Connect with us

ព័ត៌មានអន្ដរជាតិ

លោក ពូទីន ប្រាប់​ថា ជំនួប​ជាមួយ​ ត្រាំ ចង់​ធ្វើ​ពេល​ណា​ក៏​បាន

បានផុស

នៅ

លោក វ្ល៉ាឌីមៀរ ពូទីន បាន​​ប្រាប់​​ថា លោក​បាន​ត្រៀម​ខ្លួន​រួច​ជា​ស្រេច​ហើយ សម្រាប់​ជំនួប​ជាមួយ​ប្រធានាធិបតី​ទើប​ជាប់​ឆ្នោត​អាមេរិក លោក ដូណាល់ ត្រាំ បន្ទាប់​ពី​ខកខាន​ទំនាក់ទំនង​ជាមួយ​គ្នា​អស់​រយៈពេល​៤​ឆ្នាំ។

លោក ដូណាល់ ត្រាំ និង​លោក ពូទីន (រូបភាព៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតី​រុស្ស៊ី បាន​និយាយ​ថា កិច្ច​ពិភាក្សា​រវាង​លោក និង​លោក ត្រាំ នឹង​មាន​រឿង​ជា​ច្រើន​ត្រូវ​​ជជែក។ លោក ពូទីន បាន​បន្ត​ថា យ៉ាងណា ជំនួប​នេះ​មិន​ដឹង​អាច​កើត​ឡើង​នៅ​ពេល​ណា​ទេ ព្រោះ​លោក ត្រាំ បច្ចុប្បន្ន​មិន​ទាន់​បាន​និយាយ​អ្វី​សោះ​អំពី​រឿង​នេះ។

មេ​ដឹក​នាំ​រុស្ស៊ី បាន​ប្រាប់​ថា​៖ «​ខ្ញុំ​មិន​បាន​និយាយ​ជាមួយ​គាត់​ជាង​បួន​ឆ្នាំ​មក​ហើយ ហើយ​ខ្ញុំ​ត្រៀម​ខ្លួន​​រួច​ជា​ស្រេច​នៅ​ពេល​ណា​ក៏​បាន​។ ខ្ញុំនឹងត្រៀមខ្លួន សម្រាប់ការប្រជុំ បើគាត់ចង់បាន»។

ត្បិត​មាន​ការរិះគន់ជុំវិញសង្គ្រាម និងការ​ដណ្តើមយកដី​ពី​អ៊ុយក្រែន​ក៏ដោយ ក៏លោក ពូទីន បានបញ្ជាក់​ថា លោកបើកចំហចំពោះការចរចា ដែលទាមទារឲ្យ​មានការសម្របសម្រួល។

លោក​ថា៖ «នយោបាយគឺជាសិល្បៈនៃការសម្របសម្រួល។ ហើយ​យើង​តែង​តែ​និយាយ​ថា យើង​ត្រៀម​ខ្លួន​រួច​រាល់​សម្រាប់​ទាំង​ការ​ចរចា និង​ការ​សម្រុះសម្រួល» លើកលែង​ភាគី​ម្ខាង​ទៀត​មិន​ព្រម​ចូល​តុ​ចរចា។

អគ្គលេខាធិការអង្គការណាតូ លោក Mark Rutte ក៏បាន​ព្យាយាម​បញ្ចុះបញ្ចូល​​​អ៊ុយក្រែន​ឲ្យ​ចូលរួមជាមួយរុស្ស៊ី ក្នុងការសន្ទនាសំដៅទៅរកសន្តិភាព​ផង​ដែរ ប៉ុន្តែបានស្នើឲ្យ​ប្រទេសនេះធ្វើវា នៅពេលដែលខ្លួនស្ថិតក្នុងទីតាំង​មាន​ប្រៀប​ជាង​នៅលើសមរភូមិ។

លោក Rutte បាននិយាយកាល​ពី​ដើមខែ​ធ្នូ​នេះថា៖ «​ត្រូវ​ប្រាកដ​ថា ​អ៊ុយក្រែន​មាន​អ្វី​ដែល​ខ្លួន​ត្រូវ​ការ ​ដើម្បី​ឈាន​ដល់​ជំហរ​រឹងមាំ​នៅ​ពេល​ដែល​ការ​ចរចា​សន្តិភាព​ទាំង​នោះ​ចាប់​ផ្តើម ហើយ​​នៅ​ពេល​ដែល​រដ្ឋាភិបាល​អ៊ុយក្រែន​បាន​សម្រេច​ថា ​ពួកគេ​ត្រៀម​ខ្លួន​រួច​រាល់​ដើម្បី​ធ្វើ​ដូច្នេះ»។

គេ​នៅ​​មិន​ដឹង​ច្បាស់ទេថា​តើ​លោក ត្រាំ នឹងយល់ព្រមក្នុងការអង្គុយជាមួយលោក ពូទីន ដើម្បីពិភាក្សាអំពីសង្គ្រាមនៅអ៊ុយក្រែន មុន​ពេល​ចូលកាន់តំណែង​ផ្លូវការ​ដែរឬ​យ៉ាង​ណា​ បើទោះបីជា​លោក ត្រាំ បានជួបជាមួយ​មេដឹកនាំបរទេស​ ក្នុងប៉ុន្មានសប្តាហ៍ថ្មីៗនេះ រួមទាំងការអញ្ជើញពួកគេទៅចូលរួម​ក្នុង​ពិធី​ឡើង​កាន់​តំណែង​នៅ​រមណីយដ្ឋាន Mar-a-Lago របស់គាត់ នៅរដ្ឋផ្លរីដា ក៏​ដោយ៕

ដោយ៖ ឈាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៧ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៩ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ១០ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ១៣ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានអន្ដរជាតិ១៤ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៣ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១៤ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១៤ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ១៥ ម៉ោង មុន

អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ 

Sokha Hotels

ព័ត៌មានពេញនិយម