ព័ត៌មានអន្ដរជាតិ
បេសកជនរបស់លោក ត្រាំ ផ្អាកដំណើរទស្សនកិច្ចទៅអ៊ុយក្រែន
គម្រោងដំណើរទស្សនកិច្ចនាពេលខាងមុខទៅកាន់ទីក្រុងកៀវរបស់បេសកជនពិសេសរបស់ប្រធានាធិបតីទើបជាប់ឆ្នោតអាមេរិកលោក ដូណាល់ ត្រាំ ត្រូវបានលុបចោល ប៉ុន្តែនឹងត្រូវកំណត់ពេលឡើងវិញជាថ្មី។ នេះបើតាមការលើកឡើងរបស់រដ្ឋមន្ត្រីការបរទេសអ៊ុយក្រែន លោក Andrii Sybiha កាលពីថ្ងៃអង្គារទី៧ខែមករាឆ្នាំ២០២៥។

លោក Sybiha បានប្រាប់ថា កិច្ចប្រជុំដែលបានគ្រោងទុករវាងឧត្តមសេនីយផ្កាយបីចូលនិវត្តន៍ និងធ្លាប់ជាទីប្រឹក្សាកំពូលរបស់លោក ត្រាំ លើបញ្ហាការពារជាតិ លោក Keith Kellogg និងមន្ត្រីអ៊ុយក្រែន គឺ «មានសារៈសំខាន់ខ្លាំងណាស់»។
លោកបានបន្តថា៖ «ខ្ញុំមានទំនុកចិត្តថា កិច្ចប្រជុំនេះនឹងប្រព្រឹត្តទៅនៅក្នុងពេលវេលាគ្រោងទុកណាមួយ។ យើងកំពុងទាក់ទង ដើម្បីកំណត់ពេលវេលាច្បាស់លាស់សម្រាប់អង្គភាពរបស់ខ្លួន និងដើម្បីធានាថា កិច្ចប្រជុំមានអត្ថន័យតាមដែលអាចធ្វើទៅបាន»។
លោក ត្រាំ នឹងត្រូវឡើងកាន់តំណែងជាផ្លូវការនាថ្ងៃទី២០ខែមករាខាងមុខ ហើយក៏ជាការបង្ហាញពីភាពមិនច្បាស់លាស់របស់អាមេរិកចំពោះវិធានការនៅអាណត្តិថ្មីទៅលើអ៊ុយក្រែន និងថាតើលោក ត្រាំ អាចដោះស្រាយភ្លើងសង្គ្រាមរយៈពេលជិត៣ឆ្នាំរវាងក្រុងកៀវ និងក្រុងមូស្គូដោយរបៀបណា។
អ៊ុយក្រែនពឹងផ្អែកខ្លាំងលើលោកខាងលិច ជាពិសេសគឺសហរដ្ឋអាមេរិក លើការគាំទ្រផ្នែកយោធា ដើម្បីបន្តការប្រយុទ្ធជាមួយរុស្ស៊ី។ ប៉ុន្តែលោក ត្រាំ បានរិះគន់រដ្ឋបាលលោក ចូ បៃដិន ដែលបានចំណាយប្រាក់រាប់ពាន់លានដុល្លារលើអ៊ុយក្រែន។ យ៉ាងណា លោកក៏បាននិយាយផងដែរថា លោកអាចបញ្ចប់សង្រ្គាមក្នុងរយៈពេល ២៤ម៉ោងក្រោយទទួលបានអំណាច បើទោះបីជាលោកមិនបានលម្អិតអំពីវិធីសាស្ត្ររបស់លោកក៏ដោយ៕
ដោយ៖ ឈាង

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៨ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី