ព័ត៌មានអន្ដរជាតិ
លោក Zelensky៖ អ៊ុយក្រែនត្រូវការខែល១២គ្រឿងទៀត ទើបបិទដែនអាកាសបានពេញលេញ
អ៊ុយក្រែន ត្រូវការជាបន្ទាន់នូវខែលការពារដែនអាកាស ជាពិសេសប្រព័ន្ធការពារមីស៊ីល Patriot ដើម្បីបិទដែនអាកាសរបស់ខ្លួនឲ្យបានទាំងស្រុងពីការវាយប្រហាររបស់សត្រូវ។ នេះជាការលើកឡើងរបស់ប្រធានាធិបតីអ៊ុយក្រែន លោក Volodymyr Zelensky អំឡុងជំនួបជាមួយលោកស្រី Iratxe Pérez García ប្រធានក្រុមសង្គមនិយម និងប្រជាធិបតេយ្យនៅក្នុងសភាអឺរ៉ុបកាលពីថ្ងៃទី១០ខែធ្នូឆ្នាំ២០២៤។
ប្រព័ន្ធការពារដែនអាកាស Patriot មានសារៈសំខាន់ណាស់ សម្រាប់ការការពាររបស់អ៊ុយក្រែន ប្រឆាំងនឹងការវាយលុកតាមអាកាសរបស់រុស្ស៊ីដែលកំពុងកើនឡើងកាន់តែខ្លាំង។ ចាប់តាំងពីដើមឆ្នាំ២០២២ អ៊ុយក្រែនបានស្នើម្ដងហើយម្ដងទៀតចំពោះប្រព័ន្ធការពារដែនអាកាសកម្រិតខ្ពស់ ដើម្បីឆ្លើយតបទៅនឹងការកើនឡើងនៃការវាយប្រហាររបស់រុស្ស៊ី។
ក្នុងអំឡុងពេលពិភាក្សាជាមួយសម្ព័ន្ធមិត្តណាតូកាលពីខែមេសាឆ្នាំ២០២៣ លោក Zelensky បានស្នើសុំប្រព័ន្ធ Patriot យ៉ាងហោចណាស់ចំនួន៧គ្រឿងបន្ថែមទៀត។
លុះដល់ពាក់កណ្តាលឆ្នាំ២០២៤ សម្ព័ន្ធមិត្តណាតូ បានប្រកាសផ្គត់ផ្គង់ប្រព័ន្ធ Patriot ជាច្រើន ដើម្បីពង្រឹងសមត្ថភាពការពារដែនអាកាសរបស់អ៊ុយក្រែន។ គិតត្រឹមខែធ្នូឆ្នាំនេះ អ៊ុយក្រែនបានទទួលប្រព័ន្ធការពារដែនអាកាស Patriot យ៉ាងហោចណាស់៧គ្រឿង។
ឥលូវ លោក Zelensky បានស្នើម្ដងទៀតថា អ៊ុយក្រែនត្រូវការប្រព័ន្ធ Patriot បន្ថែមចំនួន ១០ ទៅ ១២គ្រឿង ដោយថា វានឹងជួយផ្លាស់ប្តូរយុទ្ធសាស្ត្រការពាររបស់អ៊ុយក្រែន។
មេដឹកនាំអ៊ុយក្រែន បាននិយាយថា៖ «ប្រសិនបើមេឃត្រូវបានការពារ គ្មានគ្រាប់បែក KABs ឬមីស៊ីលប៉ាលិស្ទិកណា នឹងវាយប្រហារហេដ្ឋារចនាសម្ព័ន្ធស៊ីវិលក្នុងប្រទេសអ៊ុយក្រែនបាននោះទេ ដូចជា មន្ទីរពេទ្យ សាលារៀន ឬសកលវិទ្យាល័យ»។
លោកប្រធានាធិបតី បានបន្តថា ប្រព័ន្ធ Patriot នីមួយៗមានតម្លៃប្រហែល ១,៥ពាន់លានដុល្លារ ដោយស្នើការផ្តល់មូលនិធិដល់ប្រព័ន្ធទាំងនេះតាមរយៈទ្រព្យសម្បត្តិដែលត្រូវបានបង្កករបស់រុស្ស៊ី។ ចំនួនទឹកប្រាក់សរុបសម្រាប់ប្រព័ន្ធ Patriot ១០-១២គ្រឿងនេះ នឹងត្រូវចំណាយអស់ប្រហែល ៣០ពាន់លានដុល្លារ។
លោក Zelensky បានលើកឡើងថា៖ «ប្រព័ន្ធទាំងនេះនឹងបិទមេឃរបស់យើងទាំងស្រុង» ដោយអះអាងថា ការការពារដែនអាកាសដ៏ទូលំទូលាយបែបនេះ នឹងអាចឲ្យពលរដ្ឋអ៊ុយក្រែនវិលទៅរកជីវិតធម្មតាវិញ ហើយសេដ្ឋកិច្ចអាចដំណើរការបានដោយគ្មានការគំរាមកំហែងឥតឈប់ឈរដូចពេលបច្ចុប្បន្ន៕
ដោយ៖ ឈាង
លោក Zelensky៖ អ៊ុយក្រែនត្រូវការខែល១២គ្រឿងទៀត ទើបបិទដែនអាកាសបានពេញលេញ
តើរដ្ឋាភិបាលបានលើកទឹកចិត្តអ្វីខ្លះលើវិស័យសំណង់ និងអចលទ្រព្យរហូតមកដល់ពេលនេះ?
សន្តិសុខក្លឹប DOT II ព្រួតគ្នាវាយភ្ញៀវ រួចបង់លុយបញ្ចប់រឿង
Rith Omega វិលផ្តើមអាជីពចាស់វិញ និងសន្យាដោះស្រាយជាមួយម្ចាស់បំណុល ម្តងម្នាក់ៗ តាមដំណាក់កាល
វៀតណាមស្នើឱ្យក្រុមហ៊ុនចិនយក្សៗ ចូលរួមក្នុងគម្រោងអភិវឌ្ឍន៍ហេដ្ឋារចនាសម្ព័ន្ធក្នុងស្រុក
ស្ពានអាកាសមរតកតេជោដំណាក់កាលទី២ គ្រោងបញ្ចប់ការសាងសង់ និងបើកឲ្យចរាចរណ៍នៅដើមខែមេសា ឆ្នាំ២០២៥
មន្ទីរពេទ្យតម្លៃជាង៦៦លានដុល្លារមានសមត្ថភាពទទួលអ្នកជំងឺសម្រាក២០០គ្រែ ត្រូវបានបើកការដ្ឋានសាងសង់ជាផ្លូវការ
ដឹងមូលហេតុតារាចម្រៀង ថៃ ស្លាប់ ក្នុងហាង ក្រោយម៉ាស្សារួច
ស្នាដៃសិស្សនិស្សិត និងក្រុមហ៊ុនឯកជនជាង ៦០ស្តង់ នឹងដាក់តាំងបង្ហាញក្នុងពិព័រណ៍យន្តហោះ និងបច្ចេកវិទ្យា
អ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
វប្បធម៌ ជំនឿ៦ ថ្ងៃ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ៦ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ៦ ថ្ងៃ ago«ភូមិទៀមលើ» មានប្រវត្តិជូរចត់ ចេញកើតពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ជីវិតកម្សាន្ដ២ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៣ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ចរាចរណ៍២ ថ្ងៃ agoមួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់
-
ជីវិតកម្សាន្ដ១ ថ្ងៃ agoប្រធានសមាគមសិល្បករខ្មែរ ឧបត្ថម្ភ ៣លានរៀល ដល់គ្រួសារសពលោក លីចិន ខ្វះខាតខ្លាំងគ្មានលុយធ្វើបុណ្យ
-
ព័ត៌មានអន្ដរជាតិ២ ថ្ងៃ agoតារាចម្រៀងម្នាក់ស្លាប់ ក្រោយចូលម៉ាស្សា៣ដងនៅហាងមួយក្នុងប្រទេស ថៃ