ព័ត៌មានអន្ដរជាតិ

ផ្ទុះរោងចក្រផលិតគ្រាប់រំសេវនៅតួកគីបណ្តាលឲ្យស្លាប់និងរបួសច្រើននាក់

បានផុស

៣ សប្តាហ៍ មុន

នៅ

ថ្ងៃអង្គារ ២៤ ធ្នូ ២០២៤

ដោយ

មនុស្សយ៉ាងហោចណាស់១៣នាក់បានស្លាប់និងមួយចំនួនទៀតបានរងរបួសក្នុងការផ្ទុះនៅរោងចក្រផលិតគ្រាប់រំសេវក្នុងប្រទេសតួកគី ខណៈមូលហេតុនៃការផ្ទុះនោះមិនត្រូវបានមន្ត្រីបញ្ជាក់នៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន turkiyetoday.com បានរាយការណ័ថា ការផ្ទុះមួយបានកើតឡើងនៅរោងចក្រផលិតគ្រាប់រំសេវ ZSR សម្រាប់ផលិតគ្រឿងផ្ទុះនៅក្នុងស្រុក Karesi នៃទីក្រុង Balikesir ប្រទេសតួកគី។ ក្នុងហេតុការណ៍ផ្ទះនេះ បានបណ្តាលឲ្យមនុស្សយ៉ាងហោចណាស់ ១២នាក់បានស្លាប់ ហើយមួយចំនួនទៀតរងរបួស។

យោងភ្នាក់ងារ CNN ប្រចាំប្រទេសតួកគី មនុស្សយ៉ាងហោចណាស់១២នាក់បានស្លាប់ និងបីនាក់រងរបួសបន្ទាប់ពីការផ្ទុះនៅរោងចក្រគ្រឿងផ្ទុះនៅខេត្ត Balikesir ប្រទេសតួកគី។

turkiyetoday បានដកស្រង់សម្តីរដ្ឋមន្ត្រីក្រសួងយុត្តិធម៌តួកគី លោក Yilmaz Tunc ដូចបាននិយាយថា ការិយាល័យរដ្ឋអាជ្ញាសាធារណៈទីក្រុងBalikesir បានផ្តួចផ្តើមការស៊ើបអង្កេតលើការផ្ទុះដែលបានកើតឡើងនៅក្នុងផ្នែកផលិតគ្រាប់រំសេវនៃរោងចក្រគ្រឿងផ្ទុះនៅក្នុងស្រុក Karesi នៃខេត្ត Balikesir ហើយរដ្ឋអាជ្ញាសាធារណៈចំនួន៤នាក់ត្រូវបានចាត់តាំងក្រោមការសម្របសម្រួលការស៊ើបអង្កេត»។

ក្រោយការផ្ទុះនោះ បុគ្គលិកសង្គ្រោះបន្ទាន់ និងភ្នាក់ងារពន្លត់អគ្គិភ័យចំនួន១១២នាក់ត្រូវបានដាក់ពង្រាយទៅកាន់ទីនោះ៕

ដោយ រ៉ាន់ រើយ