ព័ត៌មានអន្ដរជាតិ

អ៊ីស្រាអែលលក់ប្រព័ន្ធការពារដែនអាកាសនិងមីស៊ីលតម្លៃជិត៦០០លានដុល្លារដល់ស្លូវ៉ាគី

បានផុស

២ ខែ មុន

នៅ

ថ្ងៃអង្គារ ២៤ ធ្នូ ២០២៤

ដោយ

ប្រទេសស្លូវ៉ាគីនៅតំបន់បាល់កង់ក្នុងអឹរ៉ុបខាងកើត បានឈានដល់ការចុះកិច្ចព្រមព្រៀងតម្លៃ៥៨២លានដុល្លារ ក្នុងការនាំយកប្រព័ន្ធមីស៊ីលនិងប្រព័ន្ធការពារដែនអាកាសពីប្រទេសអ៊ីស្រាអែល ខណៈពេលដែលតំបន់អឺរ៉ុបខាងកើតប្រឈមសង្គ្រាមកាន់តែស្មុគស្មាញ។

ប្រព័ន្ធមីស៊ីល Barak MX រួមបញ្ចូលជាមួយប្រព័ន្ធការពារដែនអាកាស។ IAI

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធមីស៊ីល Barak MX រួមបញ្ចូលជាមួយប្រព័ន្ធការពារដែនអាកាស របស់ប្រទេសអ៊ីស្រាអែល បានស្ថិតនៅក្នុងកិច្ចព្រមព្រៀងដើម្បីផ្គត់ផ្គង់ដល់ប្រទេសស្លូវ៉ាគី ដោយត្រូវបានគេចាត់ទុកថា ជាការនាំចេញសព្វាវុធក្នុងវិស័យការពារជាតិដ៏ធំបំផុតមិនធ្លាប់មានរវាងប្រទេសទាំងពីរ។

ប្រព័ន្ធមីស៊ីល Barak MX ត្រូវបានគេរចនាឡើងដើម្បីប្រយុទ្ធប្រឆាំងចំពោះការគំរាមកំហែងច្រើនប្រភេទរួមទាំងពីយន្តហោះ ឧទ្ធម្ភាគចក្រ យន្តហោះគ្មានមនុស្សបើក (ដ្រូន) និងប្រភេទមីស៊ីលច្រើនបែបយ៉ាងផ្សេងទៀត ដោយភាគីស្លូវ៉ាគីចាត់ទុកថា វាជាផ្នែកដ៏សំខាន់ក្នុងការពង្រឹងប្រព័ន្ធការពារដែនអាកាសរបស់ខ្លួន។

តាមសេចក្តីរាយការណ៍ ប្រព័ន្ធការពារដែនអាកាស Barak MX អាចស្ទាក់ចាប់មីស៊ីលមានចម្ងាយឆ្ងាយរហូតដល់១៥០គីឡូម៉ែត្រ ដែលជាផ្នែកនៃការការពារដែនអាកាសដ៏សំខាន់។

ប្រព័ន្ធមីស៊ីលនេះផលិតដោយ ឧស្សាហកម្មអវកាសអ៊ីស្រាអែល (IAI) ហើយការផ្គត់ផ្គង់ប្រព័ន្ធនេះនឹងរំពឹងផ្តល់ដល់ស្លូវ៉ាគីត្រឹមចុងឆ្នាំ២០២៥។

ការអនុវត្តបានជោគជ័យនៃកិច្ចព្រមព្រៀងនេះត្រូវបានគេរំពឹងថា នឹងពង្រឹងគោលជំហររបស់អ៊ីស្រាអែលជាប្រទេសនាំចេញប្រព័ន្ធការពារជាតិឈានមុខ និងលើកកម្ពស់ហេដ្ឋារចនាសម្ព័ន្ធសន្តិសុខជាតិរបស់ស្លូវ៉ាគី៕