Connect with us

ព័ត៌មានអន្ដរជាតិ

Los Angeles កើតភ្លើងឆេះព្រៃច្រើនឡើងៗ បន្ថែមទៀត ឈានដល់កម្រិតគ្រោះថ្នាក់ធ្ងន់ធ្ងរបំផុត ពិបាកគ្រប់គ្រង

បានផុស

នៅ

ស្ថានភាពភ្លើងឆេះព្រៃនៅ Los Angeles មិនទាន់ធូរស្រាលឡើយ ប៉ុន្តែបែរជាកាន់តែកញ្ជ្រោលខ្លាំងឡើងៗឈានដល់កម្រិតគ្រោះថ្នាក់ធ្ងន់ធ្ងរបំផុតទៅវិញ ហើយមានភ្លើងឆេះព្រៃជាច្រើនបានឆាបឆេះជាបន្តបន្ទាប់ បើទោះបីជាកងកម្លាំងបើកប្រតិបត្តិការពន្លត់និងទប់ស្កាត់ក៏ដោយ។

(រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លើងឆេះព្រៃថ្មីបានឆាបឆេះឡើងនៅជ្រលង Eaton, San Fernando និងទីក្រុង Altadena នៃតំបន់ Los Angeles​ ខណៈបច្ចុប្បន្ន ស្ថានភាពភ្លើងឆេះទាំងមូលគឺបានរីកធំជាងមុនដល់ទៅទ្វេដងឯណោះ។

គិតត្រឹមពេលនេះ ភ្លើងបានឆាបឆេះលើផ្ទៃដី ១ ១៨២ហិកតាហើយ ហើយកត្តាចម្បងដែលអគ្គិភ័យឆេះរាលដាលក្នុងល្បឿនដ៏លឿនបែបនេះគឺដោយសារតែព្រៃស្ងួតនិងខ្យល់បក់ខ្លាំង។

(រូបថត៖ Getty)

ប្រមុខផ្នែកអគ្គិភ័យ Los Angeles លោក Kristin Crowley ប្រាប់ទៅអ្នកសារព័ត៌មាននៅថ្ងៃពុធទី៨ខែមករាឆ្នាំ២០២៥ថា មនុស្សជាង ៣០ ០០០នាក់ត្រូវបានជម្លៀស ហើយអគារប្រមាណ ​១៣ ០០០អគារ បូករួមទាំងសំណង់ល្បីៗមួយចំនួនផងដែរ ត្រូវរងការគំរាមកំហែងដោយសារអគ្គិភ័យ។

តាមការឲ្យដឹងពីពលរដ្ឋក្នុងតំបន់, «អគ្គិភ័យនេះពិតជាកាចសាហាវណាស់ វាប្រៀបបាននឹងឋាននរក។ នៅជុំវិញយើងគឺសុទ្ធតែភ្លើង យើងភ័យខ្លាចមែនទែន»។

(រូបថត៖ Getty)

សូមបញ្ជាក់ជាថ្មី អគ្គិភ័យនេះផ្តើមឡើងក្នុងតំបន់ Pacific Palisades កាលពីថ្ងៃអង្គារទី៧ខែមករាឆ្នាំ២០២៥ ហើយក៏រាលដាលក្នុងល្បឿនយ៉ាងលឿន ឈានដល់ទីក្រុង Los Angeles ប្រកាសអាសន្ន ហើយក្រោយមក កងពន្លត់អគ្គិភ័យរាប់រយនាក់ ដោយមានជំនួយពីយន្តហោះ ត្រូវបានបញ្ជូនទៅដើម្បីបើកប្រតិបត្តិការពន្លត់ភ្លើង។

មកទល់ពេលនេះ មិនទាន់មានសេចក្តីរាយការណ៍អំពីជនរងគ្រោះទេ ប៉ុន្តែអាជ្ញាធរព្រមានថា ស្ថានភាពនឹងកាន់តែអាក្រក់ក្នុងរយៈ២៤ម៉ោងក្រោយ ខណៈមូលហេតុបង្កជាភ្លើងឆេះព្រៃ ក៏គេនៅមិនទាន់ដឹងនៅឡើយដែរ ស្របពេលអាជ្ញាធរកំពុងស៊ើបអង្កេត៕

អត្ថបទ៖ សុខ សុវណ្ណ

ចុចអាន៖ ទីក្រុង Los Angeles ប្រកាសអាសន្ន ខណៈភ្លើងឆេះព្រៃយ៉ាងសាហាវ កំពុងរាលដាលខ្លាំង

Helistar Cambodia - Helicopter Charter Services
Sokimex Investment Group
ព័ត៌មានជាតិ១២ នាទីutes មុន

រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់

ព័ត៌មានជាតិ១៣ នាទីutes មុន

ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ

ព័ត៌មានអន្ដរជាតិ១៨ នាទីutes មុន

តើ​ការ​បំពាក់​ប្រព័ន្ធ​ប្រកាស​អាសន្ន​គ្រោះ​រញ្ជួយដី​ មាន​តម្លៃ​ប៉ុន្មាន​សម្រាប់​ប្រទេស​នីមួយៗ?

ព័ត៌មានអន្ដរជាតិ២៤ នាទីutes មុន

ការរញ្ជួយដីបណ្តាលឱ្យខូចខាតដល់សេដ្ឋកិច្ចថៃ​ធ្ងន់ធ្ងរ ជាពិសេស​វិស័យ​អចលនទ្រព្យ​​

ព័ត៌មានអន្ដរជាតិ២៩ នាទីutes មុន

ការលក់ EV របស់ Tesla បន្តធ្លាក់ចុះធ្ងន់ធ្ងរ នៅបណ្ដាប្រទេសអឺរ៉ុប

សន្តិសុខសង្គម១៨ ម៉ោង មុន

នគរបាល​ឡោមព័ទ្ធ​ខុន​ដូ​មួយ​កន្លែងទាំងយប់ ឃាត់​ជន​បរទេស​ប្រុសស្រីជាង ១០០នាក់

រថភ្លើង
ចរាចរណ៍១០ ម៉ោង មុន

រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល

ព័ត៌មានអន្ដរជាតិ៧ ម៉ោង មុន

ផ្ទុះ​បំពង់បង្ហូរ​ឧស្ម័ន​នៅ​ម៉ាឡេស៊ី បណ្ដាល​ឲ្យ​របួស​មនុស្ស​២៥​នាក់

ព័ត៌មានអន្ដរជាតិ១ ម៉ោង មុន

​និស្សិត​ពេទ្យ​​​ដ៏ស្រស់ស្អាត​ជិត​ទទួល​សញ្ញាបត្រ​ ស្លាប់​​ជាមួ​យសមាជិកគ្រួសារ​​ក្នុងអគារ​​​រលំ​​ដោយ​រញ្ជួយដី​

ព័ត៌មានជាតិ៤២ នាទីutes មុន

ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ

Sokha Hotels

ព័ត៌មានពេញនិយម