ព័ត៌មានអន្ដរជាតិ

អ្នកគាំទ្រលោក Yoon បន្តប្រមូលផ្តុំដើម្បីការពារពីការចាប់ខ្លួនទៅសួរចម្លើយ

បានផុស

៣ ខែ មុន

នៅ

ថ្ងៃសៅរ៍ ៤ មករា ២០២៥

ដោយ

ប្រជាជនគាំទ្រប្រធានាធិបតីកូរ៉េខាងត្បូង នៅតែបន្តប្រមូលផ្តុំនៅមុខនិវេសនដ្ឋានប្រធានាធិបតី Yoon Suk Yeol នៅទីក្រុងសេអ៊ូល មួយថ្ងៃបន្ទាប់ពីការបរាជ័យក្នុងការប៉ងចាប់ខ្លួនរបស់ការិយស៊ើបអង្កេតពុករលួយសម្រាប់មន្ត្រីជាន់ខ្ពស់ (CIO) កាលពីថ្ងៃសុក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរូបភាពផ្សាយផ្ទាល់ពីកាមេរ៉ាដែលដាក់ប្រចាំការនៅបរិវេណជុំវិញនិវេសនដ្ឋានប្រធានាធិបតី ប្រជាជនបានចូលរួមធ្វើបាតុកម្មប្រឆាំងការនាំខ្លួនប្រធានាធិបតី Yoon Suk Yeol ចាប់តាំងពីថ្ងៃអង្គារ ជាពេលដែលតុលាការបានចេញដីកាចាប់ខ្លួន ដោយសារតែការខកខានចូលទៅឆ្លើយបំភ្លឺចំនួនពីរលើកតាមដីកាកោះរួចមក។

កាលពីថ្ងៃសុក្រ កងកម្លាំងយោធានៃការិយាល័យអង្គរក្សប្រធានាធិបតី និងកម្លាំងប្រជាជនបានរារាំងការចូលទៅចាប់ខ្លួនរបស់កងកម្លាំងអាជ្ញាធរ ដឹកនាំដោយការិយាល័យស៊ើបអង្កេតពុករលួយ។

កាលពីថ្ងៃសុក្រនោះដែរ គណបក្សប្រជាធិបតេយ្យដែលកំពុងគ្រប់គ្រងរដ្ឋសភាអំពាវនាវដ៏មានអំណាចនៅពេលនេះ បានបើកផ្លូវឲ្យចាប់ខ្លួ្ននរណាក៏ដោយក្នុងកងអង្គរក្សរបស់ប្រធានាធិបតី ដែលរារាំងដល់ការចាប់ខ្លួន លោក Yoon Suk Yeol។

គណបក្សប្រជាធិបតេយ្យកូរ៉េកំពុងអំពាវនាវឱ្យចាប់ខ្លួនឆ្មាំប្រធានាធិបតី Yoon ដោយចោទប្រកាន់ការិយាល័យសន្តិសុខប្រធានាធិបតីថា បានរារាំងការប៉ុនប៉ងរបស់ការិយាល័យស៊ើបអង្កេតអំពើពុករលួយសម្រាប់មន្ត្រីជាន់ខ្ពស់ដើម្បីឃុំខ្លួនប្រធានាធិបតីដែលមានជម្លោះនៅថ្ងៃទី៣ខែមករា។

ទោះជាបែបណាក្តី កងកម្លាំងដឹកនាំដោយការិយាល័យស៊ើបអង្កេតអំពើពុករលួយ បានដកថយទៅវិញ បន្ទាប់ពីការចំណាយពេលជាច្រើនម៉ោងដោយបរាជ័យក្នុងការប៉ុនប៉ងនាំខ្លួនលោក Yoon Suk Yeol៕

ដោយ រ៉ាន់ រើយ