ក្តៅៗ បារាំង រកឃើញវីរុសកូវីដ១៩បំប្លែងខ្លួនថ្មីមួយប្រភេទ ដែលការធ្វើតេស្តតាមស្តង់ដាបច្ចុប្បន្នមិនអាចរកឃើញ

វីរុសកូវីដ១៩បំប្លែងខ្លួនថ្មីមួយប្រភេទទៀត កំពុងរីករាលដាលនៅក្នុងតំបន់ Brittany នៃប្រទេសបារាំង ជាកន្លែងដែលអ្នកជំងឺជាច្រើនបានបញ្ចេញរោគសញ្ញា ប៉ុន្តែការធ្វើតេស្តចេញមកគឺលទ្ធផលអវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលបារាំងបាននិយាយនៅក្នុងសេចក្តីថ្លែងការណ៍មួយកាលពីយប់ថ្ងៃចន្ទថា ការវិភាគដំបូងមិនបានបង្ហាញថា វីរុសបំប្លែងខ្លួនថ្មីនេះឆ្លងខ្លាំងឬបង្កឲ្យមានជំងឺធ្ងន់ធ្ងរជាងប្រភេទវីរុសបំប្លែងខ្លួនដទៃទៀតនោះទេ។

ទោះបីជាយ៉ាងណាក៏ដោយ ក្រសួងបាននិយាយថា ការពិសោធន៍កំពុងដំណើរការដើម្បីកំណត់ការឆ្លើយតបរបស់វ៉ាក់សាំង និងអង់ទីគ័រ ចំពោះវីរុសបំប្លែងខ្លួនប្រភេទថ្មីនេះ។

ពីដំបូង អ្នកជំងឺមួយចំនួនដែលឆ្លងវីរុសថ្មីនេះបានធ្វើតេស្តអវិជ្ជមានបន្ទាប់ពីការធ្វើតេស្តតាមស្តង់ដាដែលគេហៅថា PCR។ អាជ្ញាធរសុខាភិបាលបានបង្កើនការឃ្លាំមើលចំពេលមានការព្រួយបារម្ភជាសកលអំពីវីរុសបំប្លែងខ្លួនផ្សេងទៀតដែលអាចយកឈ្នះវ៉ាក់សាំង រីករាលដាលយ៉ាងឆាប់រហ័សឬមានរោគសញ្ញាកាន់តែអាក្រក់។

យោងតាមសេចក្តីថ្លែងការណ៍បានឲ្យដឹងថា វីរុសបំប្លែងខ្លួនប្រភេទថ្មីនេះត្រូវបានរកឃើញក្នុងខ្លួនអ្នកជំងឺ៨នាក់នៅមន្ទីរពេទ្យក្នុងទីក្រុង Lannion ភាគពាយព្យតំបន់ Brittany៕

ប្រែសម្រួលដោយ៖ Vann Vann

ប្រភព៖ Bloomberg

ចុចអាន៖ អង់គ្លេស រកឃើញវីរុសកូវីដបំប្លែងខ្លួនថ្មីមួយប្រភេទទៀត មានដើមកំណើតនៅហ្វីលីពីន

ចុចអាន៖ សូមប្រុងប្រយ័ត្ន! វៀតណាម ប្រកាសរកឃើញវីរុសបំប្លែងខ្លួន ៥ប្រភេទផ្សេងគ្នានៅក្នុងប្រទេស