ព័ត៌មានអន្ដរជាតិ
ហាម៉ាស ត្រៀមដោះលែងចំណាប់ខ្មាំង ៣៤នាក់ ក្នុងដំណាក់កាលដំបូងនៃបទឈប់បាញ់ថ្មី
មន្ត្រីជាន់ខ្ពស់ក្រុមហាម៉ាស បានប្រាប់ទីភ្នាក់ងារព័ត៌មាន AFP កាលពីថ្ងៃអាទិត្យទី៥ខែមករាឆ្នាំ២០២៥ថា ក្រុមសកម្មប្រយុទ្ធប៉ាឡេស្ទីនបានត្រៀមខ្លួនរួចជាស្រេច ក្នុងការដោះលែងចំណាប់ខ្មាំងអ៊ីស្រាអែលចំនួន ៣៤នាក់នៅក្នុង «ដំណាក់កាលដំបូង» ដែលជាផ្នែកមួយនៃកិច្ចចរចាបទឈប់បាញ់ថ្មី។

ប្រភពពីហាម៉ាស បាននិយាយថា៖ «ក្រុមហាម៉ាសបានយល់ព្រមដោះលែងអ្នកទោសអ៊ីស្រាអែល ៣៤នាក់ពីបញ្ជីដែលស្នើដោយអ៊ីស្រាអែល ហើយជាផ្នែកមួយនៃដំណាក់កាលដំបូងនៃកិច្ចព្រមព្រៀងផ្លាស់ប្តូរអ្នកទោស»។
ការិយាល័យនាយករដ្ឋមន្ត្រីអ៊ីស្រាអែល Benjamin Netanyahu បានប្រាប់ថា ក្រុមហាម៉ាសមិនទាន់ផ្តល់បញ្ជីឈ្មោះចំណាប់ខ្មាំងដែលត្រូវដោះលែងក្រោមកិច្ចព្រមព្រៀងនេះទេ។
ប្រភពពីមន្ត្រីហាម៉ាសដដែល បានឲ្យដឹងទៀតថា ចំណាប់ខ្មាំងទាំង ៣៤នាក់ ដែលត្រូវដោះលែងដំបូងគេ រួមមាន ស្ត្រី កុមារ មនុស្សចាស់ និងអ្នកដែលមានជំងឺ។ យ៉ាងណាមិញ នៅក្នុងបញ្ជីឈ្មោះចំណាប់ខ្មាំងទាំងនោះ គេនៅមិនទាន់ដឹងថាមានអ្នកនៅរស់ប៉ុន្មាននាក់ ឬអ្នកស្លាប់ប៉ុន្មាននាក់នោះឡើយ។
អំឡុងការវាយប្រហារថ្ងៃទី៧ខែតុលាឆ្នាំ២០២៣របស់ក្រុមហាម៉ាសទៅលើភាគខាងត្បូងប្រទេសអ៊ីស្រាអែល មនុស្សប្រមាណ ២៥១នាក់ត្រូវបានចាប់ឃុំខ្លួននៅតំបន់ហ្គាហ្សាដើម្បីធ្វើជាចំណាប់ខ្មាំង។ បច្ចុប្បន្ន នៅសល់ចំណាប់ខ្មាំងប្រហែល ៩៦នាក់ទៀតដែលកំពុងស្ថិតនៅក្នុងកណ្ដាប់ដៃក្រុមហាម៉ាស។ យ៉ាងណាមិញ យោធាអ៊ីស្រាអែល បានប្រាប់ថា ក្នុងចំណោមចំណាប់ខ្មាំងដែលកំពុងត្រូវបានឃុំខ្លួន មាន ៣៤នាក់ ប្រហែលជាបាត់បង់ជីវិតរួចទៅហើយ៕
ដោយ៖ ឈាង

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី