២០២៤ ក្នុងការលើកលែងទោសឲ្យកូនប្រុសឈ្មោះ Hunter បានបង្កឲ្យមានមតិរិះគន់ខ្លាំងមែនទែន ជាពិសេសពីសំណាក់អ្នកសាធារណរដ្ឋតែម្តង។ ភ្លាមៗនោះដែរ អ្នកនាំពាក្យសេតវិមានបានចេញមុខការពារនិងបញ្ជាក់ច្បាស់ៗថា ហេតុផលធំមួយក្នុងចំណោមហេតុផលដែលលោក Biden លើកទោសឲ្យកូនប្រុសគឺដោយសារតែក្តីបារម្ភថា អ្នកចូលកាន់តំណែងថ្មីដែលជាគូប្រជែងនយោបាយ នឹងធ្វើបាបកូនប្រុសពេលគាត់អស់តំណែងទៅ។

ម្យ៉ាងវិញទៀត សេតវិមាន បានគូសបញ្ជាក់ថា នេះមិនមែនទើបលើកដំបូងឡើយដែលប្រធានាធិបតីអាមេរិកមួយរូប ផ្តល់ការលើកលែងទោសដល់សាច់ញាតិ។
ដូច្នេះតើក្នុងប្រវត្តិសាស្រ្តអាមេរិក មានប្រធានាធិបតីប៉ុន្មានរូបហើយដែលលើកលែងទោសដល់សាច់ញាតិ ក្នុងអំឡុងពេលកាន់តំណែង?
1. លោក Joe Biden លើកទោសឲ្យកូនប្រុសឈ្មោះ Hunter Biden

កាលពីថ្ងៃចន្ទទី២ខែធ្នូឆ្នាំ២០២៤ លោក Biden បានចុះហត្ថលេខាអត់ឱនឲ្យកូនប្រុសដែលត្រូវកាត់ទោសនៅឆ្នាំនេះ លើបទចោទប្រកាន់ចំនួន៣ករណី ពាក់ព័ន្ធការកាន់កាប់អាវុធនិងគេចពន្ធ ហើយប្រកាសថា កូនប្រុសរបស់គាត់ត្រូវគេកាត់ទោសដោយអយុត្តិធម៌បំផុត ព្រោះតែទំនាក់ទំនងគ្រួសារ។
លោក Hunter ត្រូវបានតុលាការរដ្ឋ Delaware ចោទប្រកាន់ពីបទកុហកលើពាក្យស្នើសុំទិញកាំភ្លើងក្នុងឆ្នាំ២០១៨ ដោយបន្លំថា គាត់មិនមែនជាអ្នកញៀនថ្នាំទាំងដែលពេលនោះ គាត់កំពុងប្រើប្រាស់កូកាអ៊ីន។
2. លោក Donald Trump លើកលែងទោសឲ្យដន្លង

ក្នុងអំឡុងពេលកាន់តំណែងអាណត្តិដំបូង លោក Donald Trump បានលើកលែងទោសឲ្យលោក Charles Kushner ដែលត្រូវជាឪពុករបស់ Jared Kushner ក្រោយត្រូវផ្តន្ទាទោសពីបទក្លែងបន្លំឯកសារពន្ធ សងសឹកសាក្សីដែលសហការ និងធ្វើសេចក្តីថ្លែងការណ៍មិនពិតទៅកាន់គណៈកម្មាធិការបោះឆ្នោតសហព័ន្ធក្នុង២០០៥។
3. លោក Bill Clinton លើកលែងទោសឲ្យប្អូនប្រុស

នៅថ្ងៃចុងក្រោយក្នុងតំណែង ពោលគឺនៅថ្ងៃទី២០ខែមករាឆ្នាំ២០០១ អតីតប្រធានាធិបតី Bill Clinton បានលើកលែងទោសឲ្យប្អូនប្រុសឈ្មោះ Roger Clinton ដែលត្រូវជាប់ពន្ធនាគារពីបទជួញដូរគ្រឿងញៀនទៅឲ្យមន្ត្រីប៉ូលិសម្នាក់៕
អត្ថបទ៖ សុខ សុវណ្ណ
ចុចអាន៖ លោក បៃដិន លើកទោសឲ្យកូន ព្រោះខ្លាចគេធ្វើបាបកូន ពេលគាត់អស់តំណែង

-
សន្តិសុខសង្គម៥ ម៉ោង ago
ឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
ព័ត៌មានជាតិ៥ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ២៣ ម៉ោង ago
បាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៥ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៣ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៤ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៥ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៦ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់