ព័ត៌មានអន្ដរជាតិ
មេដឹកនាំថ្មីស៊ីរី អំពាវនាវឲ្យមានភាពស្ងប់ស្ងាត់ ក្រោយការផ្ដួលរំលំរបបលោក Assad
នាយករដ្ឋមន្ត្រីអន្តរកាលថ្មីរបស់ស៊ីរី បានប្រកាសកាលពីថ្ងៃទី១០ខែធ្នូឆ្នាំ២០២៤ថា វាដល់ពេលសម្រាប់ «ស្ថិរភាព និងភាពស្ងប់ស្ងាត់» ក្នុងប្រទេស ពីរថ្ងៃបន្ទាប់ពីប្រធានាធិបតីកាន់អំណាចចាស់វស្សាលោក Bashar al-Assad ត្រូវបានក្រុមឧទ្ទាមផ្តួលរំលំនៅក្នុងការវាយលុករយៈពេលដ៏ខ្លីសឹងមិនគួរឲ្យជឿ។
សេចក្តីថ្លែងការណ៍របស់ក្រុមឧទ្ទាម បានឲ្យដឹងថា ពួកគេបានតែងតាំងលោក Mohammed al-Bashir ជាប្រមុខរដ្ឋាភិបាលអន្តរកាល ដើម្បីគ្រប់គ្រងប្រទេសរហូតដល់ថ្ងៃទី១ខែមីនាឆ្នាំ២០២៥។
លោក Bashir បានប្រាប់ទូរទស្សន៍ Al Jazeera របស់កាតាក្នុងបទសម្ភាសន៍ជាលើកដំបូងថា៖ «ឥឡូវនេះដល់ពេលហើយសម្រាប់ប្រជាជនទាំងនេះ ដើម្បីរីករាយនឹងស្ថិរភាព និងភាពស្ងប់ស្ងាត់»។
លោក Abu Mohammed al-Jolani ដែលជាមេក្រុមអ៊ីស្លាមនិយមហើយបានដឹកនាំការវាយលុករបស់ពួកឧទ្ទាម ធ្លាប់បានប្រកាសពីការពិភាក្សាអំពីការផ្ទេរអំណាច និងបានប្តេជ្ញាបន្តតាមចាប់ខ្លួនអតីតមន្ត្រីជាន់ខ្ពស់ដែលទទួលខុសត្រូវចំពោះឧក្រិដ្ឋកម្មសង្គ្រាម និងការធ្វើទារុណកម្ម។
កាលពីថ្ងៃអង្គារ លោក Jolani បាននិយាយថា៖ «ស៊ីរីនឹងត្រូវបានកសាងឡើងវិញ។ ប្រទេសនេះកំពុងឆ្ពោះទៅរកការអភិវឌ្ឍ និងការកសាងឡើងវិញ។ វានឹងឆ្ពោះទៅរកស្ថិរភាព។ ប្រជាជនហត់នឿយនឹងសង្រ្គាម។ ដូច្នេះប្រទេសនេះ មិនទាន់ត្រៀមខ្លួនសម្រាប់សង្គ្រាមមួយទៀតទេ ហើយខ្លួនក៏នឹងមិនបង្កើតឲ្យមានសង្គ្រាមផ្សេងទៀតដែរ»។
ពាក់ព័ន្ធនឹងស្ថានការណ៍នៅស៊ីរី រដ្ឋមន្ត្រីការបរទេសអាមេរិក លោក Antony Blinken បានជំរុញឲ្យប្រទេសទាំងអស់គាំទ្រដំណើរការនយោបាយរួមគ្នានៅក្នុងប្រទេសស៊ីរី ដោយនិយាយថា អាមេរិកនឹងទទួលស្គាល់រដ្ឋាភិបាលថ្មីរបស់ស៊ីរី បើរដ្ឋាភិបាលនេះបំពេញតាមស្តង់ដារច្បាស់លាស់។
សូមបញ្ជាក់ថា បើតាមប្រភពពីវិមានក្រឹមឡាំងនៅថ្ងៃទី៩ខែធ្នូឆ្នាំ២០២៤ថា អតីតប្រធានាធិបតីស៊ីរីលោក Bashar al-Assad និងក្រុមគ្រួសារ បានភៀសខ្លួនដល់ទីក្រុងមូស្គូ ហើយរុស្ស៊ីដែលជាសម្ព័ន្ធមិត្ត ក៏បានផ្តល់សិទ្ធិជ្រកកោនដែរ។
ក្រោយការចាកចេញរបស់លោក Assad កងទ័ពស៊ីរីបានប្រកាសថា រជ្ជកាលរបស់លោក Bashar បានបញ្ចប់ហើយ ខណៈរដ្ឋធានីដាម៉ាស ត្រូវបានរំដោះ ក្រោយការកាន់កាប់របស់បុរសខ្លាំងរូបនេះអស់រយៈពេលជិត២៥ឆ្នាំ៕
ដោយ៖ ឈាង
ចុចអាន៖ កងទ័ពស៊ីរីប្រកាសថា រជ្ជកាលរបស់លោក Assad បានបញ្ចប់ហើយ
ឧត្តមសេនីយ៍ឯក នាក់ យុទ្ធា៖ ការរួមគ្នាកំណត់បានមុខសញ្ញា នឹងឆ្ពោះទៅរកឃើញអ្នកជួញដូរគ្រឿងញៀន
ហាម៉ាស បានបន្ថែមកងកម្លាំងថ្មីរហូតដល់ ១៥ ០០០នាក់ គិតចាប់តាំងពីសង្គ្រាមផ្ទុះឡើង
អាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
លោក ប៉ែន បូណា៖ប្រពៃណីតជំនាន់របស់គណបក្សប្រជាជនកម្ពុជា គឺបម្រើប្រជាពលរដ្ឋ
ហាម៉ាស ត្រៀមដោះលែងស្ត្រីជាទាហានអ៊ីស្រាអែល៤នាក់ នៅក្នុងការដោះដូរលើកទី២
ទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
ត្រាំ បន្ទោសថា សង្គ្រាម រុស្ស៊ី-អ៊ុយក្រែន ផ្ទុះដោយសារ ហ្សេលេនស្គី
បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
ស្រូវប្រាំងមួយចំនួនក្នុងខេត្តបន្ទាយមានជ័យ ប្រឈមការខូចខាត ព្រោះខ្វះទឹកស្រោចស្រព
-
ចរាចរណ៍៥ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ១ សប្តាហ៍ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៥ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានអន្ដរជាតិ២ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ២២ ម៉ោង agoទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានអន្ដរជាតិ៣ ថ្ងៃ agoយោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត