ព័ត៌មានអន្ដរជាតិ

ប្រធានាធិបតី និងអតីតប្រធានាធិបតី៥រូប ចូលរួមបុណ្យសពលោក Jimmy Carter

បានផុស

១ ខែ មុន

នៅ

ថ្ងៃសុក្រ ១០ មករា ២០២៥

ដោយ

Chheang

ប្រធានាធិបតី និងអតីតប្រធានាធិបតីចំនួន ៥រូប បានអញ្ជើញចូលរួមនៅក្នុងពិធីបុណ្យសពរបស់លោក Jimmy Carter ដែលជាអតីតប្រធានាធិបតីទី៣៩របស់សហរដ្ឋអាមេរិក កាលពីថ្ងៃព្រហស្បតិ៍ទី៩ខែមករាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វត្តមានប្រធានាធិបតី និងអតីតប្រធានាធិបតីទាំងនោះ មានដូចជា ប្រធានាធិបតីបច្ចុប្បន្ននិងជិតផុតអាណត្តិលោក Joe Biden, ប្រធានាធិបតីទើបជាប់ឆ្នោតម្ដងទៀតលោក Donald Trump, អតីតប្រធានាធិបតីលោក Barack Obama, លោក George W Bush និងលោក Bill Clinton។

លោក Carter បានទទួលមរណភាពកាលពីថ្ងៃទី២៩ខែធ្នូឆ្នាំ២០២៤។ លោកធ្លាប់បម្រើតួនាទីជាប្រធានាធិបតីអាមេរិកចន្លោះពីឆ្នាំ១៩៧៧ដល់ឆ្នាំ១៩៨១។ លោកគឺជាប្រធានាធិបតីដែលមានអាយុវែងបំផុតក្នុងប្រវត្តិសាស្ត្រអាមេរិក និងជាប្រធានាធិបតីដំបូងគេដែលមានអាយុដល់ទៅ ១០០ឆ្នាំ។

លោក Carter បានទទួលពានរង្វាន់ណូបែលសន្តិភាពក្នុងឆ្នាំ២០០២ សម្រាប់កិច្ចខិតខំប្រឹងប្រែងក្នុងការស្វែងរក «ដំណោះស្រាយដោយសន្តិភាពចំពោះជម្លោះអន្តរជាតិ ការជំរុញលទ្ធិប្រជាធិបតេយ្យ និងសិទ្ធិមនុស្ស និងការលើកកម្ពស់ការអភិវឌ្ឍសេដ្ឋកិច្ច និងសង្គម»។

លោក Carter គឺជាប្រធានាធិបតីអាមេរិកម្នាក់ក្នុងចំណោមប្រធានាធិបតីអាមេរិកបួននាក់ផ្សេងទៀត ដូចជា Theordore Roosevelt, Woodrow Wilson និង Barack Obama ដែលបានឈ្នះពានរង្វាន់នេះ៕