ព័ត៌មានអន្ដរជាតិ
អាមេរិក៖ កូរ៉េខាងជើង កំពុងទាញបទពិសោធន៍សង្គ្រាមនៅអ៊ុយក្រែន ដើម្បីប្រឆាំងប្រទេសជិតខាង
សហរដ្ឋអាមេរិក បានព្រមានកាលពីថ្ងៃទី៨ខែមករាឆ្នាំ២០២៥ថា កងទ័ពកូរ៉េខាងជើងកំពុងទទួលបទពិសោធន៍ ខណៈកំពុងជួយរុស្ស៊ីធ្វើសង្គ្រាមលុកលុយអ៊ុយក្រែន ហើយនេះគឺជាផលប្រយោជន៍មួយសម្រាប់រដ្ឋាភិបាលក្រុងព្យុងយ៉ាង ដែលអាចបង្កើនសមត្ថភាពត្រៀមធ្វើសង្គ្រាមប្រឆាំងនឹងប្រទេសក្បែរខាង។
ឯកអគ្គរដ្ឋទូតរងសហរដ្ឋអាមេរិកប្រចាំអង្គការសហប្រជាជាតិ លោកស្រី Dorothy Camille Shea បានប្រាប់ក្រុមប្រឹក្សាសន្តិសុខអង្គការសហប្រជាជាតិថា៖ «កូរ៉េខាងជើងកំពុងទទួលបានអត្ថប្រយោជន៍យ៉ាងសំខាន់ពីការទទួលបានឧបករណ៍យោធា បច្ចេកវិទ្យា និងបទពិសោធន៍របស់រុស្ស៊ី ដែលធ្វើឲ្យខ្លួនកាន់តែមានសមត្ថភាពធ្វើសង្គ្រាមប្រឆាំងនឹងប្រទេសជិតខាង»។
លោកស្រី Shea បានសំដៅទៅលើការបាញ់សាកល្បងមីស៊ីលល្បឿនលឿនជាងសំឡេងរបស់កូរ៉េខាងជើងកាលពីថ្ងៃទី៦ខែមករា។
លោកស្រីបានបន្ថែមថា៖ «កូរ៉េខាងជើងទំនងជាចង់ប្រើប្រាស់ការកែលម្អទាំងនេះ ដើម្បីលើកកម្ពស់ការលក់អាវុធ និងកិច្ចសន្យាបណ្តុះបណ្តាលយោធាជាសកល»។
ឯកអគ្គរដ្ឋទូតអង្គការសហប្រជាជាតិរបស់កូរ៉េខាងជើង លោក Kim Song បានចាត់ទុកការសាកល្បងមីស៊ីលកាលពីថ្ងៃទី៦ខែមករា ជាផ្នែកមួយនៃផែនការ ដើម្បីបង្កើនសមត្ថភាពការពាររបស់ប្រទេស។ លោកបានចោទសហរដ្ឋអាមេរិកអំពីគោលនយោបាយលម្អៀង ដោយរៀបរាប់ថា៖ «នៅពេលដែលចំនួនជនស៊ីវិលស្លាប់លើសពី ៤៥ ០០០នាក់នៅតំបន់ហ្គាហ្សា សហរដ្ឋអាមេរិកបានយកលេសថាអំពើឃោរឃៅសម្លាប់រង្គាលរបស់អ៊ីស្រាអែលគឺជាសិទ្ធិក្នុងការការពារខ្លួន។ ទន្ទឹមនោះ អាមេរិកបែរជាជំទាស់ជាមួយនឹងការអនុវត្តស្របច្បាប់នៃសិទ្ធិការពារខ្លួនរបស់កូរ៉េខាងជើងទៅវិញ»។
ចំណែកឯឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិ លោក Vassily Nebenzia បានលើកឡើងថា សហរដ្ឋអាមេរិក និងកូរ៉េខាងត្បូង ជាអ្នកបង្ករឿងធ្វើឲ្យកូរ៉េខាងជើងត្រូវមានសមយុទ្ធយោធា។ លោកក៏បានច្រានចោលផងដែរ ចំពោះការចោទប្រកាន់របស់អាមេរិកដែលថា រុស្ស៊ីមានបំណងចែករំលែកបច្ចេកវិទ្យាផ្កាយរណប និងអវកាសឲ្យកូរ៉េខាងជើង។
ដោយឡែក ឯកអគ្គរដ្ឋទូតអង្គការសហប្រជាជាតិរបស់កូរ៉េខាងត្បូង លោក Joonkook Hwang បានប្រាប់ក្រុមប្រឹក្សាថា ទាហានកូរ៉េខាងជើង «ជាទាសករដ៏សំខាន់របស់លោក គីម ជុងអ៊ុន ដែលត្រូវបានលាងខួរក្បាល ដើម្បីបូជាជីវិតរបស់ពួកគេនៅលើសមរភូមិ សម្រាប់រៃអង្គាសប្រាក់ឲ្យរបបរបស់គាត់ និងធានាបាននូវបច្ចេកវិទ្យាយោធាទំនើបពីប្រទេសរុស្ស៊ី»។
សូមបញ្ជាក់ថា កូរ៉េខាងជើងបានស្ថិតនៅក្រោមការដាក់ទណ្ឌកម្មរបស់អង្គការសហប្រជាជាតិចាប់តាំងពីឆ្នាំ២០០៦ ហើយវិធានការនេះត្រូវបានពង្រឹងជាលំដាប់ក្នុងរយៈពេលជាច្រើនឆ្នាំក្នុងគោលបំណងបញ្ឈប់ការអភិវឌ្ឍអាវុធនុយក្លេអ៊ែរ និងមីស៊ីលប៉ាលិស្ទិករបស់ទីក្រុងព្យុងយ៉ាង៕
ដោយ៖ ឈាង
បុរសម្នាក់ជនជាតិទំពួន រស់នៅខេត្តរតនគិរី ត្រូវបានខ្សែភ្លើងឆក់បណ្តាលឱ្យរងរបួសធ្ងន់ធ្ងរ
អាស៊ាន៖ សន្តិភាពទើបជាអាទិភាពនៅមីយ៉ាន់ម៉ា មិនមែនការបោះឆ្នោតទេ
កម្មករបង្ហើប ក្រោយចប់ការដ្ឋានស្ពាននៅខេត្តក្រចេះ នឹងបន្តសាងសង់ស្ពានឆ្លងទន្លេពីខេត្តកំពង់ឆ្នាំងទៅកំពង់ធំ
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
នគរបាលខេត្តសៀមរាប ឃាត់ម៉ូតូកែច្នៃស៊ីម៉ាំង និងកែច្នៃខុសច្ចេកទេសបានចំនួន ១២គ្រឿង
តំបន់ភ្លើងឆេះព្រៃនៅរដ្ឋកាលីហ្វ័រញ៉ា នឹងជួបខ្យល់ព្យុះខ្លាំងក្លាចំថ្ងៃត្រាំចូលស្បងកាន់តំណែង
«ឆ្នេរតេជោសន្តិភាពកែប» នឹងបើកការដ្ឋានសាងសង់នៅសប្តាហ៍ក្រោយនេះ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
វិញ្ញាសារសំណេរអង្គរលើកទី២ រំលេចពីភាពអស្ចារ្យនៃប្រាសាទអង្គរ
មិនដល់មួយខែផង ភ្នំភ្លើង Ibu នៅឥណ្ឌូណេស៊ី ផ្ទុះជាង ១ ០០០ដងហើយ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
កីឡា៤ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៤ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៤ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ