ព័ត៌មានអន្ដរជាតិ
លោក ត្រាំ៖ ទាល់តែជាង១០០ឆ្នាំទើបទីក្រុងអ៊ុយក្រែនដែលរុស្ស៊ីបំផ្លាញ អាចស្ដារខ្លួនឡើងវិញ
នៅឯរមណីយដ្ឋាន Mar-a-Lago ក្នុងរដ្ឋ Florida កាលពីថ្ងៃទី១៦ខែធ្នូឆ្នាំ២០២៤ ប្រធានាធិបតីទើបជាប់ឆ្នោតអាមេរិក លោក ដូណាល់ ត្រាំ បាននិយាយថា វានឹងត្រូវចំណាយពេលជាងមួយសតវត្ស ដើម្បីស្ដារឡើងវិញនូវទីក្រុងនានារបស់អ៊ុយក្រែន ដែលរងការបំផ្លិចបំផ្លាញនៅក្នុងសង្គ្រាម និងត្រូវដណ្ដើមកាន់កាប់បានដោយប្រទេសរុស្ស៊ី។

លោក ត្រាំ បានប្រាប់ឲ្យប្រធានាធិបតីអ៊ុយក្រែន លោក Volodymyr Zelensky ត្រៀមខ្លួន ដើម្បីរៀបចំកិច្ចព្រមព្រៀងបញ្ចប់សង្គ្រាមជាមួយរុស្ស៊ី។ បន្ថែមពីនេះ លោក ត្រាំ បានច្រានចោលក្តីសង្ឃឹមរបស់អ៊ុយក្រែន ក្នុងការដណ្តើមទឹកដីដែលរុស្ស៊ីរឹបអូសយកមកវិញ។
លោក ត្រាំ បាននិយាយថា៖ «ត្រូវតែមានកិច្ចព្រមព្រៀង។ មនុស្សស្លាប់ច្រើនពេកហើយ។ វាល្អណាស់ដែលនិយាយថា ពួកគេចង់បានដីរបស់ពួកគេមកវិញ ប៉ុន្តែទីក្រុងត្រូវបានបំផ្លាញយ៉ាងដំណំ។ អ្នកមើលទៅទីក្រុងមួយចំនួន មិនមានសូម្បីអគារមួយខ្នង។ ដឹងទេពេលអ្នកនិយាយថា ‘យកប្រទេសមកវិញ’ យកអ្វី? កាន់កាប់អ្វី? វាមានរយៈពេល ១១០ឆ្នាំ សម្រាប់ការកសាងឡើងវិញ»។
នេះជាសញ្ញាព្រមានចុងក្រោយបង្អស់របស់លោក ត្រាំ ចំពោះប្រទេសអ៊ុយក្រែន មុនពេលលោកឡើងកាន់តំណែងជាផ្លូវការនាថ្ងៃទី២០ខែមករាខាងមុខ ហើយបើសង្គ្រាមមិនអាចបញ្ចប់ទេ នោះអាមេរិកនឹងកាត់ជំនួយដល់ទីក្រុងកៀវជាក់ជាមិនខាន។
លោក ត្រាំ បានបង្ហាញការជឿជាក់ថា មេដឹកនាំរុស្ស៊ីលោក វ៉្លាឌឺមៀរ ពូទីន នឹងមិនឈ្លានពានអ៊ុយក្រែនទេ បើលោកនៅកាន់តំណែង ហើយបានរិះគន់រដ្ឋបាលរបស់ប្រធានាធិបតី ចូ បៃដិន ចំពោះការបើកដៃឲ្យអ៊ុយក្រែនប្រើប្រាស់ប្រព័ន្ធមីស៊ីលរយៈចម្ងាយឆ្ងាយ ATACMS ដើម្បីវាយប្រហារចូលជ្រៅទៅក្នុងទឹកដីរុស្ស៊ី៕
ដោយ៖ ឈាង
ចុចអាន៖ ត្រាំ មិនអញ្ជើញ ហ្សេលេនស្គី ឲ្យចូលរួមពិធីស្បថចូលកាន់តំណែងឡើយ តែថា បើចង់មក ក៏មកចុះ!

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានអន្ដរជាតិ២ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៩ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ