អ៊ីរ៉ង់មានសិទ្ធិទិញអាវុធបានវិញបន្ទាប់ពីទណ្ឌកម្ម១៣ឆ្នាំរបស់ UN ដល់ទីបញ្ចប់ – Kampuchea Thmey Daily
Connect with us

ព័ត៌មានអន្ដរជាតិ

អ៊ីរ៉ង់មានសិទ្ធិទិញអាវុធបានវិញបន្ទាប់ពីទណ្ឌកម្ម១៣ឆ្នាំរបស់ UN ដល់ទីបញ្ចប់

Published

on

ទោះបីជាមានការប្រឆាំងពីសហរដ្ឋអាមេរិកក៏ដោយ បម្រាមសព្វាអាវុធរយៈពេលយូរដែលដាក់លើប្រទេសអ៊ីរ៉ង់បានផុតកំណត់ដោយស្របតាមលក្ខខណ្ឌនៃកិច្ចព្រមព្រៀងនុយក្លេអ៊ែរដ៏សំខាន់មួយរវាងប្រទេសអ៊ីរ៉ង់និងមហាអំណាចពិភពលោក។

បម្រាមរយៈពេល១៣ឆ្នាំដែលដាក់ដោយក្រុមប្រឹក្សាសន្តិសុខអង្គការសហប្រជាជាតិ (UNSC) បានបញ្ចប់កាលពីថ្ងៃអាទិត្យម្សិលមិញនេះដែលជាផ្នែកមួយនៃសេចក្តីសម្រេចលេខ២២៣១នៃផែនការសកម្មភាពរួមគ្រប់ជ្រុងជ្រោយ (JCPOA)។ វាជាកិច្ចព្រមព្រៀងមួយចុះហត្ថលេខាក្នុងឆ្នាំ២០១៥ដែលបន្ធូរបន្ថយទណ្ឌកម្មលើអ៊ីរ៉ង់ជាថ្នូរនឹងការទប់ស្កាត់កម្មវិធីនុយក្លេអ៊ែររបស់ខ្លួន។

នៅក្នុងសេចក្តីថ្លែងការណ៍មួយដែលផ្សាយដោយប្រព័ន្ធផ្សព្វផ្សាយរដ្ឋ ក្រសួងការបរទេសអ៊ីរ៉ង់បាននិយាយថា “ថ្ងៃនេះ ការរឹតត្បិតលើរាល់ការផ្ទេរសព្វាវុធ សកម្មភាពពាក់ព័ន្ធនិងសេវាកម្មហិរញ្ញវត្ថុទៅនិងមកសាធារណរដ្ឋឥស្លាមអ៊ីរ៉ង់ត្រូវបានបញ្ចប់ដោយស្វ័យប្រវត្តិ”។

ទីបញ្ចប់នៃការដាក់ទណ្ឌកម្មនេះមានន័យថា អ៊ីរ៉ង់នឹងអាចទិញនិងលក់អាវុធតាមការព្រមព្រៀងដោយស្របច្បាប់រួមមានមីស៊ីល ឧទ្ធម្ភាគចក្រនិងរថក្រោះជាដើម។ 

ក្រសួងការបរទេសអ៊ីរ៉ង់បាននិយាយថា ឥឡូវនេះ ប្រទេសអាចទិញអាវុធនិងឧបករណ៍ចាំបាច់ពីប្រភពណាមួយដោយគ្មានការរឹតត្បិតផ្នែកច្បាប់ទៀតទេនិងផ្អែកតែលើតម្រូវការការពាររបស់ខ្លួន”។

សហរដ្ឋអាមេរិកបានដកខ្លួនចេញពី JCPOA ជាឯកតោភាគីកាលពីខែឧសភាឆ្នាំ២០១៨ហើយដាក់ចេញនូវទណ្ឌកម្មសេដ្ឋកិច្ចដ៏អាក្រក់យ៉ាងច្រើនលើអ៊ីរ៉ង់។ រដ្ឋបាលរបស់ប្រធានាធិបតីអាមេរិកលោក Donald Trump ក៏បានប្រើគ្រប់មធ្យោបាយក្នុងអំណាចរបស់ខ្លួនដើម្បីដោះស្រាយកិច្ចព្រមព្រៀងនុយក្លេអ៊ែរនិងបញ្ឈប់ការដកទណ្ឌកម្មអាវុធលើអ៊ីរ៉ង់៕

ប្រែសម្រួលដោយ៖ Vann Vann

ប្រភព៖ Al Jazeera

Click to comment

Leave a Reply

Your email address will not be published.

five × one =

ចុច Like Facebook កម្ពុជាថ្មី

ព័ត៌មានជាតិ2 hours ago

ប្រមុខ​ការទូត​កម្ពុជា ៖ ទោះបី​មានការ​ចាក់​វ៉ាក់សាំង​ជំងឺ​កូ​វីដ​១៩​ក៏ដោយ គេ​ពុំទាន់​មើលឃើញ​ប្រក្រតីភាព នៃ​ដំណើរការ​សេដ្ឋកិច្ចពិភពលោក​នៅឡើយ​ទេ

ព័ត៌មានជាតិ2 hours ago

ឆ្នាំ​២០២០​រដ្ឋាភិបាល​ បាន​ចំណាយ​ថវិកា​៣៨​លាន​ដុល្លារ​ជួយ​ដល់​មន្ទីរពេទ្យ​គន្ធបុប្ផា​ទាំង​៥

ព័ត៌មានជាតិ2 hours ago

សង្ស័យ​ចុះ​ជួយ​សត្វ​ឆ្កែ​ធ្លាក់​ទឹក បែរជា​លង់ទឹក​ស្លាប់​២​នាក់​ម្តាយកូន​យ៉ាង​អាណោចអាធ័ម​

ព័ត៌មានជាតិ3 hours ago

ឆេះ​ឃ្លាំង​ស្តុក​សម្ភារៈសំណង់ និង​ខ្សែភ្លើង សំណាង​មិន​មាន​គ្រោះថ្នាក់​ដល់​មនុស្ស

ព័ត៌មានជាតិ3 hours ago

លោក សុខ ទូច​ ៖ ដើម្បី​ឲ្យ​រោងចក្រ និង​សង្វាក់​ផលិតកម្ម​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប អាច​ដើរ​បាន យើង​ត្រូវការ​គោ​ទឹកដោះ​ចំនួន​៣០០​ក្បាល

ព័ត៌មានពេញនិយម