ព័ត៌មានអន្ដរជាតិ
មូលហេតុ នៃភ្លើងឆេះព្រៃ ដ៏មហន្តរាយនៅ LA
អាជ្ញាធរទីក្រុង Los Angeles បានបញ្ជាក់ច្បាស់ៗថា មូលហេតុដែលបង្កឲ្យមានភ្លើងឆេះព្រៃដ៏សាហាវ រាលដាលយ៉ាងលឿនបែបនេះ គឺដោយសារតែកត្តាបម្រែបម្រួលអាកាសធាតុ ព្រៃឈើមានលក្ខណៈស្ងួតនិងគ្រោះរាំងស្ងួតអូសបន្លាយពេល។

ភ្លើងឆេះព្រៃដំបូងគឺផ្តើមចេញពីតំបន់ Palisades កាលពីថ្ងៃអង្គារទី៧ខែមករាឆ្នាំ២០២៥ ប៉ុន្តែឥឡូវតំបន់ចំនួន៦ទៀតក៏កើតមានអគ្គិភ័យយ៉ាងកាចសាហាវផ្ទួនៗគ្នាដែរដូចជា Lidia, Olivas, Hurstm, Eaton, Woodley និង Sunset។
គិតត្រឹមរសៀលថ្ងៃព្រហស្បតិ៍ទី៩ខែមករាឆ្នាំ២០២៥ ផ្ទៃដី ១០ ៩២៦ហិកតានៅក្នុងទីក្រុង LA ត្រូវបានអគ្គិភ័យលេបត្របាក់ ខណៈមនុស្សចំនួន៥នាក់ បានបាត់បង់ជីវិត និងជាង ១៣៧ ០០០នាក់ត្រូវជម្លៀសចេញ ចោលផ្ទះសម្បែង។

ស្របពេលជាមួយគ្នានោះ អភិបាលរដ្ឋកាលីហ្វ័រញ៉ា អះអាងថា រហូតដល់ពេលនេះ អ្នកពន្លត់អគ្គិភ័យជាង ៧ ៥០០នាក់កំពុងដាក់ពង្រាយដើម្បីពន្លត់ភ្លើងឆេះព្រៃ ហើយគំរាមដល់ផ្ទះ១០ម៉ឺនខ្នងទៀត។
កងពន្លត់អគ្គិភ័យក៏មានជំនួយពីម៉ាស៊ីនពន្លត់ភ្លើងចំនួន ១ ១៦២ គ្រឿង ឡានទឹក ២៣គ្រឿង នាវាដឹកយន្តហោះ៦គ្រឿង ឧទ្ធម្ភាគចក្រ៣១គ្រឿង និងគ្រឿងឈូសឆាយ៥៣គ្រឿងផងដែរ។

ជុំវិញបញ្ហាភ្លើងឆេះដ៏សាហាវនេះ សេតវិមាន បានប្រកាសលុបចោលដំណើរទស្សនកិច្ចរបស់លោក ចូ បៃដិន ទៅកាន់ប្រទេសអ៊ីតាលី ដោយអ្នកនាំពាក្យសេតវិមាន លោកស្រី Karine Jean-Pierre ចេញសេចក្តីថ្លែងការណ៍ថា «បន្ទាប់ពីត្រឡប់មកវិញនៅល្ងាចនេះពីទីក្រុង Los Angeles ជាកន្លែងដែលកាលពីព្រឹកមិញគាត់បានជួបជាមួយប៉ូលិស ភ្នាក់ងារពន្លត់អគ្គិភ័យ និងបុគ្គលិកសង្គ្រោះបន្ទាន់ ដែលកំពុងប្រយុទ្ធនឹងភ្លើងឆេះជាប្រវត្តិសាស្ត្រនៅក្នុងតំបន់ ហើយបានអនុម័តសេចក្តីប្រកាសគ្រោះមហន្តរាយធំមួយសម្រាប់រដ្ឋកាលីហ្វ័រញ៉ា លោកប្រធានាធិបតី បៃដិន បានសម្រេចចិត្តលុបចោលការធ្វើដំណើរនាពេលខាងមុខរបស់គាត់ទៅកាន់អ៊ីតាលី ដើម្បីបន្តផ្តោតលើការដឹកនាំការឆ្លើយតបរបស់សហព័ន្ធដោយពេញទំហឹងនៅប៉ុន្មានថ្ងៃខាងមុខនេះ»៕
សូមបញ្ជាក់ថា ដំណើរទស្សនកិច្ចរបស់លោក បៃដិន ទៅកាន់ប្រទេសអ៊ីតាលី គឺជាដំណើរទស្សនកិច្ចចុងក្រោយក្នុងអាណត្តិជាប្រធានាធិបតីសហរដ្ឋអាមេរិក៕
អត្ថបទ៖ សុខ សុវណ្ណ
ចុចអាន៖ លោក បៃដិន លុបចោលដំណើរទស្សនកិច្ចនៅអ៊ីតាលី ដោយសារភ្លើងឆេះព្រៃនៅកាលីហ្វ័រញ៉ា

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ