ថៃ មានអ្នកស្លាប់ម្នាក់ទៀតដោយសារកូវីដ ហើយឆ្លងថ្មី៧៨ករណី

នៅថ្ងៃចន្ទនេះ ប្រទេសថៃបានប្រកាសមានអ្នកស្លាប់ម្នាក់ទៀតដោយសារជំងឺកូវីដ១៩ ដោយធ្វើឲ្យចំនួនអ្នកស្លាប់សរុបកើនដល់៧៨នាក់។ 

ស្របពេលជាមួយគ្នានោះ ការឆ្លងថ្មី៧៨ករណីត្រូវបានកត់ត្រា ដោយនាំឲ្យករណីឆ្លងសរុបចាប់តាំងពីជំងឺរាតត្បាតផ្ទុះឡើងកើនដល់២៧,០០៥ករណី។

អ្នកនាំពាក្យរដ្ឋបាលស្ថានភាពជំងឺកូវីដ១៩ (CCSA) លោកស្រី Apisamai Srirangson បាននិយាយថា អ្នកស្លាប់ថ្មីគឺជាបុរសអាយុ៨៨ឆ្នាំម្នាក់ ដែលបានស្លាប់កាលពីថ្ងៃសៅរ៍។ គាត់រស់នៅជិតផ្សារ Pornpat ក្នុងស្រុក Thanyaburi ខេត្ត Pathum Thani ដែលជាតំបន់ផ្ទុះជំងឺកូវីដ១៩កាលពីខែមុន។

វេជ្ជបណ្ឌិត Apisamai បាននិយាយថា សមាជិកគ្រួសាររបស់បុរសដែលស្លាប់ គឺជាអ្នកលក់នៅផ្សារនោះ ប៉ុន្តែពួកគេមិនបង្ហាញរោគសញ្ញាកូវីដទេ។ វីរុសប្រហែលជាត្រូវបានចម្លងដោយមិត្តភក្តិឬអ្នកស្គាល់គ្នាដែលបានមកលេងគាត់ បន្ទាប់ពីទៅផ្សារ។

គួរបញ្ជាក់ថា ករណីសរុបនៅថ្ងៃចន្ទនេះគឺបូករួមទាំងការនាំចូល៤ករណីផងដែរដោយក្នុងនោះមានមកពីប្រទេសមីយ៉ាន់ម៉ា អារ៉ាប់រួម ប៉ូឡូញនិងបារ៉ែន៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ ថៃ បញ្ជាក់ពេលវេលាបើកប្រទេសឡើងវិញទាំងស្រុង និងដកការរឹតត្បិតទាក់ទងជំងឺកូវីដ១៩

ចុចអាន៖ ទ្រាំមិនបាន! លោក ប្រាយុទ្ធ យកអាល់កុលបាញ់ក្រុមអ្នកកាសែត ព្រោះខឹងសួរសំណួរមួយ (មានវីដេអូ)