ព័ត៌មានអន្ដរជាតិ
ចិនពង្រីកគោលនយោបាយឆ្លងកាត់ដោយគ្មានទិដ្ឋាការដល់១០ថ្ងៃដើម្បីទាក់ទាញភ្ញៀវទេសចរបរទេសកាន់តែច្រើន
រដ្ឋាភិបាលចិនបានបង្កើនចំនួនបីដងនៃពេលវេលាដែលភ្ញៀវទេសចរអាចចំណាយក្នុងប្រទេសរបស់ខ្លួនដោយមិនចាំបាច់មានទិដ្ឋាការនៅក្នុងវិធានការមួយទៀតដើម្បីទាក់ទាញភ្ញៀវទេសចរបរទេសឲ្យបានច្រើន។ នេះបើយោងតាមការចេញផ្សាយរបស់សារព័ត៌មាន CNN នៅថ្ងៃទី១៨ខែធ្នូនេះ។
រដ្ឋបាលអន្តោប្រវេសន៍របស់ចិនបានប្រកាសថា ប្រទេសនេះនឹងពង្រីករយៈពេលស្នាក់នៅដោយគ្មានទិដ្ឋាការដល់ ២៤០ ម៉ោង ដែលស្មើនឹង១០ថ្ងៃបន្ថែមទៀត។ ប្រទេសចិនធ្លាប់បានអនុញ្ញាតឱ្យអ្នកធ្វើដំណើរដែលមានសិទ្ធិចូលទស្សនាបានរយៈពេល៧២ម៉ោង (៣ ថ្ងៃ) ឬ ១៤៤ ម៉ោង (៦ ថ្ងៃ) អាស្រ័យលើគោលដៅរួចទៅហើយ។
ប្រទេសចិនមិនបានលាក់បាំងនូវបំណងប្រាថ្នារបស់ខ្លួនក្នុងការបង្កើនចំនួនភ្ញៀវអន្តរជាតិឡើយ ហើយបានធ្វើការផ្លាស់ប្តូរគោលនយោបាយសំខាន់ៗមួយចំនួនចាប់តាំងពីការបើកឡើងវិញបន្ទាប់ពីកូវីត១៩។ ក្នុងឆ្នាំ ២០២៤ ចំនួនជនបរទេសដែលចូលមកក្នុងប្រទេសចិនដីគោកក្នុងត្រីមាសទី៣នៃឆ្នាំនេះឈានដល់កម្រិតខ្ពស់បំផុតនេះបើយោងតាមទិន្នន័យពីរដ្ឋបាលអន្តោប្រវេសន៍ជាតិ។
គោលនយោបាយទាំងនោះរួមមានអ្នកកាន់លិខិតឆ្លងដែនមកពី ៣៨ ប្រទេសអាចចូលប្រទេសចិនដោយគ្មានទិដ្ឋាការរហូតដល់ ៣០ ថ្ងៃ រួមទាំងប្រទេសបារាំង ម៉ាឡេស៊ី នូវែលសេឡង់ ជប៉ុន និងស្វីស។ ចំណែកជនបរទេសដែលមានសិទ្ធិចូលទស្សនាក្រោមគោលនយោបាយដឹកជញ្ជូនថ្មីរយៈពេល ២៤០ ម៉ោងត្រូវបានអនុញ្ញាតឱ្យធ្វើដំណើររវាងខេត្ត១៤ កើនឡើង១៩ខេត្ត ពីលើកមុន។
យោងតាមស្ថិតិចុងក្រោយដែលដកស្រង់ដោយប្រព័ន្ធផ្សព្វផ្សាយរដ្ឋ ចាប់ពីខែមករា ដល់ខែវិច្ឆិកា ឆ្នាំ ២០២៤ ជនបរទេសជាង ២៩ លាននាក់បានចូលមកប្រទេសចិន កើនឡើង៨៦.២% ពីមួយឆ្នាំទៅមួយឆ្នាំ។ ក្នុងនោះ ១៧ លាននាក់បានចូលក្រោមកម្មវិធីគ្មានទិដ្ឋាការ ដែលកើនឡើង ១២៣.៣% ពីមួយឆ្នាំទៅមួយឆ្នាំ ហើយជាង ៤ លាននាក់នៃពួកគេបានចូលតាមរយៈទីក្រុងសៀងហៃ ដែលធ្វើឱ្យវាក្លាយជាកន្លែងពេញនិយមបំផុតសម្រាប់ទស្សនា។
សូមបញ្ជាក់ថាភាពងាយស្រួលនៃទិដ្ឋាការមិនមែនជាការផ្លាស់ប្តូរតែមួយគត់ដែលចិនបានធ្វើដើម្បីទាក់ទាញភ្ញៀវទេសចរបរទេសនោះទេ។ កម្មវិធីទូទាត់តាមអេឡិចត្រូនិកដ៏ធំបំផុតពីររបស់ចិនគឺ WeChat និង AliPay ឥឡូវនេះទទួលយកកាតឥណទានដែលមិនមែនជារបស់ចិន មានកម្មវិធីបកប្រែដែលភ្ជាប់មកជាមួយ និងសម្រួលដំណើរការផ្ទៀងផ្ទាត់អត្តសញ្ញាណ។ លើសពីនេះ រដ្ឋាភិបាលបានកំណត់ថា តំបន់ទេសចរណ៍សំខាន់ៗ និងសណ្ឋាគារលំដាប់ផ្កាយបី បួន និងផ្កាយប្រាំ សុទ្ធតែទទួលយកប័ណ្ណឥណទានអន្តរជាតិ៕
អត្ថបទ៖ ប៊ុន សុភាព
ត្រាំ ប្រាប់ថា លោកអត់និយាយលេងសើចទេរឿងចង់កាន់អំណាចឲ្យបាន៣អាណត្តិ
លោក យី វាសនា បណ្ដាប្រទេសចូលរួមសរសើរកម្ពុជារៀបចំបានល្អទាំងការស្នាក់នៅ ហូបចុក
ទីបំផុត«គុនខ្មែរ» បានចូលក្នុងស្ថាប័នពិភពលោក WBC ជាផ្លូវការ
បង្ក្រាបគ្រឿងញៀនឆ្លងដែនមានប្រភពចេញពីតំបន់ត្រីកោណមាសជាង១០០គីឡូក្រាម ឃាត់ខ្លួនមនុស្ស៥នាក់
មេ ARDB អំពាវនាវឱ្យកសិករត្រៀមខ្លួនទប់ទល់ការប្រែប្រួលអាកាសធាតុ
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
ត្រាំ ប្រកាសក្តែងៗថា អាមេរិក នឹងយកបាន Greenland ១០០%
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ