ព័ត៌មានអន្ដរជាតិ

យូនីសេហ្វ៖ មនុស្សជាង ២ ០០០នាក់បានលង់ទឹកឬបាត់ខ្លួននៅសមុទ្រមេឌីទែរ៉ាណេ ក្នុងឆ្នាំ២០២៤

បានផុស

១ ខែ មុន

នៅ

ថ្ងៃអាទិត្យ ៥ មករា ២០២៥

ដោយ

Chheang

យោងតាមទិន្នន័យថ្មីៗពីអង្គការសហប្រជាជាតិ ជនភៀសខ្លួនជាង ២ ០០០នាក់បានស្លាប់នៅឆ្នាំ២០២៤ ខណៈពេលកំពុងព្យាយាមឆ្លងចូលទៅតំបន់អឺរ៉ុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គការយូនីសេហ្វ (UNICEF) បានរាយការណ៍ថា យ៉ាងហោចណាស់ជនភៀសខ្លួន និងជនចំណាកស្រុកចំនួន ២ ២០០នាក់ត្រូវបានរាយការណ៍ថាបានស្លាប់ ឬបាត់ខ្លួននៅក្នុងសមុទ្រមេឌីទែរ៉ាណេកាលពីឆ្នាំមុន។

លោកស្រី Regina De Dominicis ប្រធានការិយាល័យប្រចាំតំបន់របស់ UNICEF សម្រាប់អឺរ៉ុប និងអាស៊ីកណ្តាល បានគូសបញ្ជាក់ថា ជនរងគ្រោះភាគច្រើនគឺជាយុវជន។ បន្ថែមពីនេះ លោកស្រីបានជំរុញឲ្យរដ្ឋាភិបាលផ្តល់អាទិភាពដល់ការការពារកុមារដែលស្វែងរកសុវត្ថិភាពនៅអឺរ៉ុប។

សូមបញ្ជាក់ថា អង្គការសហប្រជាជាតិទទួលបន្ទុកជនភៀសខ្លួន បានឲ្យដឹងថា ជនភៀសខ្លួនដែលធ្វើដំណើរទៅដល់អឺរ៉ុប មានចំនួនសរុប ១៩៣ ៤៤៨នាក់ គិតត្រឹមថ្ងៃទី២៩ខែធ្នូឆ្នាំ២០២៤។ ប្រទេសអ៊ីតាលី បានក្លាយជាចំណុចចុះចតចម្បងសម្រាប់ជនភៀសខ្លួន និងជនចំណាកស្រុក បន្ទាប់មកគឺប្រទេសក្រិច និងអេស្បាញ៕

ដោយ៖ ឈាង