ព័ត៌មានអន្ដរជាតិ

វេជ្ជបណ្ឌិតនិងគិលានុបដ្ឋាយិកាមីយ៉ាន់ម៉ាធ្លាក់ខ្លួនជាពេស្យា ព្រោះសុ្រកកើតសង្រ្គាម

បានផុស

៣២ វិនាទី មុន

នៅ

ថ្ងៃអង្គារ ១៧ ធ្នូ ២០២៤

ដោយ

ស្រ្តីជាច្រើនដែលឆ្លងកាត់ការរៀនសូត្រមានវិជ្ជាជីវៈបានបង្ខំចិត្តធ្វើពេស្យា ចាប់តាំងពីយោធាមីយ៉ាន់ម៉ាបានដណ្តើមអំណាចដោយរដ្ឋប្រហារ ខណៈសេដ្ឋកិច្ចរបស់ប្រទេសនេះកាន់តែធ្លាក់ចុះ។ នេះបើតាមអត្ថបទដែលចេញផ្សាយដោយកាសែត The New York Times។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមស្រ្តីដែលបានរៀបរាប់ពីជីវិតដោយមិនបញ្ចេញឈ្មោះក្នុងរបបយោធាមីយ៉ាន់ម៉ាបានឲ្យដឹងថា បន្ទាប់ពីរយៈពេលប្រាំពីរឆ្នាំដែលបានរៀននៅសាលាវេជ្ជសាស្ត្រនៅក្នុងប្រទេសមីយ៉ាន់ម៉ា ទីបំផុតនាងបានសម្រេចគោលដៅរបស់នាងក្នុងការក្លាយជាវេជ្ជបណ្ឌិត។

ប៉ុន្តែមួយខែក្រោយពីនាងរៀនចប់ហើយរកបានការងារធ្វើ ក្តីសុបិនរបស់នាងក៏ចាប់ផ្តើមមិនប្រក្រតី ដោយចាប់តាំងពីខែកុម្ភៈ ឆ្នាំ ២០២១ ដែលយោធាមីយ៉ាន់ម៉ាបានដណ្តើមអំណាចដោយរដ្ឋប្រហារ ហើយសេដ្ឋកិច្ចរបស់ប្រទេសកាន់តែធ្លាក់ចុះ។ តម្លៃបានកើនឡើង ហើយប្រាក់ខែដែលស្មើនឹង ៤១៥ដុល្លារ ក្នុងមួយខែរបស់នាងត្រូវបានបាត់បង់ ខណៈឪពុករបស់នាងមានជំងឺតម្រងនោម ធ្វើឲ្យនាងកាន់តែអស់សង្ឃឹម។

បន្ទាប់មកនាងបានជួបនារីរកស៊ីផ្លូវភេទដែលរកបានពីរដងច្រើនជាងនាង លុយបានទាក់ទាញនាងទោះបីជានាងត្រូវរួមភេទជាមួយបុរសក៏ដោយ។ នាងនិយាយថា៖«វាពិបាកទទួលយកណាស់ ទោះបីខ្ញុំរៀនអស់ជាច្រើនឆ្នាំដើម្បីក្លាយជាវេជ្ជបណ្ឌិតក៏ដោយ ក៏ខ្ញុំនៅត្រូវធ្វើកិច្ចការនេះដើម្បីរកប្រាក់ចំណូលដែរ» ខណៈគ្រួសាររបស់នាងមិនដឹងថា នាងរកលុយបានដោយរបៀបណានោះទេ ហើយពេស្យាកម្មគឺខុសច្បាប់នៅក្នុងប្រទេសមីយ៉ាន់ម៉ា។

បើតាមស្រ្តីម្នាក់ទៀត ដែលមានអាយុ២៥ឆ្នាំគឺជាគិលានុបដ្ឋាយិកានៅមន្ទីរពេទ្យឯកជនមួយក្នុងទីក្រុង Mandalay ដែលត្រូវបានបិទដោយរដ្ឋាភិបាលយោធា ដោយសារតែគ្រូពេទ្យរបស់ខ្លួនបានចូលរួមក្នុងចលនាតវ៉ា។ ពេលនោះ មិត្តភ័ក្តិម្នាក់ផ្ដល់យោបល់ឲ្យនាងរកលុយតាមរយៈផ្លូវភេទ។ នៅថ្ងៃធ្វើការងារដំបូងរបស់នាង នាងបាននិយាយថា នាងបានមើលរឿងអាសអាភាសមួយចំនួនដើម្បីព្យាយាមរកអ្វីដែលនាងត្រូវធ្វើ។

នាងបាននិយាយថា អតិថិជនដំបូងរបស់នាងគឺជាបុរសជនជាតិចិនម្នាក់ដែលមានអាយុប្រហែល៤០ឆ្នាំ ហើយចេះនិយាយភាសាភូមាតិចតួច និងមិនចេះភាសាអង់គ្លេសទេ។ បុរសនោះបានព្យាយាមរួមភេទដោយមិនប្រើស្រោមអនាម័យ ប៉ុន្តែនាងបានទទូចថាគាត់ត្រូវតែប្រើវា។

នាងបាននិយាយថា វាមានរយៈពេលតែប្រហែល២០នាទី ប៉ុន្តែសម្រាប់នាង វាមានអារម្មណ៍ដូចជាឋានរកសុទ្ធសាធ។ នៅយប់នោះ នាងរកបាន៨០ដុល្លារ ដែលស្មើនឹងលុយដែលនាងរកបានក្នុងមួយខែមុន។ នាងបាននិយាយថា៖«ខ្ញុំមានអារម្មណ៍ខ្មាសបន្តិចដែលធ្វើការងារនេះ ខ្ញុំមិនរីករាយនឹងការងារនេះទេ វាគ្រាន់តែជាការចាំបាច់ប៉ុណ្ណោះ»។

ជាមួយគ្នានេះអ្នកស្រី Mya អាយុ២៥ឆ្នាំ ជាម្តាយទោលម្នាក់ បាននិយាយថា គាត់ព្យាយាមស្វែងរកការងារធ្វើនៅក្នុងរោងចក្រកាត់ដេរ បន្ទាប់ពីប្តីរបស់នាងត្រូវបានទាហានបាញ់សម្លាប់ក្នុងអំឡុងពេលតវ៉ានៅឆ្នាំ២០២១។ ប៉ុន្តែគ្មាននរណាម្នាក់ជួលនាងទេ។ នាងបាននិយាយថា នាងបានលក់របស់គ្រប់យ៉ាងដែលមានតម្លៃ ហើយទីបំផុតបានងាកទៅរកពេស្យាចារ ដើម្បីផ្គត់ផ្គង់ដល់កូនស្រីអាយុ៣ឆ្នាំរបស់នាង។

នាងបាននិយាយថា៖ «មនុស្សជាច្រើនប្រហែលជាមើលងាយខ្ញុំ ប៉ុន្តែពួកគេមិនយល់ថា វាពិបាកបែបណាទេ ពេលមើលកូនឃ្លានអត់មានអ្វីសោះ»។ នាងថា៖«រាល់ថ្ងៃខ្ញុំអធិស្ឋានសុំតែផ្លូវចេញទេ»។

គួរបញ្ជាក់ថា ការធ្វើរដ្ឋប្រហារ និងសង្គ្រាមស៊ីវិលបន្តទៀតបានបំផ្លាញសេដ្ឋកិច្ចរបស់មីយ៉ាន់ម៉ា។ អតិផរណាបានកើនឡើងដល់២៦%នៅឆ្នាំនេះ ដោយសារកង្វះខាតថាមពលបានធ្វើឱ្យរោងចក្រខូចខាត ភ្លៀងធ្លាក់មិនទៀងទាត់ កសិដ្ឋានជន់លិច និងការប្រយុទ្ធគ្នានៅក្នុងតំបន់ក្បែរប្រទេសចិន និងថៃធ្វើឱ្យពាណិជ្ជកម្មឆ្លងព្រំដែនធ្លាក់ចុះ។ រូបិយប័ណ្ណជាប្រាក់ដុល្លារបានបាត់បង់ពីរភាគប្រាំនៃតម្លៃរបស់វាធៀបនឹងប្រាក់ដុល្លារក្នុងឆ្នាំនេះ។ ធនាគារពិភពលោក បានឲ្យដឹងថា ជិតពាក់កណ្តាលនៃប្រជាជនមីយ៉ាន់ម៉ាឥឡូវនេះរស់នៅក្នុងភាពក្រីក្រ។

គ្រោះមហន្តរាយនេះបានបង្ខំឱ្យស្ត្រីនៅក្នុងប្រទេសមីយ៉ាន់ម៉ា ចូលទៅក្នុងការងារផ្លូវភេទក្នុងនោះមានទាំង វេជ្ជបណ្ឌិត គ្រូបង្រៀន គិលានុបដ្ឋាយិកា និងអ្នកជំនាញដែលមានការអប់រំផ្សេងទៀត។ វាពិបាកក្នុងការតាមដានថាតើស្ត្រីប៉ុន្មាននាក់ចូលរួមក្នុងការជួញដូរនេះ ប៉ុន្តែស្ត្រីដែលដើរតាមដងផ្លូវគឺភាគច្រើនជាប់ពាក់ព័ន្ធនឹងការជួញដូរនេះ។ នៅក្នុងបទសម្ភាសន៍ស្ត្រីដប់នាក់ដែលជាកម្មកររោងចក្រមានបួននាក់បានងាកទៅរកពេស្យាកម្ម ខណៈស្ត្រីដែលមានការអប់រំកាន់តែច្រើន ឥឡូវនេះកំពុងរួមភេទជាមួយបុរសដើម្បីរកប្រាក់ចំណូល។

ក្រោយរដ្ឋប្រហារ ស្ត្រីនៅជួរមុខនៃការតវ៉ាដើរដង្ហែតាមដងផ្លូវ ហើយព្យួរសារុងជាគោលប្រឆាំងនឹងទាហានដែលបំពានភ្លូវភេទរបស់ស្រ្តី ប៉ុន្តែការកើនឡើងនៃអំពើពេស្យាចារគឺជាការវាយប្រហារមួយផ្សេងទៀតចំពោះស្ថានភាពរបស់ស្ត្រីដែលត្រូវបានរំលោភបំពានផ្លូវភេទដោយយោធាអស់រយៈពេលជាច្រើនទសវត្សរ៍មកហើយ។

ភាពវេទនានេះមិនមានទីបញ្ចប់ទេ ទោះបីរបបយោធាបានបាត់បង់ដីជាច្រើនដោយសារក្រុមឧទ្ទាម ប៉ុន្តែនៅតែគ្រប់គ្រងទីក្រុងនានារបស់មីយ៉ាន់ម៉ា ដែលកន្លែងពេស្យាចារបានកើនឡើងនៅក្នុងផ្ទះបន ហាងខារ៉ាអូខេ ក្លឹបរាត្រី និងសណ្ឋាគារ។ ការអស់សង្ឃឹមនេះកំពុងបង្ខំស្ត្រីឱ្យបំពានច្បាប់ដោយការលក់ផ្លូវភេទ ខណៈអ្នកដែលត្រូវប៉ូលិសចាប់បានឃុំខ្លួនជាញឹកញាប់ត្រូវបង់ប្រាក់សំណូកដើម្បីធានាការដោះលែងដោយបន្ថែមហានិភ័យមួយស្រទាប់ទៀត។

ស្ត្រីបានទទួលរងផលប៉ះពាល់យ៉ាងខ្លាំងនៃវិបត្តិសេដ្ឋកិច្ច ដោយសារពួកគេរកបានតិចជាងមុនធៀបនឹងសមភាគីបុរស។ បើតាមសិក្សាពីខែមេសាដល់ខែមិថុនាឆ្នាំនេះ បានបង្ហាញថា កម្មករស្ត្រី ទទួលបានប្រាក់ឈ្នួលប្រចាំថ្ងៃជាមធ្យមប្រហែល៥ដុល្លារ ខណៈដែលបុរសអាចរកបានច្រើនជាង ៤០% ធ្វើការងារដូចគ្នា ហើយអត្រាអត់ការងារធ្វើសម្រាប់ស្ត្រីនៅតែមានកម្រិតខ្ពស់ជាងបុរស។ លើសពីនេះរោងចក្រកាត់ដេរដែលធ្លាប់ជាខ្សែជីវិតសម្រាប់ស្ត្រីមកពីភូមិនានារបស់ប្រទេសមីយ៉ាន់ម៉ា ហើយត្រូវបានគេព្យាករណ៍ថានឹងផ្តល់ការងារដល់កម្មករចំនួន ១.៦ លាននាក់នៅឆ្នាំ ២០២៦ បែរជារោងចក្រទាំងនេះជាច្រើនត្រូវបានបិទ ហើយក្រុមហ៊ុនរបស់ពួកគេបានដកខ្លួនចេញពីប្រទេសមីយ៉ាន់ម៉ាបន្ទាប់ពីរដ្ឋប្រហារ៕