ព័ត៌មានអន្ដរជាតិ

ប៉ូលិសរដ្ឋតិចសាស់បាញ់សម្លាប់បុរសម្នាក់ព្រោះបើករថយន្តបុកទ្វារចូលផ្សារទំនើប

បានផុស

១ ខែ មុន

នៅ

ថ្ងៃអាទិត្យ ២២ ធ្នូ ២០២៤

ដោយ

មនុស្សប្រាំនាក់បានរងរបួសកាលពីថ្ងៃទី២១ខែធ្នូ បន្ទាប់ពីបុរសម្នាក់បានបើករថយន្តភីកអាប់របស់ខ្លួន បំបុកទ្វារកញ្ចក់នៃផ្សារទំនើប JCPenney ក្នុងទីក្រុង Killeen រដ្ឋតិចសាស់ ហើយបន្តបើកបរកាត់ហាងនេះ មុនពេលគាត់ត្រូវបានបាញ់សម្លាប់ដោយប៉ូលិស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន New York Times បានរាយការណ៍ថា បានដកស្រង់សម្តី លោក Sgt Bryan Washko ដែលបម្រើការនៅអង្គភាពសុវត្ថិភាពសាធារណៈនៃរដ្ឋតិចសាស់ ដែលបាននិយាយថា នៅម៉ោងប្រហែល ៥ល្ងាចម៉ោងក្នុងស្រុក អ្នកបើកបរដែលមិនស្គាល់អត្តសញ្ញាណគឺស្ថិតនៅក្នុងរថយន្តភីកអាប់ពណ៌ខ្មៅ បើកបរក្នុងស្ថានភាពស្រវឹង និងបានបើកគេចចេញពីផ្លូវជាតិចូលទៅផ្លូវតូចជាង នៅពេលដែលមន្រ្តីបានព្យាយាមបញ្ឈប់គាត់។

លោក Washko បាននិយាយថា ដោយមិនព្រមឈប់តាមការឃាត់ អ្នកបើកបរនោះបានចុះពីលើផ្លូវធំ បានបើកទៅចំណតរថយន្តរបស់ផ្សារ ហើយបានបើកបុកកម្ទេចរថយន្តរបស់គាត់ ចូលតាមទ្វាររបស់ផ្សារទំនើប JCPenney ។

សេចក្តីរាយការណ៍បានបន្តថា បុរសនោះបានបើកឡានឆ្លងកាត់ផ្សារទំនើប ហើយបានបុកមនុស្សជាច្រើននាក់ ដែលក្នុងនោះមានប្រាំនាក់រងរបួសពីស្រាលទៅធ្ងន់ធ្ងរ។

លោក Washko បាននិយាយថា អ្នករងរបួសមានចាប់ពីអាយុ ៦ ទៅ ៧៥ឆ្នាំ។

លោក Sgt Washko បាននិយាយថា វគ្គដំបូងត្រូវបានរាយការណ៍ថាជាការបាញ់ប្រហារ ប៉ុន្តែមានតែអ្នកបើកបរប៉ុណ្ណោះដែលត្រូវបានបាញ់។

អំពើហិង្សានៅសហរដ្ឋអាមេរិក បានកើនឡើងយ៉ាងខ្លាំងក្នុងនៅប៉ុន្មានឆ្នាំចុងក្រោយនេះ ជាពិសេសដោយសារការប្រើប្រាស់កំាភ្លើងនៅទីសាធារណៈដូចជានៅតាមសាលារៀនជាដើម។

ក្នុងយុទ្ធនាការបោះឆ្នោត ប្រធានាធិបតីជាប់ឆ្នោតលោកដូណាល់ ត្រាំ ធ្លាប់បានលើកឡើងថា អំពើហិង្សាកើតនៅទូទាំងអាមេរិកដែលជាការគួរឲ្យព្រួយបារម្ភ៕