ព័ត៌មានអន្ដរជាតិ
មេដឹកនាំអ៊ុយក្រែន៖ នាយករដ្ឋមន្ត្រីស្លូវ៉ាគី ជួយរុស្ស៊ីរកលុយធ្វើសង្គ្រាម
នាយករដ្ឋមន្រ្តីស្លូវ៉ាគី លោក Robert Fico ត្រូវបានលោក Volodymyr Zelensky ប្រធានាធិបតីអ៊ុយក្រែន ចោទប្រកាន់ថាចង់ «ជួយ» លោក Vladimir Putin ដោយបន្តការនាំចូលឧស្ម័នពីប្រទេសរុស្ស៊ី។
លោក Zelensky បាននិយាយកាលពីថ្ងៃចន្ទទី២៣ធ្នូថា មេដឹកនាំសហភាពអឺរ៉ុបបានសង្កេតឃើញថា លោក Fico ដែលបានទៅធ្វើទស្សនកិច្ចនៅទីក្រុងមូស្គូកាលពីថ្ងៃអាទិត្យ បានជំទាស់នឹងរឿងកាត់បន្ថយការពឹងផ្អែកថាមពលពីរុស្ស៊ី ដែល«មានន័យថា គាត់ចង់ជួយលោក ពូទីន រកប្រាក់ដើម្បីផ្តល់មូលនិធិដល់សង្រ្គាម និងធ្វើឲ្យអឺរ៉ុបចុះខ្សោយ»។
មេដឹកនាំអ៊ុយក្រែន បានសរសេរសារនៅលើបណ្ដាញសង្គម X ថា៖ «យើងជឿថា ជំនួយបែបនេះដល់ ពូទីន គឺជារឿងអសីលធម៌»។
ស្លូវ៉ាគី ពឹងផ្អែកខ្លាំងលើឧស្ម័នរបស់រុស្ស៊ី ហើយបានលើកឡើងពីក្តីបារម្ភអំពីលទ្ធភាពនៃការបាត់បង់ការផ្គត់ផ្គង់ បន្ទាប់ពីកិច្ចសន្យាសម្រាប់ការដឹកជញ្ជូនឧស្ម័នឆ្លងកាត់អ៊ុយក្រែន ផុតកំណត់នៅថ្ងៃទី៣១ខែធ្នូឆ្នាំ២០២៤។
អ៊ុយក្រែន បានបញ្ជាក់យ៉ាងច្បាស់ថា ខ្លួននឹងមិនបន្តកិច្ចសន្យាជាមួយរុស្ស៊ីឡើយ។
លោក Zelensky បានប្រាប់ថា៖ «យើងបានផ្តល់ជូនគាត់នូវដំណោះស្រាយទាក់ទងនឹងសំណងសក្តានុពលសម្រាប់ស្លូវ៉ាគី សម្រាប់ការខាតបង់ពីការដឹកជញ្ជូនរបស់រុស្ស៊ី ក៏ដូចជាជម្រើសសម្រាប់ការដឹកជញ្ជូនឧស្ម័នផ្សេងទៀត មិនមែនពីរុស្ស៊ី តាមសំណើរបស់គណៈកម្មការអឺរ៉ុប»។
លោក Zelensky បានបន្ថែមថា៖ «លោក Fico មិនចង់បានសំណងសម្រាប់ស្លូវ៉ាគីទេ។ ហើយគាត់មិនចង់សហការជាមួយគណៈកម្មការអឺរ៉ុបឡើយ»។
អ្នកនាំពាក្យ វិមានក្រឹមឡាំង លោក Dmitry Peskov បានប្រាប់អ្នកយកព័ត៌មានកាលពីថ្ងៃចន្ទថា៖ «នេះគឺជាស្ថានភាពដ៏លំបាកមួយ ដែលទាមទារឲ្យមានការយកចិត្តទុកដាក់កាន់តែខ្លាំងឡើង»។
លោក Fico គឺជាមេដឹកនាំអឺរ៉ុបមួយរូបក្នុងចំណោមមេដឹកនាំអឺរ៉ុបមួយចំនួន ដែលលោក ពូទីន បានរក្សាចំណងមិត្តភាពជាមួយ ចាប់តាំងពីការឈ្លានពានរបស់រុស្ស៊ីនៅឆ្នាំ២០២២លើអ៊ុយក្រែន។
ដំណើរទស្សនកិច្ចនៅរុស្ស៊ីរបស់នាយករដ្ឋមន្ត្រីស្លូវ៉ាគី ដែលជាសមាជិកអង្គការណាតូ និងសហភាពអឺរ៉ុប មិនត្រូវបានគេប្រកាសជាមុនទេ។
បន្ទាប់ពីទស្សនកិច្ច លោក Fico បាននិយាយថា កិច្ចប្រជុំកាលពីថ្ងៃអាទិត្យ គឺជាការឆ្លើយតបទៅនឹងលោក Zelensky ប្រឆាំងនឹងការដឹកជញ្ជូនឧស្ម័នឆ្លងកាត់អ៊ុយក្រែនទៅកាន់ទឹកដីស្លូវ៉ាគី។
លោក Fico បានឲ្យដឹងថា លោក ពូទីន បានបញ្ជាក់ពីការត្រៀមខ្លួនរួចហើយ ដើម្បីបន្តផ្គត់ផ្គង់ឧស្ម័នទៅកាន់លោកខាងលិច និងស្លូវ៉ាគី ទោះអ៊ុយក្រែនមិនព្រមបន្តកិច្ចសន្យាក៏ដោយ។
លោក Fico ក៏បានប្រកាសដែរថា មេដឹកនាំទាំង២ក៏បានផ្លាស់ប្តូរទស្សនៈស្តីពីជម្លោះនៅអ៊ុយក្រែន និងលទ្ធភាពនៃការបញ្ចប់សង្គ្រាមដោយសន្តិវិធី៕
ដោយ៖ ឈាង
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
នៅមណ្ឌលគិរី អាជ្ញាធរលែងកូនត្រីចម្រុះ២ម៉ឺន៧ពាន់ក្បាលក្នុងទំនប់អូរតេធិបតី ដើម្បីបង្កើនការផ្គត់ផ្គង់ និងស្ទួចលេងកម្សាន្ត
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
ណុប បាយ៉ារិទ្ធ រន្ធត់ចិត្តរហូតហូរទឹកភ្នែកចំពោះសោកនាដកម្មលើ ក្រុមគ្រួសារមួយ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី