ព័ត៌មានអន្ដរជាតិ
លោក Blinken៖ អ៊ីរ៉ង់ ឆ្នាំនេះរាសីដាក់
សហរដ្ឋអាមេរិក បានលើកឡើងថា អ៊ីរ៉ង់គួរតែពិចារណាឡើងវិញអំពីគោលនយោបាយការបរទេស ហើយផ្តោតលើសេដ្ឋកិច្ចរបស់ខ្លួន បន្ទាប់ពីមានការធ្លាក់ចុះជាក់ស្តែងផ្ទួនៗនៅឆ្នាំ២០២៤នេះ។
រដ្ឋមន្ត្រីការបរទេសអាមេរិក លោក Antony Blinken កាលពីថ្ងៃពុធទី១៨ខែធ្នូឆ្នាំ២០២៤ បាននិយាយថា អ៊ីស្រាអែលបានទទួលជោគជ័យ ក្នុងការបំផ្លាញសម្ព័ន្ធមិត្តរបស់អ៊ីរ៉ង់ គឺក្រុមហេសបូឡា និងក្រុមហាម៉ាស ក៏ដូចជាសមត្ថភាពយោធាផ្ទាល់របស់អ៊ីរ៉ង់ នៅក្នុងការវាយប្រហារកាលពីខែតុលា។
លោក Blinken បានប្រាប់ថា៖ «គ្មានការងឿងឆ្ងល់ទេ នេះមិនមែនជាឆ្នាំដ៏ល្អសម្រាប់អ៊ីរ៉ង់ទេ ហើយយើងកំពុងមើលឃើញថាវាកើតឡើងជារៀងរាល់ថ្ងៃ»។ លោកបន្ថែមថា ឥឡូវនេះ អ៊ីរ៉ង់ត្រូវតែស្វែងរកជម្រើសមូលដ្ឋានសម្រាប់ខ្លួនឯង។
លោករដ្ឋមន្ត្រី បានបន្តទៀតថា៖ «ជម្រើសមួយដែលអាចធ្វើបាន និងគួរធ្វើ គឺផ្តោតលើខ្លួនឯង ហើយផ្តោតលើការព្យាយាមកសាងប្រទេសដែលប្រសើរជាងមុន និងជោគជ័យជាងមុន ដែលផ្តល់សម្រាប់ប្រជាជនរបស់ខ្លួន ហើយឈប់ពាក់ព័ន្ធជាមួយការប្រថុយប្រថាន ឬក៏គ្រោះថ្នាក់ទាំងនេះនៅក្នុងតំបន់»។
ស្របពេលដែលប្រធានាធិបតីទើបជាប់ឆ្នោត លោក ដូណាល់ ត្រាំ នឹងត្រឡប់ទៅកាន់សេតវិមានវិញនៅខែក្រោយ អ៊ីរ៉ង់បានដឹងថា ខ្លួនស្ថិតក្នុងស្ថានភាពងាយរងគ្រោះ ដោយសារតែការបាត់បង់សម្ព័ន្ធមិត្តរបស់ខ្លួន។
ទន្ទឹមគ្នានេះដែរ អ៊ីស្រាអែលកំពុងបន្តការវាយលុកនៅតំបន់ហ្គាហ្សា ដែលបានសម្លាប់ជនជាតិប៉ាឡេស្ទីនជាង ៤៥ ០០០នាក់។ បន្ទាប់ពីការដួលរលំរបបអតីតប្រធានាធិបតីស៊ីរី Bashar al-Assad ដែលជាសម្ព័ន្ធមិត្តរបស់អ៊ីរ៉ង់ អ៊ីស្រាអែលក៏បានពង្រីកខ្លួនបន្ថែមទៀតចូលទៅក្នុងប្រទេសស៊ីរី ដោយមានផែនការបង្កើនការតាំងទីលំនៅនៅទីនោះ។
យ៉ាងណាមិញ ការបង្កើនវត្តមាននៅតំបន់មជ្ឈិមបូព៌ារបស់អ៊ីស្រាអែល បានបង្កជាក្ដីព្រួយបារម្ភដែលថា អ៊ីរ៉ង់អាចអភិវឌ្ឍគ្រាប់បែកនុយក្លេអ៊ែរ ដើម្បីស្ដារការខាតបង់ និងសម្រាប់ការពារខ្លួន។
លោក Blinken បានប្រាប់ថា ការផលិតគ្រាប់បែកនុយក្លេអ៊ែររបស់អ៊ីរ៉ង់ គឺជារឿងដែលមិនអាចជៀសផុតរួច តែកិច្ចចរចាការទូតជាមួយអ៊ីរ៉ង់ នៅតែអាចធ្វើទៅបាន។ លោកបន្តថា៖ «មានឱកាសនៃការចរចា។ ប្រាកដណាស់ វាអាស្រ័យលើអ្វីដែលអ៊ីរ៉ង់ជ្រើសរើសធ្វើ និងថាតើខ្លួនជ្រើសរើសចូលរួមដែរឬទេ»។
លោក Blinken បានបន្ថែមថា មិនថាគណបក្សអាមេរិកណាដែលកាន់អំណាចនោះទេ ទីក្រុងវ៉ាស៊ីនតោននឹងប្តេជ្ញាចិត្តជានិច្ចក្នុងការធានាថា អ៊ីរ៉ង់មិនទទួលបានអាវុធនុយក្លេអ៊ែរឡើយ៕
ដោយ៖ ឈាង
លោក Blinken៖ អ៊ីរ៉ង់ ឆ្នាំនេះរាសីដាក់
រដ្ឋមន្ត្រីក្រសួងអប់រំ លើកទឹកចិត្តយុវជនអានសៀវភៅឱ្យបានច្រើន ដើម្បីក្រេយកចំណេះដឹងកម្រិតខ្ពស់
ជាប្រវត្តិសាស្ត្រ ថៃបញ្ជូនសត្វព្រៃជិត១០០០ក្បាលទៅប្រទេសម៉ាដាហ្គាស្កាវិញ
ប្រេនធំៗនៅកូរ៉េ ប្រឈមលែងមានអ្នកទិញ ដោយសារតារានិយាយរឿងនយោបាយ
ឥណ្ឌូណេស៊ីគ្រោងសាងសង់រោងចក្រថាមពលនុយក្លេអ៊ែរ ដំបូងបំផុតរបស់ប្រទេស
នារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
ត្រាំ ស្តីឲ្យ បៃដិន ថា ម្តេចក៏ល្ងង់ ទៅឲ្យអ៊ុយក្រែន បាញ់មីស៊ីលអាមេរិក ចូលដីរុស្ស៊ី ទាំងមិនសួរគាត់មួយម៉ាត់
ច្បាប់ថវិកាសម្រាប់ការគ្រប់គ្រងឆ្នាំ២០២៥ ត្រូវបានព្រះមហាក្សត្រ ចេញព្រះរាជក្រមប្រកាសឱ្យប្រើជាផ្លូវការ
សាវិន ហ្វីលីព ៖ ផឹករាល់ថ្ងៃ ហើយអាងរត់ និងសូណា ចុងក្រោយក្រិនថ្លើមស្លាប់ដដែល
អ្នកលេង TikTok ត្រូវរថភ្លើងបុកស្លាប់ ពេលថតមាតិកាលើស្ពានផ្លូវរថភ្លើង
-
វប្បធម៌ ជំនឿ៦ ថ្ងៃ agoកត់ចំណាំទុក បើគេងយល់សប្តិឃើញ ១០ ប្រភេទនេះ គួរពិចារណា
-
សុខភាព៦ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ១ សប្តាហ៍ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
សេដ្ឋកិច្ច៧ ថ្ងៃ agoឆ្នាំ២០២៥ ខាងមុខនេះ កសិដ្ឋានចិញ្ចឹមគោសាច់មួយនៅបាត់ដំបង គ្រោងទិញគោពីកសិករប្រមាណជាង ១ម៉ឺនក្បាល
-
នយោបាយ២ ថ្ងៃ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ជីវិតកម្សាន្ដ៦ ថ្ងៃ agoគ្រាន់តែសរសេរពាក្យ «ញុំា» ខុស! សឿន វីតា ត្រូវបុរសចំណាស់ម្នាក់ប្រមាថដល់អ្នកមានគុណ
-
ព័ត៌មានជាតិ២ ថ្ងៃ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ជីវិតកម្សាន្ដ១ សប្តាហ៍ agoផ្ទុះការវែកញែក! ក្រោយនារីម្នាក់ទម្លាយថា តារាចម្រៀងល្បីមួយរូប ចម្លងជំងឺឱ្យ ខណៈមានការស្នើឱ្យម្ខាងទៀតចេញមុខបកស្រាយ