វីដេអូ ព្យុះខ្សាច់ដ៏អាក្រក់បំផុតវាយប្រហារលើទីក្រុងប៉េកាំង

មន្ត្រីអាកាសធាតុចិននិយាយថា ព្យុះខ្សាច់ដ៏អាក្រក់បំផុតមួយក្នុងរយៈពេលមួយទសវត្សរ៍កំពុងជះឥទ្ធិពល និងប្រកាសអាសន្នដល់តំបន់ភាគខាងជើងនៃប្រទេស និងកំពុងអំពាវនាវឲ្យប្រជាជនចៀសវាងកុំចេញទៅក្រៅ ។

ក្រុមមន្រ្តីនិយាយថា កម្លាំងខ្យល់ដ៏ខ្លាំងក្លាបាននាំខ្សាច់ពីតំបន់ស្វ័យតម៉ុងហ្គោលីដែលនៅជិតគ្នាទៅតំបន់ភាគខាងជើងប្រទេសចិនចាប់ពីថ្ងៃអាទិត្យដល់ថ្ងៃចន្ទ ។

ធូលីពណ៌លឿងត្រូវបានគេមើលឃើញព័ទ្ធជុំវិញរដ្ឋធានីប៉េកាំងរបស់ចិន ។ មនុស្សបានពាក់ម៉ាស ហើយអ្នកបើកបរត្រូវប្រើភ្លើងហ្វារចង្កៀងខាងមុខយានយន្តនៅពេលថ្ងៃ ខណៈព្យុះខ្សាច់បណ្តាលឲ្យការមើលនៅខាងមុខគឺស្ទើរតែមិនឃើញ ។

បុរសម្នាក់បានត្អូញត្អែរអំពីខ្យល់អ័ព្ទនេះ ។ គាត់បាននិយាយថា មានព្យុះខ្សាច់តិចតួចបំផុតក្នុងប៉ុន្មានឆ្នាំថ្មីៗនេះ ហើយគាត់មិនសប្បាយចិត្តចំពោះអាកាសធាតុនេះនោះទេ ។

ទន្ទឹមនោះប្រព័ន្ធផ្សព្វផ្សាយចិនកំពុងរាយការណ៍ថា ជើងហោះហើរជាង ៤០០ ជើងទាំងទៅ និងចេញពីអាកាសយានដ្ឋានចំនួន ២ របស់ទីក្រុងប៉េកាំងត្រូវបានលុបចោល ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ នាវាដឹកយន្តហោះថ្មីរបស់ចិននឹងដើរដោយថាមពលនុយក្លេអ៊ែរ

ចុចអាន ៖ ចិនជាប្រទេសដំបូងគេចេញលិខិតឆ្លងដែនកូវីដ