ព័ត៌មានអន្ដរជាតិ
តើរុស្ស៊ីនិងអ៊ុយក្រែនខូចខាតអ្វីខ្លះនៅខែវិច្ឆិកានិងសមរភូមិនៅ Kursk ទឹកដីរុស្ស៊ី?
សេចក្តីរាយការណ៍ពីភាគីអ៊ុយក្រែនបានឲ្យដឹងថា ប្រទេសរុស្ស៊ីបានបាត់បង់យោធារហូតដល់៤៥៧២០នាក់នៅក្នុងខែវិច្ឆិកាកន្លងទៅនេះ ខណៈដែលទិន្នន័យនៃការបាត់បង់កងទ័ពរបស់រុស្ស៊ីកើនយ៉ាងខ្លាំងចាប់តាំងពីការលុកលុយរបស់រុស្ស៊ីលើប្រទេសអ៊ុយក្រែនកាលពីចុងខែកុម្ភៈឆ្នាំ២០២២។
ក្រសួងការពារជាតិអ៊ុយក្រែន បានចេញផ្សាយរបាយការណ៍មួយកាលថ្ងៃទី១ខែធ្នូ ដោយបង្ហាញថា រុស្ស៊ីបានបាត់បង់យ៉ាងធ្ងន់ធ្ងរនូវចំនួនកងទ័ពនិងសម្ភារៈយោធាក្នុងសង្គ្រាមជាមួយអ៊ុយក្រែននៅក្នុងខែវិច្ឆិកា ទោះបីជាបែបណាមិនមានរបាយការណ៍ផ្លូវការរបស់ភាគីរុស្ស៊ីបញ្ជាក់ពីការបាត់បង់នេះឡើយ។
បន្ទាប់ពីសង្គ្រាមដ៏ខ្លាំងក្នុងខែវិច្ឆិកាកន្លងទៅនេះ រុស្ស៊ីត្រូវបានគេដឹងថា បានដាក់ការចំណាយកើនឡើងយ៉ាងខ្លាំងក្នុងវិស័យយោធាសម្រាប់ឆ្នាំ២០២៥ ដោយប្រធានាធិបតីរុស្ស៊ី លោក វ៉្លាឌីមមៀ ពូទីន បានអនុម័តថវិកាជាង១៤៥ពាន់លានដុល្លារសម្រាប់ការចំណាយក្នុងវិស័យយោធា ខណៈដែលរុស្ស៊ីបន្តធ្វើសង្គ្រាមជាមួយអ៊ុយក្រែនដែលទទួលបានការឧបត្ថម្ភគាំទ្រពីបស្ចឹមប្រទេសដែលមានសហរដ្ឋអាមេរិកជាអ្នកនាំមុខ។
ការបាត់បង់យោធា៤៥៧២០នាក់ក្នុងខែវិច្ឆិកា ធ្វើឲ្យចំនួននៃការបាត់បង់យោធារបស់រុស្ស៊ីមានចំនួនច្រើនជាង ៧៤៣០០០នាក់ក្នុងប្រតិបត្តិការសឹករយៈពេលជិត៣ឆ្នាំនេះ ខណៈពេលដែលទីក្រុងមូស្គួបន្តរុលទៅមុខនៅតំបន់ Donetsk ភាគខាងកើតនៃប្រទេសអ៊ុយក្រែន។
សារព័ត៌មាន Moscow Times ធ្លាប់បានផ្សាយថា រដ្ឋាភិបាលវិមានក្រឹមឡាំងរបស់លោកប្រធានាធិបតី វ្ល៉ាឌីមៀ ពូទីន បានផ្តល់ការលើកទឹកចិត្តដល់អ្នកដែលស្ម័គ្រចិត្តចូលបម្រើកងទ័ព ដោយការដាក់ឲ្យរួចបំណុល និងបញ្ចប់ឋានៈជាជនអន្តោប្រវេសន៍ជាដើម។
សារព័ត៌មាន The Economist អ៊ុយក្រែនបានបាត់បង់ចន្លោះ៦០០០០ទៅ១០ម៉ឺននាក់ និង យោធារងរបួស៤០ម៉ឺននាក់ ឬច្រើនជាងនេះ។ ទោះបីជាយោធាអ៊ុយក្រែនមិនដែលបង្ហាញពីការបាត់បង់របស់ខ្លួន ប៉ុន្តែប្រធានាធិបតី អ៊ុយក្រែន លោក វ៉ុលឌីមៀ ហ្សេលេនស្គី ធ្លាប់បានលើកឡើងកាលពីគម្រប់ខួបសង្គ្រាម២ឆ្នាំកាលពីខែកុម្ភៈឆ្នាំនេះថា ទាហានអ៊ុយក្រែន៣១០០០នាក់ត្រូវបានសម្លាប់។
ក្រសួងការពារជាតិអ៊ុយក្រែនបានប៉ាន់ប្រមាណថា ការបាត់បង់របស់រុស្ស៊ីលើសម្ភារៈយោធាជាង៣ពាន់លានដុល្លារ។
រហូតមកដល់ពេលនេះ កូរ៉េខាងជើងបានបង្កើនទំនាក់ទំនងជាមួយរុស្ស៊ី ដោយបញ្ជូនបុគ្គលិកយោធា១០០០០នាក់ទៅជួយប្រយុទ្ធទាហានរុស្ស៊ីក្នុងសង្គ្រាមនៅអ៊ុយក្រែន ខណៈប្រទេសអ៊ីរ៉ង់ បានផ្គត់ផ្គង់យន្តហោះគ្មានមនុស្សបើក (ដ្រូន) ដល់ប្រទេសរុស្ស៊ីសម្រាប់សង្គ្រាមនៅអ៊ុយក្រែន។
យោងតាមការផ្សាយរបស់ The New Voice of Ukraine រដ្ឋមន្ត្រីការបរទេសអ៊ុយក្រែន លោក Andrii Sybiha បានថ្លែងនៅកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិកាលថ្ងៃទី១៩ខែវិច្ឆិកាថា រុស្ស៊ីបានបាត់បង់កងកម្លាំងប្រហែល១៥០០នាក់ប្រចាំថ្ងៃក្នុងប្រទេសអ៊ុយក្រែន។ ការបាត់បង់ប្រចាំថ្ងៃនេះសមមូលទៅនឹងអ្វីដែលសហភាពសូវៀតបាត់បង់ក្នុងរយៈពេលមួយទសវត្សរ៍នៃសង្គ្រាមនៅអាហ្វហ្គានីស្ថាន។
អ្នក្វិភាគបានកត់សម្គាល់ថា អ្នកស្ម័គ្រចិត្តថ្មីៗត្រូវបានសម្លាប់ក្នុងរង្វង់២ទៅ៤សប្តាហ៍ ពេលបញ្ជួនទៅដល់សង្គ្រាមជូរមុខ។
បណ្តាញភ្នាក់ងារសារព័ត៌មាន TASS របស់រុស្ស៊ី បានផ្សាយនៅថ្ងៃទី២ខែធ្នូឲ្យដឹងថា យោធាអ៊ុយក្រែនបានបាត់បង់ជីវិត ៣៧ ៣៥៥ នាក់ក្នុងសមរភូមិនៅតំបន់ Kursk ក្នុងទឹកដីរុស្ស៊ី ចាប់តាំងពីថ្ងៃទី៦ខែកញ្ញារហូតដល់ដំណាច់ខែវិច្ឆិកា។
ក្រសួងការពារជាតិរុស្ស៊ី បានបន្ថែមថា ក្នុងសមរភូមិនៅ Kursk អ៊ុយក្រែនបានបាត់បង់រថក្រោះ ២២៦ គ្រឿង រថពាសដែកនៃកងទ័ពថ្មើរជើង ១៦១គ្រឿង រថពាសដែកយោធា១២៣គ្រឿង រថពាសដែកសម្រាប់ប្រយុទ្ធ ១២០៦ គ្រឿង រថយន្ត ១០៦៥គ្រឿង កាំភ្លើងធំ ៣០៥ដើម ឧបករណ៍បាញ់រ៉ុក្កែត ៤០គ្រឿង រួមទាំងប្រព័ន្ធមីស៊ីល HIMARS ១១គ្រឿង ប្រព័ន្ធបាញ់មីស៊ីល MLR ផលិតនៅសហរដ្ឋអាមេរិក១៣គ្រឿង ប្រព័ន្ធបាញ់មីស៊ីលប្រឆាំងយន្តហោះ ១៣គ្រឿង និងប្រភេទឧបករណ៍ជាច្រើនទៀត៕
ដោយ រ៉ាន់ រើយ
កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
តើការបំពាក់ប្រព័ន្ធប្រកាសអាសន្នគ្រោះរញ្ជួយដី មានតម្លៃប៉ុន្មានសម្រាប់ប្រទេសនីមួយៗ?
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៩ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ