ព័ត៌មានអន្ដរជាតិ
តុលាការចិន កាត់ទោសប្រហារជីវិត បុរសដែលបើករថយន្តបុករះមនុស្សស្លាប់៣៥នាក់
បុរសម្នាក់ដែលបើករថយន្តបុករះសម្លាប់មនុស្សចំនួន៣៥នាក់ នៅកន្លែងហាត់កីឡាមួយនាភាគខាងត្បូងប្រទេសចិន ត្រូវបានតុលាការកាត់ទោសប្រហារជីវិត។ នេះបើយោងតាមការចេញផ្សាយរបស់សារព័ត៌មាន CNN នៅថ្ងៃសៅរ៍ទី២៨ខែធ្នូឆ្នាំ២០២៤។

លោក Fan Weiqiu អាយុ ៦២ឆ្នាំបានបើករថយន្តបុករះក្រុមមនុស្ស ដែលកំពុងហាត់ប្រាណក្នុងទីក្រុង Zhuhai កាលពីខែមុន ដោយនោះគឺជាអំពើហិង្សាសម្លាប់មនុស្សច្រើនបំផុតរបស់ប្រទេសចិន ក្នុងរយៈពេលមួយទសវត្សរ៍ចុងក្រោយ។
ទូរទស្សន៍រដ្ឋ CCTV រាយការណ៍ថា លោក Fan ត្រូវបានកាត់ទោសនៅតុលាការប្រជាជនកម្រិតមធ្យម Zhuhai កាលពីថ្ងៃសុក្រ បន្ទាប់ពីសារភាពកំហុស។
គួររម្លឹកថា ហេតុការណ៍នេះកើតឡើងនៅម៉ោង ៨ យប់ ថ្ងៃទី ១១ខែវិច្ឆិកា ដោយលោកFan បានបើកការវាយប្រហារព្រោះតែកំហឹងក្រោយលែងប្រពន្ធ។ បន្ទាប់ពីហេតុការណ៍នោះ ប៉ូលិសរកឃើញលោក Fan នៅក្នុងរថយន្តព្យាយាមចាក់សម្លាប់ខ្លួនឯងនឹងកាំបិត ហើយក៏នាំគាត់ទៅមន្ទីរពេទ្យ។
តុលាការយល់ឃើញថា ឧក្រិដ្ឋកម្មរបស់ចុងចោទ Fan Weiqiu គឺគួរឱ្យស្អប់ខ្ពើមនិងឃោរឃៅ ហើយនោះគឺជាការវាយប្រហារមានអ្នកស្លាប់ច្រើនបំផុត គិតចាប់តាំងពីឆ្នាំ២០១៤មក។

សូមបញ្ជាក់ថា ការកាត់ទោសលោក Fan កើតឡើងតែប៉ុន្មានថ្ងៃប៉ុណ្ណោះ បន្ទាប់ពីតុលាការខេត្ត Hunan កាត់ទោសប្រហារជីវិតលើបុរសម្នាក់ដែលបើកការវាយប្រហារដោយរថយន្តស្រដៀងគ្នានេះ បុករះមនុស្សនៅខាងក្រៅសាលាបឋមសិក្សាមួយកន្លែងក្នុងខេត្តភាគកណ្តាល បណ្តាលឱ្យ៣០នាក់រងរបួសក្នុងនោះមានសិស្ស ១៨ នាក់៕

អត្ថបទ៖ ប៊ុន សុភាព

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៧ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៧ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់