ព័ត៌មានអន្ដរជាតិ

លោក ត្រាំ៖ សមាជិកណាតូ គួរបង្កើនប្រាក់ការពារជាតិឲ្យដល់ ៥% នៃ GDP

បានផុស

២ ខែ មុន

នៅ

ថ្ងៃពុធ ៨ មករា ២០២៥

ដោយ

Chheang

លោក ដូណាល់ ត្រាំ បានជំរុញសមាជិកណាតូឲ្យបង្កើនការចំណាយលើវិស័យការពារជាតិដល់ ៥ភាគរយនៃផលិតផលក្នុងស្រុកសរុប ដោយគូសបញ្ជាក់ការអះអាងជាយូរមករបស់លោកថា ពួកគេកំពុងចំណាយតិចសម្រាប់ការការពាររបស់សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីអាមេរិកដែលជិតឡើងកាន់តំណែងជាផ្លូវការ បានប្រាប់អ្នកយកព័ត៌មានកាលពីថ្ងៃទី៧ខែមករាឆ្នាំ២០២៥ថា សមាជិកណាតូទាំងអស់ អាចមានលទ្ធភាពក្នុងការបង្កើនថវិកាការការពារជាតិរបស់ពួកគេឲ្យដល់ ៥ភាគរយ មិនមែន ២ភាគរយ ដូចពេលបច្ចុប្បន្ននោះទេ។

ប្រទេសចំនួន៣២ ដែលជាសមាជិកណាតូ ក្នុងឆ្នាំ២០២៣ បានកំណត់កម្រិតអប្បបរមាសម្រាប់ការចំណាយលើវិស័យការពារជាតិចំនួន ២% នៃផលិតផលក្នុងស្រុកសរុប។

លោក ត្រាំ បានរិះគន់ជាយូរណាស់មកហើយទៅលើអង្គការណាតូ ហើយកាលពីខែធ្នូឆ្នាំ២០២៤ លោកបានគំរាមជាថ្មីម្ដងទៀតថា អាមេរិកនឹងចាកចេញពីសម្ព័ន្ធភាពអង្គការមួយនេះ បើសមាជិកនីមួយៗមិនបង្កើនការចំណាយការការពារជាតិរបស់ខ្លួន។

លោក ត្រាំ មិនមែនជាបុគ្គលតែម្នាក់គត់ ដែលអំពាវនាវបែបនេះទេ។ តួយ៉ាងដូចជា ប្រធានអង្គការណាតូលោក Mark Rutte ក៏បាននិយាយដូចគ្នាកាលពីខែមុនថា៖ «យើងនឹងត្រូវការច្រើនជាង២ភាគរយ»។

លោក Rutte ក៏បានព្រមានថា បណ្តាប្រទេសនៅអឺរ៉ុបមិនបានត្រៀមខ្លួន សម្រាប់ការគំរាមកំហែងនៃសង្គ្រាមនាពេលអនាគតជាមួយរុស្ស៊ីឡើយ ដោយលោកអំពាវនាវឲ្យពួកគេត្រូវបង្កើនការចំណាយលើវិស័យការពារជាតិ៕

ដោយ៖ ឈាង