ព័ត៌មានអន្ដរជាតិ

ការវាយប្រហារដោយអាវុធនៅថៃបណ្តាលឲ្យស្លាប់៣នាក់នៅខេត្ត Prachin Buri

បានផុស

៥៦ វិនាទី មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

មនុស្ស៣នាក់បានស្លាប់ និង៤នាក់ផ្សេងទៀត បានរងរបួស ដោយសារបុរសម្នាក់ធ្វើការវាយប្រហារដោយប្រើកាំបិត និងកាំភ្លើងនៅក្នុងស្រុក Muang ខេត្ត Prachin Buri ប្រទេសថៃ។ នេះបើយោងតាមការចេញផ្សាយរបស់សារព័ត៌មាន Bangkok Post នៅថ្ងៃទី១២ខែធ្នូនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនវាយប្រហារត្រូវបានគេស្គាល់ថា ឈ្មោះ Surat Thongbai អាយុ៣៨ឆ្នាំដំបូងបានវាយប្រហារមនុស្សពីរនាក់ដោយកាំបិតនិងកាំភ្លើងនៅក្នុងហាងមួយនៅខាងក្រោយមហាវិទ្យាល័យវិជ្ជាជីវៈពាណិជ្ជកម្ម Prachinburi ក្នុងនៅម៉ោង ១៖៣៤ រសៀល បណ្តាលឱ្យបុរសម្នាក់បានស្លាប់។

ពេលនោះ Surat បានជិះម៉ូតូទៅផ្ទះរបស់គាត់ក្បែរមាត់ទន្លេ Prachin Buri មុននឹងដើរទៅហាងមាន់អាំងក្បែរនោះ។ នៅទីនោះគាត់បានវាយប្រហារម្ចាស់ហាងឈ្មោះ Somporn Saopanao ដោយកាំបិត។ បន្ទាប់មកគាត់បានបាញ់កាំភ្លើងចូលក្នុងហាង ហើយគ្រាប់កាំភ្លើងបានបាញ់ទៅលើជនរងគ្រោះ Boonlert Saopanao, Krisada Saopanao និង Wanchai Sudjai ។

ជនរងគ្រោះបានវាយតបវិញ ដោយចាប់យកកាំភ្លើងរបស់ Surat ហើយចងគាត់ ក្នុងនោះមានជនរងគ្រោះម្នាក់បានស្លាប់នៅកន្លែងកើតហេតុ។

ជនរងគ្រោះទាំង៤នាក់ ដែលរងរបួសពីកន្លែងកើតហេតុក្នុងកន្លែងឧក្រិដ្ឋកម្មទី២ ត្រូវបានបញ្ជូនទៅកាន់មន្ទីរពេទ្យ ដែលក្នុងនោះមានម្នាក់បានស្លាប់បន្ថែមទៀត។

មេបញ្ជាការប៉ូលិស Prachin Buri លោកឧត្តមសេនីយ៍ទោ Pumin Sinhasut បាននិយាយថា Surat មានកំណត់ត្រានៃការប្រើប្រាស់គ្រឿងញៀន និងស្រវឹងនៅពេលដែលជនបង្កបានទៅកន្លែងឧក្រិដ្ឋកម្មដំបូងដើម្បីទាមទារលុយពីសាច់ញាតិរបស់គាត់ តែត្រូវបានបដិសេធ គាត់ក៏បាញ់ទៅលើពួកគេ។ ជុំវិញករណីនេះប៉ូលិសកំពុងបន្តការស៊ើបអង្កេតរបស់ពួកគេ៕