ព័ត៌មានអន្ដរជាតិ

កំណត់ត្រាសំខាន់ៗដែលប្រធានាធិបតីកូរ៉េខាងត្បូង លោក Yoon Suk Yeol បានធ្វើ

បានផុស

៤ ខែ មុន

នៅ

ថ្ងៃសៅរ៍ ៧ ធ្នូ ២០២៤

ដោយ

Rann Reuy

លោក Yoon Suk Yeol ពេលឡើងប្រកាសសុំទោសនៅព្រឹកថ្ងៃសៅរ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Yoon Suk Yeol កើតនៅទីក្រុងសេអ៊ូលក្នុងឆ្នាំ១៩៦០ គឺជាអ្នកចំណូលថ្មីក្នុងនយោបាយប្រទេសកូរ៉េខាងត្បូង ដោយ លោក Yoon បានចំណាយពេល២៧ឆ្នាំជាអគ្គរដ្ឋអាជ្ញា មុនពេលឈរឈ្មោះជាប្រធានាធិបតី និងឈ្នះការបោះឆ្នោតយ៉ាងប្រផិតប្រផើយលើប្រធានគណបក្សប្រជាធិបតេយ្យបច្ចុប្បន្នកាលឆ្នាំ២០២២។
បន្ទាប់ពីសិក្សាច្បាប់ លោក Yoon បានបន្តក្លាយជាព្រះរាជអាជ្ញាសាធារណៈ និងជាអ្នកប្រឆាំងអំពើពុករលួយដ៏សកម្មមួយ ដោយចោទប្រកាន់លើប្រធានាធិបតីមុនៗ។
ក្នុងឆ្នាំ២០១៩ ខណៈពេលដែលនៅជាអគ្គរដ្ឋអាជ្ញាកូរ៉េខាងត្បូង លោកបានដុតបំផ្លាញលិខិតសម្គាល់ខ្លួនជាមេក្លោងផ្លូវច្បាប់ បន្ទាប់ពីបានចោទប្រកាន់ជំនួយការជាន់ខ្ពស់របស់ប្រធានាធិបតីដែលចាកចេញគឺលោក Moon Jae-in ក្នុងសំណុំរឿងក្លែងបន្លំ និងសំណូក។
បញ្ហានយោបាយការបរទេសរបស់ប្រធានាធិបតី Yoon Suk Yeol ដោយសារមានទំនោរទៅរកលោកសេរីខ្លាំង ដូចជា គាំទ្រអ៊ុយក្រែនខ្លាំង បង្កើតអរិភាពជាមួយកូរ៉េខាងជើង កាន់តែខ្លាំង ងាកទៅរកសម្ព័ន្ធមិត្តសេរី មានអាមេរិក និងបង្ហាញភាពស្និទ្ធស្នាល ជាមួយជប៉ុនដែលជាសត្រូវប្រវត្តិសាស្រ្ត។
ប្រធានាធិបតីកូរ៉េខាងត្បូង លោក Yoon Suk Yeol ជាអ្នកកាន់ច្បាប់អស់រយៈពេល២៧ឆ្នាំជាអគ្គរដ្ឋអាជ្ញាដ៏មានឥទ្ធិពលក្នុងការកាន់សំណុំរឿងរសើបទាក់ទិននឹងនយោបាយ ហើយលោកក៏ជាដើរតួដ៏សំខាន់ជាអ្នកកាន់សំណុំរឿងចោទប្រកាន់ប្រឆាំងអតីតប្រធានាធិបតី២រូបគឺ លោកស្រី Park Geun-hye និង លោក Lee Myung-bak ដោយចោទប្រកាន់ពីបទរំលោភអំណាច។
គ្រាន់តែឈ្នះឆ្នោតមិនបានប៉ុន្មានថ្ងៃផង ប្រធានាធិបតីកូរ៉េខាងត្បូង លោក Yoon Suk Yeol បានប្រកាសដូរការិយាល័យប្រធានាធិបតីពី វិមានបៃតង (Blue House) ទៅកាន់ទីស្តីការក្រសួងការពារជាតិ ដោយចំណាយទឹកប្រាក់សម្រាប់ជុសជុល សាងសង់រហូតដល់៤០លានដុល្លារ ដោយបង្កការជំទាស់ពីបក្សប្រជាធិបតេយ្យ។
ប្រធានាធិបតីកូរ៉េខាងត្បូង លោក Yoon Suk Yeol ក៏ត្រូវបានគេចោទថា បានជឿលើគ្រូហុងស៊ុយមកពីប្រទេសចិន លោកការប្តូរការិយាល័យប្រធានាធិបតីនេះ ដោយមានការលើកឡើងថា វិមានប្រធានាធិបតី (ឬវិមានបៃតង) ដែលជាអតីតព្រះរាជវាំងគ្មានជោគជាតារាសីទេ ព្រោះក្នុងរយៈពេល២៥ឆ្នាំ មានប្រធានាធិបតី ជាប់គុកផង និង ធ្វើអត្តឃាតផង ក្រោយអស់អំណាច។
រឿងអាស្រូវ ឬប្រព្រឹត្តរឿងដែលគេយល់ថា ពុករលួយ ឬអសីលធម៌ របស់ភរិយា ប្រធានាធិបតី ឬហៅថា ស្ត្រីទី១ Kim Keon-hee បានបន្ថែមរឿងរ៉ាវអាស្រូវបន្ថែមទៀតដល់ការគ្រប់គ្រងអំណាចរបស់លោក ហើយលោកប្រធានាធិបតី រារាំងការស៊ើបអង្កេតដោយឯករាជ្យ។
រឿងរ៉ាវប្រឈមចុងក្រោយធំបំផុតគឺ រដ្ឋសភាបានបោះឆ្នោតប្រឆាំងផែនការចំណាយថវិការដ្ឋ ដោយកាត់បន្ថយការចំណាយពីការស្នើរបស់ប្រធានាធិបតី Yoon Suk Yeol រហូតដល់ជិត៣ពាន់លានដុល្លារ ដែលធ្វើឲ្យលោកយល់ថា បក្សប្រឆាំងដែលមានសំឡេងច្រើនលើសលប់ក្រោយការបោះឆ្នោតកាលខែតុលា បានបង្កការរាំងស្ទះដល់ដំណើរការរបស់រដ្ឋ៕