ព័ត៌មានអន្ដរជាតិ

មានអំពើបាញ់ប្រហារទៀតហើយ កើតឡើងខាងក្រៅក្លឹបរាត្រីនៅអាមេរិក

បានផុស

២ ខែ មុន

នៅ

ថ្ងៃសុក្រ ៣ មករា ២០២៥

ដោយ

ការចេញផ្សាយរបស់ទីភ្នាក់ងារព័ត៌មាន AP បានឲ្យដឹងថាមនុស្ស១០នាក់បានរងរបួសនៅក្នុងការបាញ់ប្រហារដ៏សាហាវនៅយប់ថ្ងៃពុធនៅខាងក្រៅក្លឹបរាត្រីមួយក្នុងទីក្រុងញូវយ៉កសហរដ្ឋអាមេរិក ខណៈមនុស្សជាច្រើននាក់កំពុងប្រារព្ធពិធីរំលឹកដល់ក្មេងជំទង់ម្នាក់ត្រូវបានសម្លាប់កាលពីឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិស បានឲ្យដឹងថា មានបុរស៣ទៅ៤នាក់បានបាញ់ប្រហែល៣០គ្រាប់ទៅលើហ្វូងមនុស្សដែលកំពុងឈរនៅខាងក្រៅក្លឹប Amazura នៅតំបន់ Queens ក្នុងរដ្ឋ ហើយខ្មាន់កាំភ្លើងបានរត់ឡើងលើឡាននិងបើកឡានចេញ។ នៅពេលនោះមានមនុស្សប្រហែល៩០នាក់បាននៅខាងក្នុងក្លឹប ខណៈដែលក្រុមមនុស្សតូចៗប្រហែល១៥នាក់កំពុងឈរនៅខាងក្រៅ ក្នុងនោះមនុស្សស្រី៦នាក់ និងប្រុស៤នាក់ ដែលមានអាយុចន្លោះពី១៦ដល់២០ឆ្នាំ ត្រូវបានបញ្ជូនទៅមន្ទីរពេទ្យ ដោយសាររងរបួសពីគ្រាប់កាំភ្លើង។

ប្រធានក្លឹប Queens Borough លោក Donovan Richards បាននិយាយថា ក្លឹបនេះកំពុងរៀបចំព្រឹត្តិការណ៍ឯកជនតូចមួយ ដើម្បីរំលឹកក្មេងជំទង់ម្នាក់ដែលត្រូវបានសម្លាប់នៅទីក្រុង Brooklyn កាលពីចុងឆ្នាំមុន ខណៈហេតុការណ៍បាញ់ប្រហារនេះបានប្រែក្លាយពិធីនេះទៅជាការភិតភ័យនិងបង្កគ្រោះថ្នាក់ដល់អ្នកដែលបានចូលរួមទៅវិញ។

បើតាមរូបភាពពីខាងក្រៅក្លឹបបន្ទាប់ពីការបាញ់ប្រហារឃើញមានកំទេចកំទីពាសពេញចិញ្ចើមផ្លូវ ហើយប៉ូលិសប្រមូលភស្តុតាង និងថតរូប។ ចំណែកអ្នកនៅក្បែរនោះបានរៀបរាប់ពីការផ្ទុះអាវុធយ៉ាងលឿនរួមជាមួយនឹងការស្រែកភិតភ័យ។ មូលហេតុនៃការបាញ់ប្រហារនេះមិនទាន់ត្រូវបានដឹងនោះទេ ខណៈប៉ូលិសមិនទាន់ប្រកាសពីការចាប់ខ្លួននរណាម្នាក់នៅឡើយទេមកដល់ពេលនេះ៕