ព័ត៌មានអន្ដរជាតិ
តុលាការកំពូលបារាំងកាត់ទោស អតីតប្រធានាធិបតី ជាប់ទោស៣ឆ្នាំពីបទពុករលួយ ជ្រែកឥទ្ធិពល និងការសូកប៉ាន់
ដោយអស់ផ្លូវដើរក្នុងប្រព័ន្ធច្បាប់ប្រទេសបារាំង អតីតប្រធានាធិបតីបារាំងដែលកាន់អំណាច៦ឆ្នាំចន្លោះឆ្នាំ២០០៧ ដល់២០១២ លោក Nicolas Sarkozy បានប្រកាសងាកទៅរកតុលាការសិទ្ធិមនុស្សរបស់សហភាពអឺរ៉ុបដើម្បីបន្តតតាំងផ្លូវច្បាប់ដែលចោទប្រកាន់រូបលោកពាក់ព័ន្ធអំពើពុករលួយនិងការជ្រៀតជ្រែកឥទ្ធិពល។
តុលាការកំពូលរបស់ប្រទេសបារាំងកាលថ្ងៃពុធ បានចេញសាលក្រមដោយតម្កល់សាលដីការបស់តុលាការឧទ្ធរណ៍ដោយផ្តន្ទាទោសអតីតប្រធានាធិបតីបារាំង លោក Nicolas Sarkozy ចំនួន៣ឆ្នាំ (១ឆ្នាំត្រូវជាប់ឃុំក្នុងផ្ទះក្រោមការតាមដាន និង២ឆ្នាំទៀតជាទោសព្យួរ) ពីបទចោទអីពីអំពើពុករលួ និងការជ្រៀតជ្រែកឥទ្ធិពល (Influence peddling)។
ការចោទប្រកាន់និងសម្រេចផ្តន្ទាទោសនេះគឺជាករណីដំបូងបំផុតក្នុងប្រវត្តិសាស្ត្របារាំងសម័យទំនើប ដែលអតីតប្រធានាធិបតីត្រូវបានកាត់ទោសពីបទពុករលួយ និងកាត់ទោសឱ្យជាប់ពន្ធនាគារ។ តាមសេចក្តីរាយការណ៍របស់បណ្តាញសារព័ត៌មានបារាំង Le Monde។
តុលាការក្រុងប៉ារីសប្រទេសបារាំងចាប់ផ្តើមធ្វើការលើដំណើរការសំណុំរឿងចោទប្រកាន់ប្រឆាំងអតីតប្រធានាធិបតី Sarkozy កាលឆ្នាំ២០២១ សម្រាប់ការចោទប្រកាន់ថាបានប្រព្រឹត្តអំពើពុករលួយ និងការជ្រៀតជ្រែកឥទ្ធិពល ហើយនៅឆ្នាំ២០២៣ តុលាការឧទ្ធរណ៍ក៏បានដំណើរការការចោទប្រកាន់ជុំវិញការសូកប៉ាន់ចៅក្រមដើម្បីទទួលបានព័ត៌មានអំពីដំណើរការផ្លូវច្បាប់។
ទោះបីជាយ៉ាងណា លោក Nicolas Sarkozy ដែលបានកាន់អំណាចកំពូលរបស់ប្រទេសបារាំងចន្លោះឆ្នាំ២០០៧ ដល់ឆ្នាំ២០១២ បានបដិសេធការប្រព្រឹត្តខុសឆ្គង ហើយចាត់ទុកការចោទប្រកាន់និងផ្តន្ទាទេសលោក ថាជា «រឿងអយុត្តិធម៌ដ៏ជ្រាលជ្រៅ»។
តាមការដកស្រង់របស់បណ្តាញសារព័ត៌មាន AP ក្រោយការផ្តន្ទាទោសរបស់តុលាការកំពូល លោក Sarkozy បានបង្ហោះលើបណ្តាញសង្គម X ឲ្យដឹងថា លោកជាជនស្លូតត្រង់ គ្មានទោស និងច្រានចោលការដាក់ទោស។ ដោយអស់ផ្លូវតវ៉ានៅក្នុងប្រទេសបារាំង លោក Sarkozy នឹងបន្តនីតិវិធីទៅកាន់តុលាការសិទ្ធិមនុស្សរបស់សហភាពអឺរ៉ុប។
ខ្លឹមសារដែលលោកបង្ហោះនៅលើបណ្តាញសង្គម X បានឲ្យដឹងថា៖«ខ្ញុំនឹងទទួលខុសត្រូវរបស់ខ្ញុំនិងប្រឈមមុខផលលំបាកទាំងអស់»។ ខ្ញុំគ្មានបំណងដាក់ពាក្យបណ្តឹងទេ ប៉ុន្តែខ្ញុំមិនបានត្រៀមខ្លួនទទួលយកភាពអយុត្តិធម៌ដ៏សែនជ្រៅដែលគេធ្វើចំពោះរូបខ្ញុំ»។
សារព័ត៌មាន Le Monde បានរាយការណ៍ថា វាគឺជាករណីផ្លូវច្បាប់មួយក្នុងចំណោមករណីផ្លូវច្បាប់ជាច្រើនដែល លោក Sarkozy បានប្រឈមមុខ។ គាត់ត្រូវបានកាត់ទោសនៅឆ្នាំ ២០២១ពីបទផ្តល់ហិរញ្ញប្បទានយុទ្ធនាការខុសច្បាប់នៃការដេញថ្លៃការបោះឆ្នោតឡើងវិញឆ្នាំ ២០១២ ដែលលោករងការបរាជ័យ៕
ដោយ រ៉ាន់ រើយ
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?