ព័ត៌មានអន្ដរជាតិ

២០២៤ ជាឆ្នាំក្តៅបំផុតក្នុងប្រវត្តិសាស្ត្ររបស់ចិន

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ២ មករា ២០២៥

ដោយ

ទីភ្នាក់ងារអាកាសធាតុរបស់ចិន បានឲ្យដឹងថា ឆ្នាំ២០២៤ គឺជាឆ្នាំដែលក្តៅបំផុតក្នុងកំណត់ត្រារបស់ប្រទេសចិន ខណៈពិភពលោកជួបប្រទះនឹងការកើនឡើងនៃអាកាសធាតុសំខាន់ៗមិនធ្លាប់មាន ដែលបណ្តាលមកពីការប្រែប្រួលអាកាសធាតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសចិនគឺជាប្រទេសនាំមុខគេនៃការបញ្ចេញឧស្ម័នផ្ទះកញ្ចក់ដែលអ្នកវិទ្យាសាស្ត្រនិយាយថាកំពុងជំរុញឱ្យមានការឡើងកំដៅផែនដី ទោះបីជាទីក្រុងប៉េកាំងបានសន្យាថាការបញ្ចេញឧស្ម័នកាបូនឌីអុកស៊ីតនឹងធ្លាក់មកនៅកម្រិតសូន្យនៅឆ្នាំ២០៦០ក៏ដោយ។

ក្រសួងឧតុនិយមចិន បាននិយាយនៅលើគេហទំព័រព័ត៌មានរបស់ខ្លួនកាលពីយប់ថ្ងៃពុធថា សីតុណ្ហភាពជាតិជាមធ្យមសម្រាប់ឆ្នាំ២០២៤ គឺ ១០.៩២ អង្សាសេ ខ្ពស់ជាងមធ្យមភាគ ១.០៣ ដែលជាឆ្នាំក្តៅបំផុតចាប់តាំងពីការចាប់ផ្តើមធ្វើកំណត់ត្រាក្នុងឆ្នាំ ១៩៦១។ ក្រសួងនេះថាឆ្នាំក្តៅបំផុតទាំងបួនដែលមិនធ្លាប់មានគឺជាឆ្នាំចុងក្រោយនេះ ជាមួយនឹងឆ្នាំក្តៅបំផុតទាំងដប់ចាប់តាំងពីឆ្នាំ១៩៦១ កើតឡើងនៅក្នុងសតវត្សទី២១នេះ។

ប្រទេសចិនបានចូលក្នុងខែក្តៅបំផុតក្នុងឆ្នាំនេះរួចហើយក្នុងប្រវត្តិសាស្ត្រសង្កេតកាលពីខែកក្កដា ព្រមទាំងខែសីហាដែលក្តៅបំផុត និងរដូវស្លឹកឈើជ្រុះដែលក្តៅបំផុតក្នុងកំណត់ត្រា។ អង្គការសហប្រជាជាតិបាននិយាយថាឆ្នាំ ២០២៤ ត្រូវបានកំណត់ថាជាឆ្នាំក្តៅបំផុតដែលមិនធ្លាប់មាននៅទូទាំងពិភពលោក។

ការឡើងកំដៅផែនដី ដែលជុំរុញដោយការដុតឥន្ធនៈហ្វូស៊ីល មិនមែនគ្រាន់តែជាការកើនឡើងនៃសីតុណ្ហភាពប៉ុណ្ណោះទេ ប៉ុន្តែឥទ្ធិពលគ្រោះថ្នាក់នៃកំដៅបន្ថែមទាំងនៅក្នុងបរិយាកាស និងសមុទ្រ។ ខ្យល់ក្តៅអាចផ្ទុកចំហាយទឹកបានកាន់តែច្រើន ហើយមហាសមុទ្រដែលកាន់តែក្តៅមានន័យថាហួតកាន់តែខ្លាំង ដែលបណ្តាលឱ្យមានភ្លៀងធ្លាក់ខ្លាំង និងព្យុះ។ ផលប៉ះពាល់មានលក្ខណៈទ្រង់ទ្រាយធំបានធ្វើឲ្យមានការ ស្លាប់ និងចំណាយកាន់តែខ្លាំងឡើង បំផ្លាញទ្រព្យសម្បត្តិ និងបំផ្លាញដំណាំ។

ពាក់ព័ន្ធនឹងបញ្ហាកម្ដៅនេះ នៅក្នុងប្រទេសចិន មនុស្សរាប់សិបនាក់បានស្លាប់ និងរាប់ពាន់នាក់ត្រូវបានជម្លៀសចេញក្នុងអំឡុងពេលទឹកជំនន់នៅជុំវិញប្រទេសកាលពីឆ្នាំមុន។ កាលពីខែឧសភា ផ្លូវហាយវ៉េមួយនៅភាគខាងត្បូងប្រទេសចិនបានបាក់ស្រុតបន្ទាប់ពីមានភ្លៀងធ្លាក់ជាច្រើនថ្ងៃ បានសម្លាប់មនុស្ស ៤៨នាក់។

អ្នកស្រុកនៃទីក្រុង Guangzhou ភាគខាងត្បូងបានជួបប្រទះនឹងការបំបែកកំណត់ត្រារដូវក្តៅដ៏វែងមួយ ដោយប្រព័ន្ធផ្សព្វផ្សាយរដ្ឋរាយការណ៍ថាមាន ២៤០ ថ្ងៃដែលសីតុណ្ហភាពជាមធ្យមគឺលើសពី ២២អង្សសេ បំបែកកំណត់ត្រា ២៣៤ថ្ងៃក្នុងឆ្នាំ ១៩៩៤។ ចំណែកនៅ Sichuan, Chongqing និងតំបន់កណ្តាលទន្លេ Yangtze បានទទួលរងកំដៅខ្លាំង និងគ្រោះរាំងស្ងួតនៅដើមរដូវស្លឹកឈើជ្រុះ។

លើសពីននេះនៅទូទាំងពិភពលោក ឆ្នាំ ២០២៤ក៏មានទឹកជំនន់ដ៏សាហាវនៅក្នុងប្រទេសអេស៉្បាញ និងកេនយ៉ា ព្យុះសាហាវៗជាច្រើននៅសហរដ្ឋអាមេរិក និងហ្វីលីពីន និងគ្រោះរាំងស្ងួតធ្ងន់ធ្ងរ និងភ្លើងឆេះព្រៃនៅទូទាំងអាមេរិកខាងត្បូងផងដែរ៕