ព័ត៌មានអន្ដរជាតិ
អ៊ីស្រាអែល៖ កិច្ចព្រមព្រៀងដោះលែងចំណាប់ខ្មាំង ជិតសម្រេចបានមែនទែនហើយ!
រដ្ឋមន្ត្រីការពារជាតិអ៊ីស្រាអែល បានប្រាប់សមាជិកសភាថា រដ្ឋាភិបាលកាន់តែខិតជិតការសម្រេចបាននូវការបិទកិច្ចព្រមព្រៀងដោះលែងចំណាប់ខ្មាំងជាមួយក្រុមហាម៉ាស ជាងពេលណាណាទាំងអស់។
យោងតាមការចុះផ្សាយរបស់ Independent កាលពីថ្ងៃទី១៦ខែធ្នូឆ្នាំ២០២៤ លោក Israel Katz បានធ្វើបច្ចុប្បន្នភាពជាមួយគណៈកម្មាធិការកិច្ចការបរទេស និងការពារជាតិរបស់សភាអ៊ីស្រាអែល អំពីកិច្ចខិតខំប្រឹងប្រែង ដើម្បីរំដោះចំណាប់ខ្មាំងដែលកំពុងស្ថិតក្នុងកណ្ដាប់ដៃក្រុមសកម្មប្រយុទ្ធប៉ាឡេស្ទីននៅតំបន់ហ្គាហ្សា។
ការធ្វើបច្ចុប្បន្នភាពនេះ ត្រូវរៀបចំឡើងដោយសម្ងាត់នៅក្នុងជួររដ្ឋាភិបាលអ៊ីស្រាអែល ប៉ុន្តែត្រូវបែកធ្លាយព័ត៌មានដល់សារព័ត៌មានក្នុងស្រុកមួយឈ្មោះថា Walla។
លោក Katz ត្រូវបានគេដកស្រង់សម្តីថា៖ «ប្រទេសអ៊ីស្រាអែលគឺខិតជិតជាងពេលណាណាទាំងអស់ ដែលឈានដល់កិច្ចព្រមព្រៀងចំណាប់ខ្មាំងផ្សេងទៀត»។
យោងតាមសារព័ត៌មាន Walla លោក Katz ក៏បានលើកឡើងថា កិច្ចព្រមព្រៀងនេះ នឹងមានការគាំទ្រពីក្រុមចម្រុះភាគច្រើន ហើយទំនងជាមិនជួបប្រទះបញ្ហាប្រឈមផ្ទៃក្នុងឡើយ។
មន្ត្រីម្នាក់ដែលនៅក្នុងកិច្ចពិភាក្សានេះ ក៏បានប្រាប់ទីភ្នាក់ងារព័ត៌មាន Reuters កាលពីថ្ងៃចន្ទថា ក្រុមបច្ចេកទេសរបស់អ៊ីស្រាអែលកំពុងនៅទីក្រុងដូហា សម្រាប់កិច្ចពិភាក្សាជាមួយអ្នកសម្រុះសម្រួលកាតា លើ «បញ្ហាដែលសេសសល់» នៅក្នុងកិច្ចព្រមព្រៀងបទឈប់បាញ់ និងការដោះលែងចំណាប់ខ្មាំង។
ការអត្ថាធិប្បាយនេះ ធ្វើឡើងស្របពេលដែលប្រធានាធិបតីជាប់ឆ្នោតរបស់អាមេរិកគឺលោក ដូណាល់ ត្រាំ បាននិយាយថា គាត់មាន «ការពិភាក្សាដ៏ល្អ» ជាមួយនាយករដ្ឋមន្រ្តីអ៊ីស្រាអែល លោក បេនចាមីន ណេតាន់យ៉ាហ៊ូ ហើយបានរំលឹកឡើងវិញនូវការគំរាមកំហែងយ៉ាងចាស់ដៃរបស់គាត់ចំពោះក្រុមហាម៉ាស បើចំណាប់ខ្មាំងមិនត្រូវបានដោះលែងនៅត្រឹមថ្ងៃទី២០ខែមករាខាងមុខ ដែលជាថ្ងៃដែលលោក ត្រាំ ចូលកាន់តំណែងជាផ្លូវការ។
កន្លងមក ចំណាប់ខ្មាំងជាង ១០០នាក់ ត្រូវបានរំដោះតាមរយៈកិច្ចចរចា ឬប្រតិបត្តិការជួយសង្គ្រោះពីយោធាអ៊ីស្រាអែល ខណៈចំណាប់ខ្មាំងជាង ១០០នាក់ផ្សេងទៀត នៅតែត្រូវបានឃុំខ្លួននៅហ្គាហ្សា ហើយក្នុងនោះប្រហែលពាក់កណ្តាលត្រូវបានគេជឿថានៅរស់រានមានជីវិតនៅឡើយ។
ក្រុមសកម្មប្រយុទ្ធដឹកនាំដោយហាម៉ាស បានសម្លាប់មនុស្ស ១ ២០០នាក់ និងចាប់មនុស្សជាង ២៥០នាក់ ក្នុងអំឡុងការវាយប្រហារថ្ងៃទី៧ខែតុលាឆ្នាំមុន ទៅលើប្រទេសអ៊ីស្រាអែល។
ចាប់តាំងពីពេលនោះមក ការវាយលុកសងសឹករបស់អ៊ីស្រាអែលនៅតំបន់ហ្គាហ្សា បានសម្លាប់ជនជាតិប៉ាឡេស្ទីនយ៉ាងតិច ៤៥ ០២៨នាក់ និងរបួស ១០៦ ៩៦២នាក់។ នេះបើយោងតាមមន្ត្រីសុខាភិបាលប៉ាឡេស្ទីន៕
ដោយ៖ ឈាង
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
តើការបំពាក់ប្រព័ន្ធប្រកាសអាសន្នគ្រោះរញ្ជួយដី មានតម្លៃប៉ុន្មានសម្រាប់ប្រទេសនីមួយៗ?
ការរញ្ជួយដីបណ្តាលឱ្យខូចខាតដល់សេដ្ឋកិច្ចថៃធ្ងន់ធ្ងរ ជាពិសេសវិស័យអចលនទ្រព្យ
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានអន្ដរជាតិ២ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៩ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ