មេបក្ស​ប្រជាធិបតេយ្យ​ដែលស្ទើរ​ក្លាយ​ជាអ្នក​ទោស​ ថា ប្រជាជន​បង្កើត​ប្រវត្តិសាស្រ្តថ្មី​

លោក Lee Jae-myung មេដឹកនាំគណបក្សប្រជាធិបតេយ្យ​ដែលស្ទើរតែ​ក្លាយ​ជា​អ្នក​ទោស​​ក្រោម​ច្បាប់​​អាជ្ញាសឹក​របស់​​លោក Yoon Suk Yeol បានប្រាប់ក្រុមអ្នកតវ៉ានៅខាង​ក្រៅ​​សភា​ ក្រោយ​សភា​​​​ដកហូ​តអំណាច​​​ប្រធានាធិបតី​ ថា ពួកគេ​ប្រយុទ្ធជាមួយគ្នា ដូច្នេះ លោក Yoon ត្រូវបានដកចេញ​យ៉ាង​លឿនតាមដែលអាចធ្វើទៅបាន។

លោក និយាយថា​៖«​​អ្នក​ទាំងអស់​គ្នា​ជាប្រជាជន​ធ្វើវា ហើយ​ អ្នកកំពុងសរសេរប្រវត្តិសាស្រ្តថ្មី» ដោយ​ការថ្លែង​ទៅ​​កាន់​ហ្វូងមនុស្សដែលមានភាពរីករាយ ដែលបានទប់ទល់នឹងសីតុណ្ហភាពត្រជាក់ដើម្បីចូលរួមការជួបជុំនេះ។

ក្រុមអ្នកតវ៉ាដែលគាំទ្រការចោទប្រកាន់របស់លោក Yoon បានលោតឡើង​​បង្ហាញ​​ភាពរីករាយនៅជិតសភានៅពេលទទួលបានព័ត៌មាន ហើយគ្រវីបន្ទះភ្លើង​ LED ចម្រុះពណ៌​​នៅ​ពេល​យប់ នៅពេលដែលតន្ត្រីបាន​ចាប់​ផ្តើម​ប្រគុំ​ឡើង​។ ផ្ទុយ​ទៅ​វិញ ការ​ប្រមូល​ផ្តុំ​របស់​អ្នក​គាំទ្រ Yoon បាន​រលាយ​បាត់​ភ្លាមៗ​បន្ទាប់​ពី​មាន​ព័ត៌មាន។

Yoon គឺជាប្រធានាធិបតីអភិរក្សនិយមទីពីរជាប់ៗគ្នាដែលត្រូវបានចោទប្រកាន់នៅក្នុងប្រទេសកូរ៉េខាងត្បូង។ លោកស្រី Park Geun-hye ត្រូវបានដកចេញពីតំណែងក្នុងឆ្នាំ ២០១៧ ។ Yoon បានរួចផុត​ពីការបោះឆ្នោតចោទប្រកាន់ជាលើកដំបូងកាលពីចុងសប្តាហ៍មុន នៅពេលដែលសមាជិក​គណបក្សរបស់គាត់បានធ្វើពហិការស្ទើរ​ទាំងអស់​គ្នា​ក្នុងការបោះឆ្នោត ដោយដកហូតដំណែង​​ដោយ​សភាទាមទារ​កូរ៉ុមមួយ​គ្រប់​គ្រាន់​ចំនួន​២០០​សំឡេង​។

ប្រធានាធិបតី Yoon Suk Yeol ​បាន​ថ្លែង​នៅ​តាមទូរទស្សន៍​ថា៖«​ទោះបីជាខ្ញុំឈប់នៅពេលនេះក៏ដោយ ប៉ុន្តែដំណើរដែលខ្ញុំបានដើរជាមួយមនុស្សក្នុងរយៈពេល២​ឆ្នាំកន្លះកន្លងមកនេះ ឆ្ពោះទៅអនាគត មិនត្រូវឈប់ឡើយ។ ខ្ញុំ​នឹង​មិន​ចុះ​ចាញ់​ឡើយ»។

នៅ​ក្រោម​ច្បាប់​អាជ្ញាសឹក ប្រធានាធិបតី Yoon Suk Yeol បញ្ជា​ឲ្យ​យោធា​ចាប់​មេ​​បក្ស​ប្រជាធិបតេយ្យ​ដែល​ជាបក្ស​ប្រឆាំង ប្រធានបក្ស​​របស់ខ្លួន ប្រធានរដ្ឋសភា និង​មនុស្សមួយចំនួន​ទៀត ដោយ​ចោទ​ប្រកាន់​ថា ជាកម្លាំងប្រឆាំង​រដ្ឋ និង​គាំទ្រ​កូរ៉េខាងជើង​៕​