ព័ត៌មានអន្ដរជាតិ

យោធាកូរ៉េខាងត្បូងបាញ់បង្ហោះផ្កាយរណប បង្កើនសមត្ថភាពឃ្លាំមើលកូរ៉េខាងជើង

បានផុស

២ ខែ មុន

នៅ

ថ្ងៃអាទិត្យ ២២ ធ្នូ ២០២៤

ដោយ

យោធាកូរ៉េខាងត្បូងបានបាញ់បង្ហោះផ្កាយរណបរ៉ាដា (SAR) ទីពីររបស់ខ្លួនកាលពីថ្ងៃសៅរ៍ ដែលជាផ្នែកមួយនៃកិច្ចខិតខំប្រឹងប្រែងដើម្បីបង្កើតប្រព័ន្ធឈ្លបយកការណ៍ដ៏ទូលំទូលាយមួយ ដោយប្រតិបត្តិការផ្កាយរណបជាច្រើននៅក្នុងក្រុមសម្របសម្រួលតែមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការពារជាតិកូរ៉េខាងខាងត្បូង បានឲ្យដឹងថា ផ្កាយរណបនេះត្រូវបានបាញ់បង្ហោះនៅលើគ្រាប់រ៉ុក្កែត Falcon 9 របស់ SpaceX ពីមូលដ្ឋានទ័ពអវកាស Vandenberg ក្នុងរដ្ឋកាលីហ្វ័រញ៉ា នៅម៉ោង 8:34 នាទីយប់ ម៉ោងនៅប្រទេសកូរ៉េ។

ទោះបីមានការបាញ់បង្ហោះបែបនេះក៏ដោយ ប៉ុន្តែភាពជោគជ័យនៃការបាញ់បង្ហោះនេះនឹងត្រូវបានកំណត់នៅពេលដែលផ្កាយរណបដែលបានបាញ់បង្ហោះទៅនោះ បង្កើតទំនាក់ទំនងប្រកបដោយប្រសិទ្ធភាពជាមួយមូលដ្ឋានទិន្នន័យនៅលើផ្ទៃដី។

ក្រសួងបានបញ្ជាក់ថា ផ្កាយរណបនេះត្រូវបានគេរំពឹងថានឹងពង្រឹងសមត្ថភាពច្រវ៉ាក់សម្លាប់ «Kill Chain» របស់យោធា ដែលពាក់ព័ន្ធនឹងការវាយលុកគោលដៅជាមុនដោយការរកឃើញសញ្ញានៃសកម្មភាពនុយក្លេអ៊ែរ និងមីស៊ីល។

យោធាមានគោលបំណងធ្វើប្រតិបត្តិការផ្កាយរណបចំនួនប្រាំនៅឆ្នាំ ២០២៥ ដែលជាផ្កាយរណបអេឡិចត្រូអុបទិក/អ៊ីនហ្វ្រារ៉េដ (EO/IR) និងផ្កាយរណប SAR ចំនួនបួន ដែលរួមគ្នានឹងអនុញ្ញាតឱ្យមានសកម្មភាពត្រួតពិនិត្យនៅក្នុងប្រទេសកូរ៉េខាងជើងរៀងរាល់ពីរម៉ោងម្តង៕