ព័ត៌មានអន្ដរជាតិ

លោក Zelensky បញ្ជាឲ្យបង្កើនថវិកាជាតិសម្រាប់ការដាក់ពង្រាយដ្រូនរបស់អ៊ុយក្រែន

បានផុស

២ ខែ មុន

នៅ

ថ្ងៃអង្គារ ១០ ធ្នូ ២០២៤

ដោយ

Chheang

ប្រធានាធិបតីអ៊ុយក្រែន លោក Volodymyr Zelensky បានប្រាប់កាលពីថ្ងៃទី៩ខែវិច្ឆិកាថា លោកបានចេញបញ្ជាឲ្យបង្កើនមូលនិធិចំពោះការដាក់ពង្រាយដ្រូនថ្មី សម្រាប់កងពលតូច។

លោក Volodymyr Zelensky (រូបភាព៖ ការិយាល័យប្រធានាធិបតីអ៊ុយក្រែន)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zelensky បាននិយាយថា៖ «ថ្មីៗនេះ យើងបានអនុម័តសេចក្ដីសម្រេចមួយស្ដីពីចំនួនទឹកប្រាក់នៃមូលនិធិផ្ទាល់បែបនេះ។ ប៉ុន្តែឥឡូវនេះខ្ញុំឃើញថា ចំនួនទឹកប្រាក់នេះមិនគ្រប់គ្រាន់ទេ។ ខ្ញុំបានណែនាំនាយករដ្ឋមន្ត្រីឲ្យបង្កើនហិរញ្ញវត្ថុច្រើនជាងមុន សម្រាប់កងពលតូចនាប៉ុន្មានថ្ងៃខាងមុខ»។

លោក Zelensky បានផ្តោតការយកចិត្តទុកដាក់កាន់តែខ្លាំងលើការដាក់ពង្រាយដ្រូននៅក្នុងសង្រ្គាម ដែលបានអូសបន្លាយរយៈពេលជាង ៣៣ខែ គិតចាប់តាំងពីរុស្ស៊ីបានឈ្លានពានក្នុងខែកុម្ភៈឆ្នាំ២០២២។

កាលពីខែតុលា មេដឹកនាំអ៊ុយក្រែន បានលើកឡើងថា រដ្ឋាភិបាលក្រុងកៀវបានចុះកិច្ចសន្យារួចហើយ ដើម្បីផលិតដ្រូនចំនួន ១,៥លានគ្រឿងនៅឆ្នាំនេះ ហើយមានសមត្ថភាពបង្កើនផលិតកម្មដល់ទៅ ៤លានគ្រឿងក្នុងមួយឆ្នាំៗឯណោះ។

មុនសង្គ្រាមជាមួយរុស្ស៊ី ការផលិតដ្រូនគឺគ្មានទាល់តែសោះនៅក្នុងប្រទេសអ៊ុយក្រែន៕

ដោយ៖ ឈាង

ចុចអាន៖ ទីប្រឹក្សាលោក ត្រាំ ស្តីឲ្យ ហ្សេលេនស្គី ថា ស្លៀកពាក់មើលងាយអាមេរិក