ព័ត៌មានអន្ដរជាតិ
ប៉ូលិស អ្នកពន្លត់អគ្គីភ័យមីយ៉ាន់ម៉ាជាង៤០០នាក់ហើយរត់ទៅឥណ្ឌា
មនុស្សជាង៤០០នាក់មកពីប្រទេសមីយ៉ាន់ម៉ាដែលភាគច្រើនជាប៉ូលិសបានភៀសខ្លួនចូលទៅប្រទេសឥណ្ឌាចាប់ពីចុងខែកុម្ភៈមក។ នេះបើយោងតាមមន្ត្រីប៉ូលិសឥណ្ឌាម្នាក់បាននិយាយនៅថ្ងៃចន្ទ ទី១៥ ខែមីនា ខណៈកម្លាំងសន្តិសុខមីយ៉ាន់ម៉ានៅតែបន្តបង្ក្រាបបាតុករគាំទ្រលទ្ធិប្រជាធិបតេយ្យដោយហិង្សា។
ប៉ូលិសម្នាក់បាននិយាយថា ពួកគេបានភៀសខ្លួន ពីព្រោះពួកគេភ័យខ្លាចការធ្វើទុក្ខបុកម្នេញ បន្ទាប់ពីបដិសេធនឹងបញ្ជារបស់យោធាមីយ៉ាន់ម៉ាបាញ់លើអ្នកតវ៉ា។
មន្ត្រីប៉ូលិសនៅរដ្ឋ Mizoram ប្រទេសឥណ្ឌាបានប្រាប់ Reuters ដោយមិនបង្ហាញអត្តសញ្ញាណដោយបារម្ភពីសុវត្ថិភាពបាននិយាយថា នៅថ្ងៃសុក្រ ទី១២ ខែមីនា កន្លងទៅ មានអ្នកឆ្លងដែនចូលឥណ្ឌាប្រហែល១១៦នាក់។
ពួកគេមានទាំងប៉ូលិស និងក្រុមពន្លត់អគ្គីភ័យ អ្នកខ្លះយកមកជាប់ខ្លួនតែសំលៀកបំពាក់តិចតួចប៉ុណ្ណោះ នៅពេលពួកគេបានឆ្លងដែន។
រដ្ឋាភិបាលឥណ្ឌាបានបញ្ជាឲ្យអាជ្ញាធរមូលដ្ឋានបញ្ឈប់ការហូរចូល ប៉ុន្តែនៅតាមតំបន់ភ្នំពិតជាពិបាកក្នុងទប់ស្កាត់ខ្លាំងណាស់។ វាក៏មានទំនាក់ទំនងជិតស្និទ្ធពីជនជាតិភាគតិច និងវប្បធម៌រវាងប្រជាជនទាំងពីរប្រទេសដែលនៅតំបន់ដាច់ស្រយាលតាមព្រំដែន។
ប៉ូលិសឈ្មោះ Khaw អាយុ៣៤ឆ្នាំបាននិយាយថា គាត់បានបដិសេធនឹងបញ្ជា ហើយក៏ឈប់ទៅធ្វើការបង្ក្រាបជាមួយអ្នកពន្លត់អគ្គីភ័យ២០នាក់ផ្សេងទៀត។
គាត់និយាយដោយសំអាងលើចលនាប្រឆាំងនឹងរបបយោធាមីយ៉ាន់ម៉ាថា ៖«ខ្ញុំគាំទ្រចលនាប្រឆាំងនឹងរបបយោធាមីយ៉ាន់ម៉ា។ ខ្ញុំមិនចង់ស្ថិតក្រោមការគ្រប់គ្រងរបស់យោធាទេ»។
រហូតមកដល់ពេលនេះ មនុស្សប្រហែល១៤០នាក់ហើយត្រូវបានសម្លាប់ និងរាប់ពាន់នាក់ត្រូវបានឃុំខ្លួននៅប្រទេសមីយ៉ាន់ម៉ា ចាប់តាំងពីរដ្ឋប្រហារ ថ្ងៃទី១ កុម្ភៈ។
អ្នកតវ៉ានៅតែបន្តចេញធ្វើបាតុកម្មនៅតាមដងផ្លូវទូទាំងប្រទេសមីយ៉ាន់ម៉ា បើទោះជាអាជ្ញាធរបានធ្វើការបង្ក្រាបដោយបាញ់គ្រាប់កាំភ្លើងជ័រ ឧស្ម័នទឹកភ្នែក និងគ្រាប់កាំភ្លើងពិតដើម្បីបញ្ឈប់ពួកគេក៏ដោយ។
នៅថ្ងៃចន្ទ ម្សិលមិញនេះ មានអ្នកតវ៉ាចំនួន១៥នាក់ត្រូវបានសម្លាប់ទូទាំងប្រទេសមីយ៉ាន់ម៉ា បន្ទាប់ពីកាលពីថ្ងៃអាទិត្យមនុស្សស្លាប់ច្រើនបំផុតដែលបានក្លាយជាថ្ងៃថ្លុកឈាមចាប់តាំងពីរដ្ឋប្រហារកើតឡើង៕
ប្រែសម្រួល៖ វីរបុត្រ
ប្រភព៖ Reuters
កងវិស្វកម្មកម្ពុជា កំពុងដំណើរការស្ថាបនាផ្លូវក្រវាត់ព្រំដែន ក្នុងភូមិសាស្រ្តខេត្តរតនគិរី
ការវាយប្រហាររបស់រុស្ស៊ីបង្កឲ្យស្លាប់និងរបួសជាង៤០នាក់ ខណៈអ៊ុយក្រែនវាយបកបំផ្លាញមូលដ្ឋានប្រេង
កម្ពុជាកំពុងប្រមូលធាតុចូលដើម្បីរៀបចំគោលនយោបាយហិរញ្ញវត្ថុបៃតង
អាមេរិក៖ កូរ៉េខាងជើង កំពុងទាញបទពិសោធន៍សង្គ្រាមនៅអ៊ុយក្រែន ដើម្បីប្រឆាំងប្រទេសជិតខាង
ស្វែងយល់ជីវភាពរស់នៅប្រចាំថ្ងៃពលរដ្ឋ នៅក្នុងឃុំកោះជីវាំង ក្នុងស្រុកឯកភ្នំ ខេត្តបាត់ដំបង
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
អ្នកឧកញ៉ា ហ៊ុន តូ ត្រៀមប្ដឹងបកទៅលោក ហេង សិទ្ធី វិញដើម្បីការពារភាពត្រឹមត្រូវ
Los Angeles កើតភ្លើងឆេះព្រៃច្រើនឡើងៗ បន្ថែមទៀត ឈានដល់កម្រិតគ្រោះថ្នាក់ធ្ងន់ធ្ងរបំផុត ពិបាកគ្រប់គ្រង
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
-
ព័ត៌មានជាតិ៧ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ១៥ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ៧ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៧ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៧ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៧ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»